今早大師兄突然打電話黎話過我呢邊踩車 , 但皇后昨日同明日都要去幫皇太后執屋 , 已經根(皮
力盡 , 加上又有D相風 , 佢要留在家中休息! 咁我就自己同大師兄去啦 , 原本想在大埔出發入大
美督 , 但太耐冇踩車驚對腳唔夠力 , 所以都係去科學園 hea吓飲吓咖啡算了 , 我覺得奇怪大師
兄自己一個黎 , 平時佢同老婆出相入對架? 原來佢地吵左咀!唔怪得啦 , 希望佢地快D和好啦! 我
地一邊嘆咖啡一邊post D相上facebook , 突然三妹打黎話見到我D相 , 佢而家都係自己一個踩
緊車 , 不過在馬鞍山 , 哈哈....又會咁啱!! 我地嘆完咖啡就分手 , 佢自己再殺入大美督 , 我原本
都想跟佢去架 , 但腳仔軟同要去濱景幫皇后拎返三妹送比我地D火腿 , 唯有等下次啦 , 回程時
開始累了 , 有D捱住踩嘅感覺 , 可能冇踩太耐同放左一個長嘅新年假有關 , 今次真係累得要命
啊~~~~~~
昨日年初六 , 終於冇落雨同出太陽喇 ! 亦係我出動嘅時侯 , 十二點約左大佬同姨媽飲茶同拜年
, 然後同皇后去左香港公園內嘅茶藝博物館 , 之前去過兩次都入唔到去 , 今次較啱時間去影吓
相同學人嘆吓茶先 ! 影完再去灣仔參加團拜 , 今日真係夠晒充實, 哈哈.....
昨日年初六 , 終於冇落雨同出太陽喇 ! 亦係我出動嘅時侯 , 十二點約左大佬同姨媽飲茶同拜年 , 然後同皇后去左香港公園內嘅茶藝博物館 , 之前去過兩次都入唔到去 , 今次較啱時間去影吓相同學人嘆吓茶先 ! 影完再去灣仔參加團拜 , 今日真係夠晒充實, 哈哈.....
話說12月26日我地去左三妹外家食左隻超正火雞之後 , 我地决定買番部焗爐自家制燒雞!(流口
水添) , 我地27號去左凶宅度揾到朋友介紹嗰款 Tefal OF 1802 , 個sales話有貨 , 31號會送貨 ,
ok ! 比錢! 點知過兩日有人打黎話: 唔好意思 , 船期有問題 , 要 20號先有貨送比你 , 咁冇計啦
, 唯有等.....到左19號又有人打黎話 : 唔好意思 , 船期有問題 , 要30號先有貨送比你 ! 妖!!!!! 真
係着晒火!!! 即時狂插佢然後去退錢 ! 最慘周圍都買唔到 , 等到昨日我地去金鐘影完相見到有間
凶宅 , 就入去問吓個sales返左貨未 , 佢 check完話返左! 我都好坦白咁同佢講 : 我之前買咗但
船期問題攪到要退錢 ! 佢仲話check左有貨 , 仲同你 hold左一部 , 比完錢就安排送貨 , 三日就到
! 我覺得 D sales講野真係信唔過 ,係買都去返沙田買 , 費事又要去金鐘退錢 , 今日我地去馬鞍
山間凶宅問又話冇貨......打電話上CS叫佢check , 佢話 : 冇貨返過喎! 我話 : 你地金鐘個同事話
返左貨 , 仲話hold咗一部 3日後可送貨喎 ! 佢話 :我地係訂左貨 , 不過隻船仲末到喎....... 妖 !! 好
彩尋日冇比錢條 PK 啫! 跟住我地去行吓商場 , 見到間茶具店 , 於是入去試吓茶同買返D茶葉
, 再去沙田希爾頓揾迷你茶壺 , 又比我揾到喎! 哈哈.....心情都靚返D ! 再去新城市買肥 mo D冲
凉粉同食糧 , 行到一田時我心血來潮話:不如去電器部睇吓.....點知入到去第一眼又比我見到個
焗爐喎!! 問 sales 姐姐有冇貨 , 佢話有 ! 仲要係現貨可即時自取! Thank"s God ! 終於買到喇 !
正所謂 " 遠在天邊 , 近在眼前 " 唉 ~~ 呢次比人玩到嘔........但好在苦盡甘來 ,之後仲買埋個快速
熱水煲用黎冲茶飲 , 第日可以一邊食燒雞一邊飲靚茶喇 !
搬到我死死吓....
今日年初二喇 , 但呢幾日都不停落雨 , 加上又超凍 ,去唔到影相同踩車..... 所以屈在家中發毛 , 就快屈死喇~~~~~~!!
由於今年冇年三十 , 今日係年廿九 , 明日就係大年初一喇 ! 講聲恭喜發財先!! 今早起床後一直諗唔到去邊度影相 , 因為呢幾日都只有 9-10 度 , 個天真係好暗 , 仲話會落雨啊! 本來去大澳的 , 但等埋三妹兩公婆明天一齊去 , 最後决定今日先去大埔鐵路博物館影吓D舊火車 , 我記得我兒時都坐過架 , 但記得太多人 , 要由媽子從窗口抱我上車呢! 影完見到有個路牌寫住往林村許願樹喎 , 正 ! 因為呢兩個地方我都想去好耐 , 今日可以一次去影晒 ! 返到沙田去街市買野打邊爐 , 兩口子在家團年 , 好温暖啊!
