電動牙刷

剝完隻大牙之後 , 三妹話佢以前都係爛牙皇 , 自從用咗電動牙刷之後就冇再爛牙喎 ! 皇后就話

不如買隻試吓啦 , 但好貴喎......但冇晒D牙要用假牙仲貴喎 !! 今日經過萬靈就入去超吓 , 都有

幾多款喎 , 左睇右睇之後决定買隻貴D新款嘅聲波電動牙刷 , 要759個大洋呀 !! 突然心血來潮

去埋老屈睇吓先 , 好彩行多步啫 , 老屈賣599個大洋 , 嘩 ! 差 160 個大洋喎 ! 返轉頭睇真D個型

號 , 一模一樣喎 , 只係跟個刷頭唔同 , 真係得人驚......但老屈冇刷頭賣 , 只好在萬靈買一盒刷頭

然後再去老屈買隻牙刷啦 , 因為個差價都夠買4個刷頭 , 返到屋企即晚試用 , 開始唔係好慣有D

郁嘅野放入口度 , 但刷完D牙真係乾淨好多喎 , 七舊幾水都冇白費到 , 希望以後唔會再爛牙啦 !