話說星期日同老婆去左南丫島行下影下相 , 順便試下支新鏡啦 , 點知一落地之後就全部都係市集 ,要打行戰 , 人又勁多 , 無計啦, 唯有換番支短鏡再繼續殺入邨啦!行左一陣就諗住上去睇風車 , 點知條路越行越斜 , 我見最高尚宮條氣都有D唔順就提意返轉頭啦 , 但佢話我好想去影風車喎 , 頂硬上啦!! 但再行多一陣佢真係好辛苦 , 於是我决定落山改去第二度好過啦 , 一路上都無野好影 , 只行到去洪聖爺灣便返回市集食野 , 之後就撘船走人 , 但嗰日我地都好開心 , 不過就累得要死了~~~~
2010年11月8日 星期一
第一次用單鏡反光機
日期 : 07-11-2010
時間 : 12:00pm-5:00pm
地點 : 尖東一帶
人物 : 我 , 最高尚宮 , 祥仔
昨日約左祥仔出黎教我點用部新相機 , 由於我從未用過單鏡反光機 , 所以就由頭學起喇 ! 本來想去香港動植物公園 , 但因要去深水埗鴨寮街買番D小裝備 , 所以改左去老尖 , 一開始祥仔就好努力咁教我點用部機 , 又好有耐性地教我D影相技術 , 真係要好好多謝佢先得 ! 部機返黎時已經滿電 , 我即晚又玩左一輪 , 到第二日又開住部機不停咁影 , 直至 4點幾5點先冇左一格電 , 真係勁 ! 昨日都影左成百幾二百張相 , 其中有D都幾滿意架 , 部機影D相真係好靚 , 二手買番黎一D問題都冇 , 真係好彩聽其他人話唔好買嗰部富士啫 , 如果唔係就慘 lu !
2010年11月7日 星期日
2010年11月3日 星期三
又想買新玩具
呢期唔知點解對攝影非常十分之有興趣喎 , 仲想買番部靚相機添...........點解突然間會咁有興趣呢?我自己都諗左好耐 , 終於知道發生左乜事喇 ! 事原係早排同老婆計劃去南丫島行下 , 睇下風景 , 因為上網睇見嗰度D風景真係靚到爆 , 淨睇相都感覺到嗰份寧靜同舒暢嘅感覺 , 但好景不常 , 想去嗰日又落雨同打風 , 結果去唔成 , 第二次機會又到喇 , 但又要返工............妖 !! 結果改期又改期之後去左大澳 , 好耐冇返大澳行過 lu , 今次仲由巴士站行到已經甘幾年冇去過嘅碼頭 , 再行番去巴士站 , 再由東涌撘車去迪士尼.......碼頭 , 原途都有用部DC仔影下D靚景咁啦 , 但我突然發覺我部機係影唔到我心目中想要嗰個景 , 雖然部機有1220萬像素 , 但只有 3x zoom.........嗰一刻有小小唔開心 , 因為好日唔去行下 , 想留住嗰一刻嘅心情但部機做唔到囉 , 但心想好彩啫 , 如果今次係去南丫島 , 咁咪浪費晒D咁正嘅風景 , 唔影過都唔知原來部DC仔真係出唔到大場面架! hahaha.....再加上妹妹早前 post番我地細個同老媽子一齊影D相出來 ,個心仲突然醒覺到 " 真惜眼前人 "呢句說話 , 於是就决定買審部相機 , 捉埋最高尚宮一齊多D去遊山玩水同影多D靚相先 !
睇中左呢部Fujifilm FinePix S2500HD , 半專業喎....機身細 ,18X , 價錢仲好正 , 水貨 $ 1680
部 DC仔zoom到盡都係影到鼻屎咁細粒
呢張都ok
個紅樹林現場好靚架....
訂閱：
意見 (Atom)