新玩具入手

不經不覺放棄左呢個Blog 都有一斷長時間了 ! 呢斷日子有好多鎖碎事都好想記下 , 於是又再返

尼寫下個 Blog啦! haha...

話說同幾位朋友開左間工作室 , 主要接下 D 美工 , 裱畫 , 招牌 , LED , 展覧等做下 , 突然發覺有

好多野都要用到 printer ......我本身已有個黑白Lazer , 但做工程成日要有彩圖 , 有時又懶返公司

 , 於事就買返部彩色 printer  , 可以 home office........hehe......呢訃 Canon MG 5670 都幾正 , 最有

WiFi , 可以將部機放去邊都用得 , 有時係街做完 D 文件或影左 D 相 , 又可以直接 print 出尼 ,

scan 完 D 文件又可以直接出 PDF send 比個客 , 唔錯唔錯 ! 我仲買埋可 refill 嘅墨盒 , 成本真係

抵到爛 !

打高達打到中左毒

近排打高達打到中曬毒 , 由於其他人都用兩部機開兩個戶口玩 

, 所以升 lv 升得好快 , 於是我都要買多部機先得喇 ! 哈哈

哈............

大力妹走了......

今日起身睇下 fb 時 , 見到老虎出個post話大力妹走左 , 我好突

然 ! 原來佢比毒蛇咬死左.......唉 ......好唔開心呀 ! 佢只有八/九

個月大 , 咁快就走左真係好可惜 , 但回頭一諗 , 佢前主人係住

公屋 , 買左大力妹返去之後就一直用個好細嘅狗籠困住佢  , 因

為大力妹好大隻 , 長其困住攪到隻後脚冇力同有小小變形 , 後

來又帶佢上電視台出鏡 , 攪到通曬天 , 之後比人拎咗去元朗倉

度養 , 但果度地方又唔清潔 , 又有黑妹 , 古仔一班陀地响度 , 大

力妹只可被綁在一角 , 日曬雨淋 , 食就食其他人食唔曬D飯餸 , 

真係好慘 , 夏天仲慘 ! 而家佢走左都算係一件好事 , 大力妹 , 一

路好走了 !

又發現新地方有好野食

今日皇后建意去隆享果邊間大排檔食晚飯, 於是我地就去試一

試 , 一坐低已見到四周貼滿一D寫得好有趣嘅餸菜名稱 , 仲有我

已經N年冇食過嘅 " 西湖牛肉羮 " 我地點左幾樣野試下 , 味道

都ok , 可以再返轉頭 ! 但下次一定要踩單車去 , 因為行都幾遠

下 !

今日釣魚識到兩位新朋友

今日原本約咗另外3人上排釣魚 , 但有兩個甩底 , 所以只有我同呀豪去 , 我地一上到排發現有2

隻貓貓 , 一隻跑過來歡迎我地 , 另一隻訓緊覺 , 由於佢地冇名 , 所以我幫佢地改在個名 , 一隻金

黑色 , 就叫 " 黑金 / 金仔 " 啦 ! 另一隻九成黑色 , 塊面下邊白色 , 好似載咗面罩 , 就叫 " badman " 

啦 ! 哈哈.....唔知佢地 like 唔 like 呢 ? 起初以為佢地係之前排主養的貓 BB , 而家大個咗 , 但原來

嗰幾隻都死曬了 , 呢兩隻係第二批.......今次我發覺個排整靚咗好多 , D 板大塊咗 , 橋板又大咗 , 

全個排都 '四正" 曬又安全 ! 我地一放低D架生 , 金仔好八掛地檢查我地D野 , 仲好癡人 , 又唔怕

醜 , 我地坐低釣魚時 , 仲一跳跳上我大肶 , 然後伏低訓覺 , 呢位小朋友真係唔怕醜到呢.....我放

佢落地佢又要扭我抱 , 攪完我又攪呀豪 , 佢仲跳上呀豪個袋度訓覺 , 好攪笑 , 我釣到魚仔就剪

曬 D 刺 然後比金仔食 , 但同時又有隻鶴想搶埋一份 , 真係熱鬧 !下次上去買 D 貓糧請佢地食先 !

金仔出場 !

快D食呀 , 唔係比人搶咗喇 !

努力 ! 

金仔 : 你地玩野呀?咁大條點食呀 !!

死咗末呢?

試吓咬啖先....

比番我呀!!!

badman 加入戰團