聖誕party@愉景灣

昨日Boxing Day , 我同皇后去左佢三妹夫屋企愉景灣開聖誕party , 因為三妹多次極力邀請及推

介佢奶奶自家制嘅火雞 , 但以我多年來食嘅火雞都係  又" 鞋 " 又乾 , 一D都唔好食 , 今次都係

諗住陪下皇后去試下啦.....加上我以前去過兩次都係做野 , 完全冇留意到其它風景呢! 我地三點

入到去便四圍行下影下相 ,但好似冇乜好影 ,  hea到5點三妹終於收工入到黎帶我地上去屋企 , 

坐左一陣佢就帶我地四圍影相 , 有個導遊真係好好多 , 去到一些新景點 , 加上許多燈飾佈置 

令到D相都影得特別靚 ! 影完返去開始食野喇 , 首先有煙三文魚 , 生蠔 , 通粉 , 意粉 , 羅宋湯 ,

沙律 , 聖誕麵包,跟住主角 " 16磅火雞 " 出場 ! 由於我坐在長枱的中間位置 , 火雞就放在我面前 ! 好香啊 ! 

睇住Auntie一塊塊將雞肉片下 , 見到D胸肉一D都唔乾 , 唔似柴皮 , 仲好Juicy !! Auntie第一塊即此

我試食 , Wow !! 對我黎講間直就係奇積 ! 從未食過咁嫩咁 juicy嘅火雞 , 覺得好似食緊一般燒

雞咁嫩滑 ,加埋D雞汁.....真係好食到唔識講野 ! 經過今次我已對火雞完全改觀 , 真係好多謝三

妹 , 三妹夫同佢Dad & mom  , 下年有時間一定要再去啊! 哈哈.....

聖誕火煱

今日係聖誕節 ,一覺醒來時已是上午十一時了 , 可能近排太忙太累了 , 好耐冇試過咁好訓喇 , 今

日我地冇乜節目,但都幾忙碌 ,中午食完拉麵後就去買衫( 因為明天要到皇后的三妹夫家中開P

啊! ) 之後我地就諗 : 今晚得 10度 , 最好打邊爐啦! 於是去沙田街市買料然後回府 , 在家hea左

一陣突然醒起27號有朋友來大圍一起踩車喎 , 但我條士啤胎上次已用左 , 未得閒買返 , 唯有死

死地打電話給單車舖問下有冇開門及幾點收工啦 , 佢有開但 7點前收 , 嘩! 而家6點幾 , 要飛去

先買到 , 好在今日買到 , 因佢會放假 2 天啊!! ,之後又要為2部相機叉電 , 又要為兩支頭燈叉電,

又要執野.....真夠充實啊 , 我祝大家聖誕快樂!! 

聖誕大餐@自家製

今日係平安夜 , 收工回來時皇后已經準備左一餐非常美味又豐富嘅聖誕大餐 ! 真係非常開心及

感動啊 ! 味道好又滿足 , 真係唔知佢識做咁多好野食 ,多謝皇后咁落力為我準備呢餐 ! 由於今晚

只有 10 度 , 所以都唔諗住去街 , 留在家中平平安安過平安夜罷 !

MU P8 特輯

話說我地換左部 MU P8 之後 , 只係踩左一次 , 買左新胎返黎換左後就放低左20 日了 , 因為近

排實在太忙喇.......今日有日假 , 一於去試下部車嘅真正速度 !! 但由於好耐冇踩 , 對腳有D力不

從心 hehe.......但對胎真係對部車嘅速度提升左好多 ,  要改裝嘅部份都改好左 , D滿足感返晒黎 

! 我地今次都係去返科學園 ( 因為我地太鐘意果度嘅環境喇 ) 但去到馬料水時我見到皇后個後

胎扁晒 , 唔通爆左胎 ? 但由於條內胎買返黎裝好之後冇踩過 , 直到早幾日我買左個迷你氣泵試

用時 , 發覺佢對胎冇乜氣 ,仲以為新胎可能末磨合啫 ....打番漲之後到今日發覺條後胎唔係好夠

硬 , 補番氣就出發了 !點知條胎真係有暗漏 , 於是死頂到科學園嘅 Pacific度一邊嘆咖啡一邊即

場拆轆換胎 , 不到 15 分鐘就換好左 , 皇后話部車重生喇! 又回復番快順喇! 哈哈....之後都係去

碼頭 hea到 6點幾 , 再去多次朗廚坊食飯 , 今日入黑之後開始凍 , 快快食完即閃 !回程仲開始落

雨 , 攪到我地要摩打腳咁踩 ..... 回到家中拎條胎放落水度揾漏氣位 , 但發現唔到有漏氣喎........

真係 R爆頭 !!!

超迷你氣泵

早前响yahoo見到個超迷你氣泵 , 體積小 , 只有9.9cm ,放入車尾袋就一流 , 今日終於Bid咗佢!

我試過打一條只有 4 成氣嘅胎 , 打左一分鐘左右就 ok了 , 用黎出外急用都幾好架!

結婚13周年

今年已經係我同皇后結婚第13年喇 ! 早兩日我地仲換左部DAHON MU P8 , 因為踩左一斷時間 , 

我兩的腳力亦提升左 , 本來想將部KAA 061 換過對好D嘅軨 , 等部車可以快D , 但原來呢部入門

車要改裝要好多錢 , 一闊三大要 2-3千蚊先得 !!! 咁就一不做二不休 , 換車 !  今年我就安排左午

飯後踩單車去換左對快拆腳踏 , 然後踩去科學園嘅露天茶座嘆杯咖啡 , 由於今日係閒日所以好

小人好平靜 , 感覺好舒服 !! 嘆完咖啡我地踩去碼頭吹下海風 , 因為怕人多同冇位放我地兩部單

車 , 所以六點左右就踩去朗廚坊食晚餐 , 我叫左個招牌脆皮咸豬手 , 青蘋果荔枝沙冰 , 皇后叫

左黑豚豬扒拼蘋果茸 , 巴馬火腿哈密瓜同士多啤梨茘枝沙冰 , Total $599 攪掂 ! 我地座低睇住

個海同個天一路轉黑 , 單車徑上的單車來來往往......我地就十分游閒地座着吃着那些美味的晚

餐 , 真係滿足到呢.... ! 食完再慢踩返歸 , 但因為部車未改芒果呔 , 所以速度未如理想 , 踩到皇

后腳仔軟 hahaha......等遲D得閒就去買番兩對芒果呔返黎自已換左佢啦 !