14吋代步車

今日去大圍睇中左部我想買好耐嘅小形摺車仔

, 14吋轆細細架十分方便收藏 , 用黎代步或駁腳去搭車返工一流

 , 但又有D怕鎖在街邊到收工時唔見左

........應該冇咁邪呱......

最高尚宮見架車摺埋咁細舊

 , 佢又鐘意喎! 咁佢又去試下踩唔踩到 , 由於落雨所以踩左幾下 , 都ok冇乜問題 , 咁不如買兩部啦! 但可惜只得一部

 , 咁要住一部

先啦 , 到晚上見冇雨落就落街試車 , 由於我地都末踩過咁細部車 , 一定要試下點控制 , 點知最高尚宮話個頭好易左右擺

, 我試過都係一樣.....不過只要張重心向後一些就唔難控制了

 , 但最高尚宮係用佢黎買餸 , 個頭咁擺點攪呀 ? 好采買左一部

先 , 咁呢部就我用黎駁腳啦!等個天喊完再同佢去睇過第二 D 車啦

 !

車仔細細 , 都幾好去架 !

摺埋真係好細舊 , 正 !

閒遊大美督

見今日仲係好天 , 馬上决定去大美督玩下先!明天開始又落雨了.....我同最高尚宮食過早餐後就開始我地嘅旅程 , 轉左幾次車後便到達目的地 , 在海邊見到好多人玩風帆 , 有小小人在 BBQ , 但人數不多 , 因為今日係閒日 , 所以咪冇乜人同我地爭 , 影左幾張相後就租單車踩過去大霸影風景 , 今次我地租左架 " 怪獸 " ! 我從未踩過呢舊野架 , 唔知好唔好玩 , 見佢有頂 , 咁就試下啦 ! 點知..........唉..........總知冇下次啦!!! 一路踩下停下影下都幾正 , 不過對腳就好累 , 舊野踩極都唔去 , 真正係 大食冇力 , 返到單車舖即時比番舊野佢 , 然後揾地方食野同降温 , 去左間泰國菜館叫兩個椰青同兩個生牛肉湯河 , 加多個炸蝦餅 , 但又再次中計 ! D 河粉鞋到冇朋友 , 湯又唔夠熱 , 又冇味 , 椰青唔甜同個蝦餅冇蝦味..........妖 ! openrice D 人有冇味覺架 !? 又吹到點正點正 , 垃圾都話美食 , 以後都唔好信呢D垃圾講嘅野呀 !!之後去海邊行一陣就打道回府 lu .

五小mo走晒....

呢幾日因為要開工,早出夜歸 , 冇時間觀察五小mo的情况 , 最高尚宮來電通知五小mo已集體升天了 ! 吓?無叮叮點解會反缸架?早上出門前都冇事架 , 唉 ~ ~養左咁多年魚其實都有點累 , 今次反缸事件之後 , 係唔係應該可以考慮吓仲養唔養好呢?

小Mo現况( Day 2 )

五小mo今日已到來第2日喇 , 情况尚算穩定 , 但仲未肯開口 !

今日成日"呢呢埋埋" .........

呢張幾正 !

養魚回憶錄

今日要陪最高尚宮在家等百佳送貨

 , 點知2:00pm突然打黎話部腦死左送唔到

 !!

 妖 !!!!

@#$%^&.....唯有揾D野攪殺吓時間 , 呢期攪開魚 , 就攪番個養魚回憶錄啦!

( 雖然有D相揾唔返 )

第一缸魚 , 燈係自己 DIY嘅 !

瓜晒之後養淡水雞泡 , 好得意架 !之後仲有一缸孔雀,不過冇左D相....

第一次學養咸水 , 好靚呀 !

加埋隻醫生蝦

點知冇幾耐又反晒......上網爬文後再買過D正確嘅瀘材 , 再接再厲!!

呢次一養就養左 5 年 lu .......而家條藍屌有手板咁大 !

兩隻醫生蝦都係比條藍屌咬死 , 近日仲打埋條mo仔添 !

D水養得十分好 , 連釣番黎嘅 " 石剎 "都養到呀 !

而家唔攪咁多野喇...........淨用個細缸養小丑算 lu

 ~ ~ ~ ~

新開Mo仔缸

見今日好天决定攪下個魚缸先 ! 我養所謂咸水魚都有五年 lu , 條籃屌而家都有手掌咁大 lu ,  由於早前條 mo仔比佢打傷左 , 好似唔係好掂咁.......佢之前都已經打死左我兩隻醫生蝦 , 又成日打水攪到周圍濕晒 , 所以决定送左比魚街D人 , 等佢揾過個好人家啦!由於已有瀘材,所以淨買左一個細缸及掛瀘就算 , mo仔就買左六條 BB , 返到屋企攪一大倫野終於攪掂晒 ! 但有一條小mo可能體弱適應唔到新水 , 已經先行一步 , 而家仲有五條好似都幾穩定 , 希望佢地可以健康成長啦 !

新缸細左一半有多 .......

個人新記錄

日期：2011年6月15號 ,十四 , 生流  南風4級 , 暴晒 , 淋雨 , 暴晒 , 淋雨 ,......

時間 : 8:15am-2:00pm

釣點：三門仔

人物 : 自已單拖

釣法 : 笩釣

魚獲 :金古 x0 , 蚤目 x1

好耐冇去玩過烏頭喇 , 今日單拖去玩下 , 個天又玩野 , 一時落雨 , 一時晒死人

 , 開始一陣隔離個 C兄先中一條老烏約斤半以上 , 但落撈簊時甩左 , 之後一直冇烏訊

 , 到我支竿有反應時一抽即中金古一條 , 我未釣過金古呀 ,

 正! 點知又係落撈簊時甩左

...........一直等都冇任何反應 , 又係我嘅金句 :

 "  泥鯭唔

見晒 , 一定有古怪!! " 突然竿頭快拉了兩下, 之後竿頭直插入水 ! 即抽 ! 中左!但頂左三次都升唔到上水 , 心諗呢條烏頭起碼 3 斤 !

 但第 4 次頂到上水面 2呎時佢一個返身向下爆 , 我睇到魚影時嚇左一跳 ,

 好大條喎........但唔係烏頭 , 又

唔係黃鱲倉........再頂上水時見到真面目喇! 蚤目魚啊 !

我又係末釣過架!由於太大條 , 撈簊好難抄得入 ,又驚斷喎  , 因為我用 2號絲

......最後抄左幾次先入到 , 上到排時已經甩左鈎 , 真係好彩

 .....冇耐有個 C兄又中一絛 , 之前甩口個C兄都中 , 但又係甩口

 , 我就叫佢就下魚 , 放小小比佢丫麻 , 再咁甩法仲使釣咩

 ! 之後個位真係皇左 , 乜魚都走晒 , 我都劏魚走人 lu

新記錄 60cm

第一次爆晒棚.....

自家製豬仔骨

自家製豬仔骨終於面世喇! 好好味 ! 比得上出面果D !最高尚宮又記一功喇 !

製作中........

今日同最高尚宮去買餸 , 行左去一田 , 突然見到有白沙蜆賣 , $20一盒就買兩盒啦!再行行下又見到有急凍麵包蟹喎

!仲要賣$98 ,想試食好耐喇

 ....好! 即時掃一隻上車先! 晚餐一於黎個滿殼大餐先!

先黎個豉椒炒蜆!

同塲加影 : 尚宮炒烏冬! ( 由於食完海鮮 , 所以隔左2粒鐘先食呢個 )