地點 : 大圍>吹水碼頭(科學園)＞大埔海濱公園碼頭>太和火車站
TRIP DIST 騎乘距離 24.92km
TRIP TIME 騎乘時間 1:45h
AVG.SPEED 平均速度 14.24
MAX.SPEED 最高時速 36.81km/h
TOTAL ODO 總乘騎里數 284 km
今晚祥仔過黎踩車 , 仲約埋偉仔同基基 , 我地在河畔食完野就去吹水碼頭同基基會合 , 吹左
一陣水就再向大埔海濱公園出發 , 但偉仔就偷走左 , 我地4人去到天賦海灣時見到有個小朋友
炒左車 , 我地即時落車幫手 , 原來個大D嘅小朋友習低左個細路 , 有個大人發現即時掉頭 , 但
太心急差D欄腰車落個傷者度 , 佢即時剎死個前轆攪到成部車尾升起左 , 仲差D連人帶車壓落去
, 好左祥仔一手扯住架車冇事! 基基即時怒插個靚仔 , 個大人即時話識嘅 , 冇事冇事......唔該
晒你地 !! 之後繼續前進 , 差不多到海濱公園時有個街車仔玩野 , Z 型行車 , 差D炒低我同皇后
, 我地勁插佢 , 之後佢爆車走人 , 去到海濱公園門口佢同 D friend會合 , 之後就吋咀喇 , 我同
佢嘈左幾句就諗住算 , 點知班仆街似人多仲嘈返我轉頭 ! 祥仔睇唔過眼同我一齊行過去 , 突
然祥仔着左火一爭批落其中一個街車仔度 , 另一個即時加入戰團 , 我就一爭批落佢後脛度叫
佢放手 ! 祥仔同條靚仔仲末分得開 , 個主角就同我講 : 而家我同你講對唔住 , 得未 ? 我話 : 好
! 我就係要你咁啫 ! 條靚仔同祥仔拉扯緊時我叫佢放手佢唔放 , 我就用拳頭向住佢問多佢一次
放唔放? 佢即時放開左 , 之後我地就閃人 , 為免回程比佢地伏 , 我地去太和搭火車走人 ,
唉.....攪成咁真係冇人想 , 但點都好 , 一定要多謝祥仔撑我!!
5 部都係白色 !
