Shabu Shabu

今日 32.9 度 天文台發出炎熱警告 ! 好熱冇胃口食飯 , 皇后提議食 Shabu Shabu 啦 , 都好 ,

我地未試過 , 一於去買料 !! 我地買唔到湯底 , 唯有用雞湯代替 , 但效果非常好 , 所有鮮味都

出晒黎 , 真係雞有雞味 , 魚有魚味啊 !

很舒服的一個早上

今日先去觀塘開工 , 再去荃灣 , 以往去觀塘開工都會途經觀塘碼頭 , 我一定會行入去望吓個

海 , 呼吸一下(即係食番支煙)哈哈.....但真係好舒服 ! 今日呼吸完仲有大把時間 , 就入去海濱

公園的海旁行至最後 , 今日海水非常滿 , 可能近端午節啦 , 但途中見到海面有無數魚花在游

來游去 ,好似好不安地在逃走 , 間中還有一些較大的魚在打水 , 呢個情况好明顯有大物埋岸啦

! 可惜一陣要開工啊!! 點解要開工先遇到咁嘅良機??!!可惜可惜.......唯有依依不捨咁向前行啦

, 突然有一隻蝴蝶在我身邊飛過 , 之後仲停咗在地上 , 我見佢幾靚 , 於事就用電話影吓佢 , 但

佢唔肯走 , 我成部電話放在佢身邊影佢都唔走 , 哈哈.......可能佢見我釣唔到魚咁down , 所以

娛樂吓我囉 ! 之後再影多張全景就行去開工 , 今個早上真係好舒暢啊 !