自家製曲奇

經過呢兩日四出買架生後 , 今日皇后可以正式開始整其它美食喇 ! 首先登場係曲奇餅 , 睇佢攪

到滿頭大汗 , 但又好滿足咁 , 我就唯有做攝影師啦 ! 結果今次非常成功 ! D 曲奇勁香 , 又唔會

好甜 , 啱晒我口味 ! 正 !! 由於第一輪未掌握到火路及時間 , 第二輪的更加靚仔 ! 於是將第二

輪的奇曲請咗比好友 Carol 一家食 , 今日皇后都玩得好開心 , 我地又食得好開心 ! 哈哈哈 

......

等......................

開始漲喇 !!

 出爐 !!

好香 , 好好味 !

第二輪D顏色靚D ! 

筏絞保養

趁今日得閒拎隻筏絞出黎換過D油先 , 因為隻絞用咗幾年都末換過油 , 早幾日用完發覺D油都已

經開始乾 , 又比我洗到七七八八 , 今日一於攪攪佢 , 而皇后就努力攪緊D曲奇 , 希望成功啦 !!

自家製曲奇

經過呢兩日四出買架生後 , 今日皇后可以正式開始整其它美食喇 ! 首先登場係曲奇餅 , 睇佢攪

到滿頭大汗 , 但又好滿足咁 , 我就唯有做攝影師啦 ! 結果今次非常成功 ! D 曲奇勁香 , 又唔會

好甜 , 啱晒我口味 ! 正 !! 由於第一輪未掌握到火路及時間 , 第二輪的更加靚仔 ! 於是將第二

輪的奇曲請咗比好友 Carol 一家食 , 今日皇后都玩得好開心 , 我地又食得好開心 ! 哈哈哈 

......

假餌竿入手!

今日同皇后約咗個好耐冇見嘅老友joann食飯 , 早前佢生咗個B , 係女仔 , 所以我地買咗隻Q版

長頸鹿比佢玩 ! 我地約咗20:00 , 由於我同皇后都好耐冇行荃灣 , 所以1630便去到荃灣嘅釣魚

發燒友睇吓野 , 因為我好多年前已經想買支假餌竿 , 今日順便睇吓有冇心水先 ! 去到睇咗幾支

都唔啱心水 , 突然又比我見到支無論長度 , 粗幼 , 重量 , 手柄位 , 同最重要嘅.....價錢都合晒要

求嘅假餌竿 ! 真係唔買唔得啦 ! 支竿係中軟 , 竿頭好幼 , 真係玩味十足 , 上次同D fd 去水中天

玩 , 用筏仔中條 5 斤章紅之後發覺 5 斤魚對支筏仔真係差不多極限了 , 今日見支假餌竿只係

230個大洋仲有折 , 一於入手 , 等支筏仔唔使咁傷啦 ! 加上冬季又可以去拖鱸魚 , 正 !! 之後同

皇后去烘焙店買架生同材料 , 因佢開始學整蛋糕同手工包 , 買完仲有時間 , 再去千色店買個打

蛋器 , 行到腳軟 , 拎到手軟 , 終於到咗1930 , 可以去嗰間 " 客家好棧 " 攞枱等佢地黎一齊食飯lu !

joann個女好得意

個人新記錄

 早排開工時同D師父吹開釣魚 , 個個都手痕到不得了 , 因大家都忙住揾食 , 已經好耐冇釣過魚

lu.........趁今日得閒 , 約埋小强去水中天玩吓先 ! 因為小强唔識玩筏仔 , 所以我帶佢上去呢個練

習場度學吓點玩 ,去到碼頭望吓個海.......死喇 ! 紅潮爆發 ! 今次好唔同 , 只係岸邊有 , 仲末去到

出面 , set好架生馬上第一竿放入水中 , 即時被D魚接住 , 一頂即斷 ! 嘩 ! 冇釣魚一段時間 , 唔通

D釣技差咗? 再落第二竿.....中 ! 今次頂咗兩頂已見到魚影 , 但係.....呢條乜魚黎架? 望多兩望

比佢開尾爆斷埋 ........妖 .........D釣技冇理由差成咁架 ! 第三竿 , 經過之前兩次斷絲嘅經驗 ,

今次話過唔會再比你走 !! 又係一放即中 , 又係爆到九彩 , 又係左片右片 , 今次同佢拉長黎玩 ,

佢爆我放 , 佢停我收......就係咁我同佢玩咗三四分鐘 , 終於見到魚影 , 小强幫我落撈簊炒上水

, 原來呢條係章紅 ! 仲要有成 5 斤重 ! 唔怪得咁惡啦 !! 我之前最大都係釣到條 3斤4嘅虱目魚

(野生的), 今次條章紅雖然係養魚 , 但呢水D魚真係好好力 , 同野生冇分別 ! 超好玩 , 今次破埋

個人記錄 ,好開心呀! 同時今次D 黃鱲(魚倉) size 唔大 , 只有一斤到斤半左右 , 但D力度就超

強勁 ! 同海魚一樣 , 條條都爆到九彩 , 要力頂一輪先上到水 , 有D仲頂到斷絲 , 非常好玩 !! 小

强都中魚中到手軟 , 經過我一輪指導同不斷中魚 , 終於掌握到點釣喇 , 之後佢都上到條 5 斤

庄嘅章紅 , 真係叻仔 ! 今次我哋兩個中左三四十條黃鱲倉 , 真係夠晒喉喇 ! 哈哈哈..........

自家製麵包 2

經過一段勞役之後 , 終於可以休息吓 ! 昨晚又 set 好部麵包機等今早可以有得食 , 之前買咗 2

款蒜茸醬 , 今日一次過試吓先 ! 樽裝呢隻一打開就有好香蒜茸味 , 食落好滿足 ! 枝裝呢隻都好

香 , 但我覺得用黎做蒜茸法包會更完美 ! 過幾日又要開始另一段勞役 ! 所以要食多D ! 唔係點頂

得住呀? 哈哈哈哈..........



出爐 !

美食唔好停!

昨晚買咗焗蠔之餘仲買咗三文魚頭同一大包廣島蠔 , ( 因為我好like食海鮮 ) , 今次皇后用蒜茸

同唔知乜乜同乜乜 煮, 我只知好好味 ! 蠔夠大隻同飽滿 , 多汁同鮮甜 ! 廣島蠔即係廣島蠔 !食過

咁多次都係一樣 , 品質有保証 , 最正係用黎 hot pot ! 三文魚頭又香又脆 , 之前做得咁辛苦  , 要

食多D 補返吓 ! 哈哈哈........仲記得早前買咗 D 24 榴槤產品嗎? 飯後甜品一於食埋佢啦 ! 

呢個叫榴槤日式大福餅 , 可惜比呀姐昆咗 , 係勁香 , 但個外皮唔好食 , D 榴槤肉又雪到掟死狗 

, 食咗一半放棄咗........

自家製焗蠔

睇電視成日影D生蠔即開即食 , D 口水已經流晒出來 , 今晚去扒王食飯見到餐牌有 , 即刻落

order 先 ! 點知轉頭話冇貨.........妖 ! 食完同皇后去一田行街 , 又比我地見到包急凍生蠔 , 賣 20

個大洋 ! 咁平 ? 决定試下自已焗 , 出黎個效果同味道都唔錯喎 ! 正 !!

又一新挑戰

早幾日已在工場日以繼夜咁趕起咗 Osim 父親節嘅宣傳機 , 之後又回到工場製作另一個展覽 ,

亦係日以繼夜咁趕 ! 今日到左中環士丹頓街 3 号 set 場 , 原來係一個停車場 , 佔地三層 , 我只

負責G/F , 3 /F , 其他人做 2/F , 今次除咗變身做木工之外 , 仲有更好玩的玩意等住我啊 ! 就係

用發泡膠做一個雪山嘅 back job ! 我地用發熱線一刀一刀咁 cut  , 又要開一些大大小小嘅雪洞

用黎放 D 衫同鞋入去做 display , 加上停車揚嘅高温 , 真係做死人 !!

自家製麵包 1

今早一個出爐麵包後 , 我同皇后去咗 city super 買番個砧板 , 因為生同熟食物要分開切麻 ! 但

見厨房個木砧板都用咗 8 年 , 一於換咗佢啦 , 買完砧板之後又見到皇后昨日好想買但又冇買嘅

" 士多啤梨味 " 預拌粉 , 一於買埋佢啦 ! 之後又再開工 , 晚上9:30 終於出爐喇 ! 個包發得好靚好

高 , 仲好香士多啤梨味 , 內裹仲係粉紅色架 ! 不過就冇乜甜味 , 可能個味覺比個嗅覺欺騙咗啦 !

哈哈......

新鮮麵包出爐

尋晚 set 好咗部機之後 , 今早起身馬上去睇吓成果先 ! 首先係一出房門已聞到麵包嘅香味 ! 然

後去厨房打開部機一睇 , 嘩 ! 好靚呀 ! 成功出爐 ! 取出麵包後等佢涼番D先可以切 , 因為太軟所

以好難切 , 半小時後 , 可以幫早前新買果把麵包刀開光喇 ! 個包非常鬆軟 , 但用呢把刀就一D問

題都冇 , 手起刀落 , 完全唔使用力 , 一推一拉已經可以將麵包切開 ! 非常好用 , 至於個包 , 今次

係用日清高筋麵粉同注入冰水 , 所以非常鬆軟而又帶柔韌 , 口感好實在 , 唔會好似出面買嗰D

咁 , 食完好似得陣風咁 , 我食咗 3 塊已經飽飽了 !




開呀!!

 把力切得幾靚 ! 個包冇變形!

唔計頭尾都切到 7 塊