今日快樂地完成任務

日期：2009年8月9號 (星期日) 舊曆 : 六月十九 ( 生流 )

時間 : 6:30am-2:00pm

釣點：三門仔馬場

魚獲：烏頭 x1 , 老泥 x2斤

今日嘅目標魚係老泥(因為好想食油 , 鹽 , 水 , 果皮煮泥鯭 , 最高尚宮煮得好好食!讚!!!) 一上到排玩下老烏先 , 但未見有佢嘅踪影 , 於是做番正經野(釣老泥) ! 釣左一陣輝叔見到個麵包籠度有一簊老烏埋在黎!!於是全世界即時埋位做野!我只上左一條就比左個位呀Joe , 自己去釣老泥 , 而家D老泥都開始大喇 , 有兩指 , 有 D仲三指添hehe.........正!!個個都有烏頭上 , Roy仔就仲末開齋 , 釣到發老爛hahahaha........中午輝叔仲撈到條類似沙鯭魚 , 但有藍點 , 好靚仔下 , 但冇食到 . 今日志哥仲送左支黃棍頭芯比我添 , 我就送返 6 包泥鯭鈎比佢hahaha......成班friend坐埋一齊釣魚吹水 , 好開心 ! 但好迫 , 一個中魚就炒幾家 , 個個鬼殺咁嘈 , 好攪笑!

今晚油鹽水煮左佢hehe......正!!





輝叔在搏緊命啊~~~~

 一個窿坐成8個人 , 好迫呀~~~~

 呢條疑似沙鯭嘅魚,我都第一次見...