久違了的感覺...............

日期：2009年12月26號 ,十一 (星期六 ,  死流 ) 束風4-5級

時間 : 6:30am-12:30pm

釣點：三門仔

人物 : 志哥 , Roy仔同我

魚獲  :老烏( 斤半 ) X1  , 老泥小量

今日先有得放聖誕假 , 諗住同倫爺去東涌上橋墩 , 但個流咁死都係唔搏 , 又聽D老友

講老馬個仔結婚 , 休息三日 , 今日會開番 , 諗諗下三日冇人攪過 ,

應該幾好

境喎!一於上去攪攪佢!!但當我去到碼頭打比老馬時 , 佢竟然話趕唔切番黎開排

.......

我妖佢丫

!!!我一條友企左响碼頭度 on 99 , 天又末光,又大風

.....等到

志哥黎到再諗下上邊個排 , 最後決定去鍾佰度試下啦 , 但又冇帶撈簊同糧食喎 , 點

呢......死就死啦!!

Call左排

主仲要等多半粒鐘先黎到....唉....食風食到飽晒

.上到排即時摷下有冇 , 但又冇 ,

轉玩老烏啦 , 又比D老泥化晒餌 , 突然竿頭急沈一下然後托起 ! 心諗D老泥唔係狼到

咁下話.....但呢D唔係老泥嘅食法喎

, 即抽 ! 中 !! 好有質感 , 又有咁上下重量 , 就同

佢玩兩手先 , 因為好耐冇玩過烏頭喇 , 有D掛住同佢死過嘅感覺

, 一手都唔比佢 , 強

弓佢升水 , 然後就用排主個超粗柄撈簊炒佢 , 一炒入網! 但突然聽到 " 啪 "一聲........

手上嘅重量完全消失左

!!! 望真D個撈簊炸左 ! 斷左個超粗木柄喎!!有冇攪錯 !?咁粗

都斷得

??!!條烏得斤半到之麻 !!!!! 好彩志哥即時用另一個撈簊幫我炒番條烏...........

之後突然起風 , 由於空肚嘅關係 , 我就開始越釣越大條喇 ( D鼻涕 ) 頂住! 但冇第二

條魚再上過水 , 只有老泥 , 於是頂到十二點半走人 !條烏就送左比停車塲肥姐 ,今日

真係又驚又喜喇

haha....

蒲臺島 fit 魷

日期：2009年11月22號 ,初六 (星期日 ,  生流尾 ) 北風4-5級

時間 : 9:30am-2:00pm

釣點：蒲臺島

人物 : 輝叔 , 倫爺 , 我

魚獲  : 大尾魷共 四條

今日晨早七點幾到香港仔食早餐

, 之後便座 8:15am班船出發 , 之後由倫爺做

導遊 帶我地去釣點 , 差不多到時

見到有人在潛水 , 輝叔就話唔好過去 , 但倫

爺就話果度有料到喎 ! 講完一輪就决定唔過去啦 , 點知 fit fit大下見到第二班人霸左果個位仲 fit 到兩隻大尾魷 , 約斤幾一條架!

於是我同倫爺就轉過第二個位 , 都係冇料到

 之後就走去碼頭度同班友迫過先 , 但都係冇料到...........天啊 !!

今日D魷去晒邊呀

 之後再轉位 , 都係冇..........諗住都係打龜架啦 , 因為當時

已下午一點 , 我地要座三點班船走人 , 所兩點要執野! 突然輝叔出現 , 佢仲釣到幾條

冧蚌同石剎 , 過黎同我地一齊 fit , 突然倫爺支竿滿弓 ! 中左啦!! 好大條 , 有斤半左右 !

黎喇 ~黎喇 ~~~ 之後又到輝叔大叫撈簊 ! 佢又中喇 !! 得我未有........

慘 !! 我又走去輝叔個位度試下先 , 但我未開始行已見輝叔又上多條

我要快D

先得喇 , 我唔想打龜呀

好在最後我都中番絛磅頭

, 今日總算冇白行 .

其實今日咁凍又咁大風 , 都諗住冇料到 , 但未去過蒲臺島咪當去下旅行囉 , 幸運地我地三人都有收獲 , 真係好開心

夜晚打邊爐啱晒啦 , 真係勁鮮甜

右邊第二隻係我釣架  ^_^

乜人都有!

日期：2009年11月8號 ,廿二 (星期日 ,  死流 ) 東風3-4級

時間 : 6:30am-1:00pm

釣點：三仔主埸

魚獲  : 斤裝老烏 X 1   , 三指老泥 X 2.5斤

       今日如常上排玩下 , 由於是日死流 , 都諗住冇乜好野 , 咪試下有冇同烏 , 結果

不出所料........

! 即時開支蝦皇出黎玩老泥 , 今日D老泥好大條喎 , 三指至三

指半成海都係 ! 正

!!玩到差不多十二點時老趙終於有第一絛老烏上水喇 , 叫我同Roy仔過去玩啦 , 但有絛四眼仔就九秒九咁仆到過去

, 我見佢咁心急咪由得佢揀個靚位先囉 

到我過到去就四圍都坐左人 , 之後就揀左個最唔就手

嘅位坐低左 , 絛四眼仔見我同Roy仔講話有魚訊 , 就馬上痴埋我左邊個位 , 冇所謂

啦 , 玩吓啫....到我一抽中烏時 , 我頂緊魚同時佢就係咁話 : 「 C兄 , C兄......比個撈簊我 ! 等我幫你撈 ! 」我咪話唔使喇 ! 自己黎得喇!

但佢又好緊張咁又叫我

比個撈簊佢! 我釆佢都 On x 啦! 比你炒斷我支頭芯咪死得! 我又唔係唔識炒魚

!! 跟住佢就好唔耐煩咁叫我快D , 唔好嚇走晒 D 魚喎! 我即時火都起

, 咪同佢講 : 「 唔怕喎 ! D 魚响下面 , 我條魚响上面 , 點都

嚇唔走架喎! 你唔係第一日釣魚下話 C兄

? 自己釣唔倒就咪話人嚇走晒 D 魚

啦 ! 」攪掂絛烏再落一竿 , 又中一絛 , 我又串多佢一句 : 「 咦 ! 唔係比我嚇走晒

咩 ? 點解仲有架? 」 條四眼仔都冇晒聲出 , 於是我就玩大佢 , 中魚後唔就佢 , 死扯!

目的就係要甩口 , 等 D 魚真係嚇走晒!

hahaha.........之後行去第二個位玩番老泥

hahaha............今日玩得好開心呀 , 有得玩又有得食 , 睇下最高尚宮點煮D 老泥先 ! 真係有D口水流出黎

死啦! 做完壞事覺得好開心 , 我係咪有 D 變態

又黎人生第一 " 鮪 "

日期：2009年10月18號 , 初一 (星期日 ,  大生流 ) 東北風4-5級

時間 : 6:30am-1:00pm

釣點：三仔主埸

魚獲  : 斤裝老烏 X 2   , 斤裝紅鮪 X1

今日初一大生流加水漲 加大東風, 諗住都係去打龜多架喇......點 知有驚喜喎!七點幾

至八點幾呢個黃金一小時內連中三元 , 首先放隻蝦仁落去諗往釣 , 點知一落到底

就即刻比人搶手袋 ,

半支竿已直插入水中 ! 即時抽竿 , 但手袋黨即時閃入排

底 , 但我用嗰支神兵係赤武士喎!同佢死過!

力頂數十秒後手袋黨被拖出排底

被捕!原來係條斤裝紅鮪

, 第一次釣到當然勁開心啦

!之後叫埋Roy仔

一齊過黎玩 , 佢又係一落蝦仁就被手袋黨搶去 , 但可惜被搶斷左逃去無綜

.......之後轉玩鳥頭 , 中2上2 , Roy仔就中唔知幾多 , 甩唔知幾多之後上2口細烏 , 仲自己玩斷左支海彥頭心呢

.......今次有魚在手可還返D魚債比老趙同Roy

仔喇 , 每人一條烏啦! 條紅鮪就同最高尚官食到乾乾淨淨 , 非常好食 , 好有酒樓Feel呀 !

正!

人生第一魷

又好耐冇寫Blog喇 , 因為早排個Blog用唔到 , 所以好耐冇寫到而家補返先.......

國慶嗰日同傑仔去左深灣仔上排 fit 魷 ,但去到黃石碼頭打比蟹叔 , 打極都冇人聽 ,

仆街.......放飛機

,於是上左好姐個排 , 錯有錯著 , 個排好多魷 fit 架!! 我開好竿第一鎗就已有一 hit

! 人生第一魷就係咁中到喇~~~~~之後到傑仔都

有一 hit , 冇耐有三個 C兄上左黎 fit , 見佢地不停咁上 , 我地就.........唉......冇計啦 , D

架生唔夠人輝麻

! 條魷真係好好食 , 可能係自己釣同新鮮D啦

之後决定買返 D 好小小嘅架生

, 就先買隻絞先啦! 睇左2間之後就去 Dicky度

買左隻Shimano AERNOS XT 2500SDH , Dicky只收我$410

, 正!!話諗住10月25

號同呀倫去蒲臺島開光 , 到時再寫過!

黃石碼頭

 我的人生第一魷

仲買左隻絞呢!

又冇魚釣喇~~

日期：2009年9月27號 (星期日 ,  死流 )

時間 : 6:30am-1:00pm

釣點：三仔主埸

魚獲  : 老泥一斤左右

好耐冇寫Blog喇 , 因為早幾個星期都冇乜魚釣到 , 只有一兩條老烏同老泥..........

今日大死流 , 一早都預左會冇景 , 個人又超累.......但毒引發作 , 冇計啦 !hehe........

一去到海邊己見D水清見底 , 大獲!! 今日又係去送死喇 ! 但唔使怕喎 , 我第二個目標

魚就係 " 老泥 "hahaha...........今日全排一條烏同都冇上過水 , 笙哥都十二點半同D

fd 走人 lu ! 我就只係用左個零鐘頭玩笩 , 之後就玩老泥 , 而家D老泥大條左好多 , 最

大果幾條都有三四指 , 其他都有兩指 , 正!!

我在網上見到一個 " 低溫微濕養蝦保命法 " http://www.fishinghk.com/forum/thread-

4463-1-1.html  於事就去十蚊店買料試吓 , 晚上七點幾買左一両沙蝦 , 到翌日早上七

點幾都冇死!!初初以為D虾死左 , 但又見個虾腦仲識郁 ,於事就照拎去用啦 , 上到排

拎隻虾出黎 , 等一陣佢就生猛番晒! 原來佢地在低溫下差不多進入冬眠 , 唔係死

左 ,  ( 好在冇掉左佢地啫 )以後用生虾都唔使咁煩lu !

借師兄D相用一用先! 唔該晒!

天氣越黎越熱 , D魚越黎越難釣......

昨日約左笙哥去主埸 , 佢幫我新做左支赤武士頭芯有得拎喇 ! haha !!本來諗住試下支新野 , 點知因為霸唔到個食糊位 , 靜到死!! 突然有一大簊老烏埋左黎 , 諗住冇死啦 , 點知都係只食一個位......我頂 !! 睇住笙哥起魚 , 我就冇得玩 , 之後有人打電話比我 , 又係講講下中魚! 頂 !!好重手 , 好大力 , 應該唔係烏 , 因我用蝦仁 ! 唔知係乜魚呢?頂左兩手後甩口 , 仲留番張卡片比我...........唉! 天意.......收拾心情再釣過 , 過一陣又有魚訊 , 一抽即中! 又係用蝦仁 , 今次應該係黃魚 , 因見到在水中飛黎飛去 , 估唔到咁好力 , 一中即向左飛 , 過桶底斷 , 灰..............笙哥中三口 , 其中一口仲有2斤半 , 勁大碌 , 入唔到撈簊 , 我用我個撈箕幫佢一炒入網 , 攪掂!!唔使三個鍾 , 個麵包籠D包己比D烏清晒 , 其間推到個籠斜晒 , 好得人驚.....太熱關係 , D老泥都沈晒落底 , 只有十幾條 , 老趙又比D我 , 剛好一餐 , 夜晚用黎打邊爐真係好鮮甜!hehe.....

高温下釣魚

日期：2009年8月23號 (星期日 ,  生流 )

時間 : 6:30am-1:00pm

釣點：三仔主埸

魚獲：老烏 X 1  , 老泥二斤左右

人物 : Roy仔 , 老趙 , 達 , 倫哥 ,樂 ,  我

今日目標照舊係老泥 , 上到排冇耐上左條磅頭老烏之後全力釣老泥 , 今日D烏都算大咬 , 但只食死一個位 , 我想釣多條都唔得! Roy仔就上左十幾碌

, 其他人都有唔小收獲 , 今日D老泥又縮左水 , 大條果D又唔夠細條搶 , 加上今日33度 , 真係熱到喘氣

, 所以都係早D返歸好過! 不過話時話釣老烏真係有D厭.........想去下西貢玩下其他魚種同 fit 下魷先

!

今日去fit 魷

日期：2009年8月16號 (星期日) 舊曆 : 六月廿六 ( 死流 )

時間 : 8:30am-1:00pm

釣點：三杯酒碼頭

魚獲：八爪魚仔 x 2    , 火箭魷 x2  ,  大尾魷 x1

人物 : Joe同女友 , 我

一早到場見只有一個釣友 , 我地馬上開竿fit魷 , 呢度要多謝呀Joe 幫我縛左2次嗰個叫做 " FG結 " 個結勁復雜 , 我真係睇到眼都凸埋 , 但我一定要學識點攪先得! 努力.....努力.......今日首先開齋係呀嫂 , 佢 fit 中左隻八爪魚仔 , 好得意架 , 之後放左 , 第二個開齋係我 , 都係 fit 到隻八爪魚仔 , 呀Joe就後來居上中左隻火箭仔 , 之後又中多隻 , 呀嫂仲勁! 中隻大尾魷添 ! 我就中多隻八爪仔但甩左.........就係咁 , 今日的釣獲好差......唉.......冇計 , 今日D水好濁 , 又黃 , 又熱 , 又死流 ,又落吓雨 , 又姓賴啦!hahahaha.......... fit 魷真係幾好玩 , 得行練習多D先 , 到左秋冬嗰時 , D大尾魷真係大到得人驚架! 唔係點夠佢地揪呀 !




我 fit 中的第一樣生物.......八爪魚( D老人家叫做咩.....沙 " new " 喎 )

今日快樂地完成任務

日期：2009年8月9號 (星期日) 舊曆 : 六月十九 ( 生流 )

時間 : 6:30am-2:00pm

釣點：三門仔馬場

魚獲：烏頭 x1 , 老泥 x2斤

今日嘅目標魚係老泥(因為好想食油 , 鹽 , 水 , 果皮煮泥鯭 , 最高尚宮煮得好好食!讚!!!) 一上到排玩下老烏先 , 但未見有佢嘅踪影 , 於是做番正經野(釣老泥) ! 釣左一陣輝叔見到個麵包籠度有一簊老烏埋在黎!!於是全世界即時埋位做野!我只上左一條就比左個位呀Joe , 自己去釣老泥 , 而家D老泥都開始大喇 , 有兩指 , 有 D仲三指添hehe.........正!!個個都有烏頭上 , Roy仔就仲末開齋 , 釣到發老爛hahahaha........中午輝叔仲撈到條類似沙鯭魚 , 但有藍點 , 好靚仔下 , 但冇食到 . 今日志哥仲送左支黃棍頭芯比我添 , 我就送返 6 包泥鯭鈎比佢hahaha......成班friend坐埋一齊釣魚吹水 , 好開心 ! 但好迫 , 一個中魚就炒幾家 , 個個鬼殺咁嘈 , 好攪笑!

今晚油鹽水煮左佢hehe......正!!





輝叔在搏緊命啊~~~~

 一個窿坐成8個人 , 好迫呀~~~~

 呢條疑似沙鯭嘅魚,我都第一次見...

今日又打 8 號風球喇!

今日晚上9:40先掛 8 號風球 , 都好 , 收工返到屋企唔使同人迫hehe....今日最高尚宮煮左味黑椒牛仔骨 , 表面睇落好平凡 , 一食第一舊........咦!好正喎!! 仲正過出街食果D , 原來係佢秘制嘅! 點整就唔記得左 , 因為淨係聽佢講都好Q煩! 我就發揮我嘅强項.........食 !!

另外巴寶貓黎左我度寄宿已經九日 lu , 佢仲肯開口食野同去大小二便喇! 由於佢初來報到時左呢右呢 , 好怕周圍D環境 , 於是我就租左間板間房比佢 , 咪就係我個誘餌袋個內膽囉! 佢都不知幾like呀 , 最高尚宮仲買左張靚軟墊比佢添 , 而家佢一日23小時都訓左入去 , 幾好呀!

秘制牛仔骨!

巴寶貓出埸喇!!

出黎行個圈又返去板間房度喇!

我個誘餌袋內膽呀~~~~~~~

今日超熱 同龜左

是日釣行:主埸 , 6:30am-1:00pm 34度 7:30am落流

今日酷熱警告下作釣真係好辛苦 , 但鬼叫自已爛釣咩!早上有過一陣烏訊 , 但只有3分鐘左右 , 之後間唔中一下咁...........唯有向目標進發 ( 老泥 )! 最高尚宮話想食老泥 , 我緊係要做野啦!!但今日太熱,老泥都小左好多呢. 呀趙唔知係唔係頂唔順走先 , 佢仲留左十幾條老泥比我 , 可能上次我比左2條老烏佢啦hehe........加埋佢D先有斤幾,真係削..hehehe................Roy仔 , Joe 同佢女友仲未走住 , 唔知佢地有冇奇蹟出現呢hahaha.......我地就係咁架啦 , 釣唔釣到魚都咁開心架! 同D老友吹下水釣下魚 , 真係乜壓力都冇晒! 辛苦D都值得嘅 ! ( 老泥見慣見熟 , 冇相睇呀 !)

今日幫支神兵開光!

是日釣行:生流 , 6:30am-12:00pm 6:00am反漲 西南風

今日超熱 , 釣老泥一流! 我同Roy仔  , 呀趙一早上三仔馬埸 , 主力係釣老泥(因好想飲泥鯭湯),由於有另一特別任務,就係要幫支新神兵開光!!於是先釣烏頭 , 但一早冇魚訊.....於是鈎隻蟹仔落去搏 , 但今日d水都幾清,過左一陣都冇反應 , 同時外面傳來中魚的聲音 , 於是改用綿花釣烏 , 一定要同支神兵開光 !!!落餌冇耐,竿先傳來清適魚訊 , 抽竿 ! 中!!由於要試下支竿嘅威力同腰力 , 所以一手都唔放 , 硬頂條老烏升水!十幾秒後老烏不敵神兵 , 乖乖上水 , 好喇!開光成功!之後老烏大咬 , 上左幾條 ,( 全部都係一手唔放! hehe.......)釣下老泥又釣下烏 , 全日總收獲:老烏X7 , 老泥2斤 , 劏到手痛......比左2條烏呀趙 , 一條身有紅點放左 , 3條比左車埸呀姐 , 自已食一條 , 但劏魚時發現口裏有2隻魚蚤!一大一細 , 好恐怖 , 但對人體係冇害嘅 , 唔使驚!!但唔記得影相........支神兵真係好正!我都估唔到老番黃棍都咁正 ,超值 !!

新武器到手喇!

昨天海磯舍搬左去旺角新開張 , 老闆Dicky話支仿黑鯛工房黃棍返左貨,今日放工走去睇下支竿 , 正!! 真係一模一樣喎!有2支頭芯同有埋鴨尾添 ! 買左佢先 , 盛惠499個大洋 ,Roy仔都買左一支.....等我星期日去試下支神兵,順便幫佢開光先hehe......