持一來一回 , 所以都係搭車去好了 ..........但最後先知大師兄原來自己一個人來 , 佢老婆冇同佢
一齊踩 , 唉......早知我同佢踩啦 , 等佢自己一條友來回好似好慘咁 , 但佢又話好enjoy 喎 ! 哈哈
哈......有時間唔中自己一個靜靜地又真係幾好架 ! 我地燒到 8:00pm 時突然聽到打鼓聲 , 之後
見到有一隻獅子舞咗入場响老闆拜年 , 然後就在場內四圍响客人拜年 , 大師兄仲比封利是佢 ,
等隻獅子向自己拜吓年 , 真係幾熱鬧架 ! 我地個位最正 , 因為隻獅子就在我地面前表演 , 另有
一個小插曲 , 話說去摸吓隻獅子尾會帶來好運 , 原本我都想去摸吓架 , 但突然見到獅尾嗰個原
來係女仔黎架 !!! 嘩 !! 好彩無摸到 , 唔係實變豬頭 ! 哈哈哈.............燒燒吓突然落雨 , 拿拿聲
轉位 , 到 10:30三妹佢走話走先 , 我地同大師只玩到11:00都走人 , 佢仲送我地搭車然後自己
踩返屋企 , 但中途會送兩條多春魚去比D 貓貓食 , 因為有次大師兄去釣魚 , 有隻貓成日跟住
佢 , 就算走到成絛街咁遠 , 轉頭又見到佢坐咗响隔離 , 哈哈.....我叫大師兄下次帶埋我去探吓
D貓貓 , 等我踩開車都可以探吓佢地 !
