今日釣魚識到兩位新朋友

今日原本約咗另外3人上排釣魚 , 但有兩個甩底 , 所以只有我同呀豪去 , 我地一上到排發現有2

隻貓貓 , 一隻跑過來歡迎我地 , 另一隻訓緊覺 , 由於佢地冇名 , 所以我幫佢地改在個名 , 一隻金

黑色 , 就叫 " 黑金 / 金仔 " 啦 ! 另一隻九成黑色 , 塊面下邊白色 , 好似載咗面罩 , 就叫 " badman " 

啦 ! 哈哈.....唔知佢地 like 唔 like 呢 ? 起初以為佢地係之前排主養的貓 BB , 而家大個咗 , 但原來

嗰幾隻都死曬了 , 呢兩隻係第二批.......今次我發覺個排整靚咗好多 , D 板大塊咗 , 橋板又大咗 , 

全個排都 '四正" 曬又安全 ! 我地一放低D架生 , 金仔好八掛地檢查我地D野 , 仲好癡人 , 又唔怕

醜 , 我地坐低釣魚時 , 仲一跳跳上我大肶 , 然後伏低訓覺 , 呢位小朋友真係唔怕醜到呢.....我放

佢落地佢又要扭我抱 , 攪完我又攪呀豪 , 佢仲跳上呀豪個袋度訓覺 , 好攪笑 , 我釣到魚仔就剪

曬 D 刺 然後比金仔食 , 但同時又有隻鶴想搶埋一份 , 真係熱鬧 !下次上去買 D 貓糧請佢地食先 !

金仔出場 !

快D食呀 , 唔係比人搶咗喇 !

努力 ! 

金仔 : 你地玩野呀?咁大條點食呀 !!

死咗末呢?

試吓咬啖先....

比番我呀!!!

badman 加入戰團

筏絞保養

趁今日得閒拎隻筏絞出黎換過D油先 , 因為隻絞用咗幾年都末換過油 , 早幾日用完發覺D油都已

經開始乾 , 又比我洗到七七八八 , 今日一於攪攪佢 , 而皇后就努力攪緊D曲奇 , 希望成功啦 !!

假餌竿入手!

今日同皇后約咗個好耐冇見嘅老友joann食飯 , 早前佢生咗個B , 係女仔 , 所以我地買咗隻Q版

長頸鹿比佢玩 ! 我地約咗20:00 , 由於我同皇后都好耐冇行荃灣 , 所以1630便去到荃灣嘅釣魚

發燒友睇吓野 , 因為我好多年前已經想買支假餌竿 , 今日順便睇吓有冇心水先 ! 去到睇咗幾支

都唔啱心水 , 突然又比我見到支無論長度 , 粗幼 , 重量 , 手柄位 , 同最重要嘅.....價錢都合晒要

求嘅假餌竿 ! 真係唔買唔得啦 ! 支竿係中軟 , 竿頭好幼 , 真係玩味十足 , 上次同D fd 去水中天

玩 , 用筏仔中條 5 斤章紅之後發覺 5 斤魚對支筏仔真係差不多極限了 , 今日見支假餌竿只係

230個大洋仲有折 , 一於入手 , 等支筏仔唔使咁傷啦 ! 加上冬季又可以去拖鱸魚 , 正 !! 之後同

皇后去烘焙店買架生同材料 , 因佢開始學整蛋糕同手工包 , 買完仲有時間 , 再去千色店買個打

蛋器 , 行到腳軟 , 拎到手軟 , 終於到咗1930 , 可以去嗰間 " 客家好棧 " 攞枱等佢地黎一齊食飯lu !

joann個女好得意

個人新記錄

 早排開工時同D師父吹開釣魚 , 個個都手痕到不得了 , 因大家都忙住揾食 , 已經好耐冇釣過魚

lu.........趁今日得閒 , 約埋小强去水中天玩吓先 ! 因為小强唔識玩筏仔 , 所以我帶佢上去呢個練

習場度學吓點玩 ,去到碼頭望吓個海.......死喇 ! 紅潮爆發 ! 今次好唔同 , 只係岸邊有 , 仲末去到

出面 , set好架生馬上第一竿放入水中 , 即時被D魚接住 , 一頂即斷 ! 嘩 ! 冇釣魚一段時間 , 唔通

D釣技差咗? 再落第二竿.....中 ! 今次頂咗兩頂已見到魚影 , 但係.....呢條乜魚黎架? 望多兩望

比佢開尾爆斷埋 ........妖 .........D釣技冇理由差成咁架 ! 第三竿 , 經過之前兩次斷絲嘅經驗 ,

今次話過唔會再比你走 !! 又係一放即中 , 又係爆到九彩 , 又係左片右片 , 今次同佢拉長黎玩 ,

佢爆我放 , 佢停我收......就係咁我同佢玩咗三四分鐘 , 終於見到魚影 , 小强幫我落撈簊炒上水

, 原來呢條係章紅 ! 仲要有成 5 斤重 ! 唔怪得咁惡啦 !! 我之前最大都係釣到條 3斤4嘅虱目魚

(野生的), 今次條章紅雖然係養魚 , 但呢水D魚真係好好力 , 同野生冇分別 ! 超好玩 , 今次破埋

個人記錄 ,好開心呀! 同時今次D 黃鱲(魚倉) size 唔大 , 只有一斤到斤半左右 , 但D力度就超

強勁 ! 同海魚一樣 , 條條都爆到九彩 , 要力頂一輪先上到水 , 有D仲頂到斷絲 , 非常好玩 !! 小

强都中魚中到手軟 , 經過我一輪指導同不斷中魚 , 終於掌握到點釣喇 , 之後佢都上到條 5 斤

庄嘅章紅 , 真係叻仔 ! 今次我哋兩個中左三四十條黃鱲倉 , 真係夠晒喉喇 ! 哈哈哈..........

漁排通頂新體驗

日期：2012年9月8號 ,廿三 , 死流  東風2-3級  

時間 : 18:00-08:00

釣點：三門仔通頂

人物 : 紅鮋皇 , 倫爺 , 我

釣法 : 笩釣 + 沈底

魚獲 :  烏頭 x 2 , 石蚌 x1 , 星鱸 x1


昨晚約咗Roy仔同倫爺上排過夜 , 點知2點鐘左右突然風雲變色天打雷劈 , 嚇到Roy仔縮沙唔

去 , 但雷雨過後又出太陽 , 於是我同倫爺 , 紅鮋皇照上可也! 上到去釣咗一陣見到有人有烏頭

上 , 呀倫叫埋我一齊過去 , 我第一口餌揪唔中 , 呀倫中咗但斷咗 , 之後又到我中 , 嘩 ! 呢種感

覺真係返晒黎 , 嗰種實在感同滿足感 , 好耐冇試過喇 , 之後呀倫補中一條 , 同時間紅鮋皇在另

一排中咗條五斤星鱸 , 可惜開口時間真係越短 , 只有十五分鐘 , 之後靜晒.......紅鮋皇再中多

條斤頭石蚌 , 諗住有個咁好嘅開始 , 夜 D 一定冇衰啦 ! 點知 D鱸魚成晚掃場 , 不停在排底追

殺小魚 , 攪到成個海洋公園咁 , 打水聲不斷响起 , 其它魚跟本埋唔到黎 , 冇魚釣最好就係玩煮

飯仔啦 , 我地買左柸麵同魚柳罐頭上排做晚餐 , 只要煲水就食得 , 唔使捱麵包咁慘 , 真係好 !

食飽之後都冇心機釣 , 因為個排有過千隻小強同十幾隻老鼠 , 太得人驚喇 !! 就係咁成晚一條

魚都冇得釣 , 諗住訓覺啦 , 但因為太嘈 , 又熱 , 跟本訓唔到 , 等到晨光一出就即時作出最後衝

刺 , 如果呢斷時間都冇就可以收工了 ! 但可惜D鱸魚仲末掃完場 , 所以都係劏魚走人算了 ! 





有人話三門仔嘅日落係最靚 , 我都同意 , 每次黎都係釣魚 , 揾次要去好好咁影吓三門仔的日落先 !

 開餐喇 , 套 Cookset 真係好方便 !

 血腥場面 ! 放血中.......

開爐

買咗個爐同套Cookset之後就一直未得閒試 , 明晚約咗Roy仔同倫爺上排過夜 , 所以今晚要試吓

個爐 , 如果唔係我一定會比人掉落海 , 因為只得我有爐 , 如果個爐唔work , 咁就真係唔落海唔

得喇 ! 哈哈......同時收到料肥陳同輝叔今晚上左排 , 仲有紅鮋 , 黑立 , 星鱸 ,同四十幾條烏頭 !

唔知會唔會比佢地釣晒呢 ?

新玩具 ( 下 )

終於在Y拍揾到一套啱用嘅Cookset , 裏面有兩套煲 , 細嗰個煲仲可以裝埋支扁氣同爐頭添 ,

真係超方便 ! 因為今日要開工所以要皇后幫我出去交收 , 由於今晚又要開工 , 所以要等明日

先試玩 ! 以後去釣魚就可以唔使捱餓啦 !

新玩具 ( 上 )

今日同皇后去咗沙田揾露營爐具同Cookset , 點知唔係冇得賣就係唔啱款 , 唯有再去太子金魚

街度再揾 , 點知都係唔啱 , 最後走去旺角一間上樓舖度揾到我想要嘅野 , 因為嗰D垃圾論壇幫

唔到手 , 所以自己續間去問人......但今次只係買左爐頭同GAS , Cookset就因為比較貴所以唔買

住 , 等得閒先上網bid !

想買Cookset

早排去完釣魚 , D 釣友問我點解咁耐冇上排玩? 我就答佢地 : 冇計啦要揾食......加上我地個主

場都賣咗比人仲拖走咗 , D fd各散東西 , 之後轉咗去呢個排 , 但呢個排冇野食 , 又唔可以隨時上

或走 , 晚上要限時上排 , 之後要到明早 7:00後先接你走.......由於冇任何補給 , 所以都好小去 ,

諗諗吓...... " 叮 " 一聲 ! 好似去露營咁買套Cookset上去煮麵食咪得囉 ! 即時上網揾料 , 揾到想

要嘅野之後又唔知好唔好用 , 跟手上去D論壇度問吓人 , 點知同以前一樣.......冇人答你 , 再問

多次就答埋晒D超行貨, 答咗等於冇答嘅廢答案 , 話自己去舖頭揾啦 .....自己去問舖頭啦......大

佬呀 ! 我咪問知唔知邊間有得賣囉 ! 你唔知咪唔好出聲囉 ! 你地唔答我仲冇咁嬲 ! 有D人仲慘 ,

又話跪又話求先有人回應 ,但唔係答你喎 , 係話 : 自已爬文啦 ! 老奉要答你架 ! 我之前在單車版

又係十問九唔應 ! 唉~~~~人地都係好聲好氣問吓啫 , 你唔想答咪算囉 , 使唔使咁對人 ? 我睇

到真係想出聲 , 但費事攪到罵戰四起 .........而家D香港人點解會變成咁 , 又冇禮貌又自私 , 真

係港人大陸化 ? 

久遺了的........魚排

日期：2012年8月19號 ,初三 , 生流  南風2-3級  

時間 : 7:15am-1:00pm

釣點：三門仔

人物 : Roy 仔 , 倫爺 , 我

釣法 : 笩釣

魚獲 :泥鯭1.5斤 


今日終於可以去釣魚喇 ! 由於Roy仔同倫爺昨晚已經上左排過夜 , 我就今日先上去 , 順便拎個

虾箱比Roy仔 , 因為做好左成年有多都未有機會比佢 , 今日比埋佢就了左件心事啦! 倫爺有一條

斤頭烏 , Roy 仔就一條斤頭烏 , 兩條斤頭金古 , 三條細金古 , 兩條手板大眼倉 , 兩條迷你烏 , 嘩

! 全部都係捱更扺夜嘅成果 , 可惜D烏頭又游晒出出面, 我又冇帶磯竿.........所以冇野玩 , 只好

跟皇后Order做野 ,  "泥鯭 " , 但D老泥又小又好細條 , 加上又有一家人帶埋兩個小妹妹上黎依

嘩鬼叫 ! 釣釣吓突然竿頭拉下 , 咁我順手輕揪 , 之後 " 啪 " 一聲.........支虾竿炸咗 !! 不過支虾

竿用咗都有幾年 , 老化都好正常 , 唉........唯有1:00左右剪魚走人 , 最後Roy仔比咗條烏我 , 今晚有魚食喇 ! 哈哈..... 雖然冇魚釣 , 但就真係揾

返久遺左嘅感覺 " 好舒服 "  !


等.......又再等.........又再等........................

 個排而家唔養狗改養貓 , 4 隻 BB 好可愛啊 !

 炸咗..........嗚~~~