boxing day 晚餐

今日係boxing day , 由於昨日已經買咗 D 雞翼同做香蒜肉粒意粉的材料 , 所以今晚就用焗爐焗

咗D雞翼 , 皮脆肉嫩好正 ! 食埋D意粉飽飽 !

壽喜燒

今日氣温只有 10 度 , 皇后話今晚食壽喜燒 , 都幾好食架 , 又唔使成日打邊邊咁悶 !

雲 . UFO .

今日去咗尖東海濱長廊做野 , 抬頭一望 , 咦? D 雲好得意喎 ! 今日天色非常好 , 藍色天空但冇

乜雲 ,  D 雲分得好散但望落好似一隻隻的UFO , 我都係第一次見到咁嘅形狀 , 一於放低工作拎

部電話出黎影低先 ! 收工返屋企皇后已為我預備咗咖哩炆雞翼同蒜茸蒸帶子 , 好開心的一天啊

!

聖誕大餐

今年聖誕我同皇后去咗一田買咗兩塊又大又厚嘅肉眼牛扒同兩塊豬扒 , 仲有雞全翼同香蒜肉粒

意粉嘅材料 , 熟食方面有: 燒豬仔骨半條 , 煙鴨胸一隻同咸豬手一隻做下午茶 , 仲有蛋沙律同

cold cut , 咁多野更係唔可以一日食晒啦 , D雞全翼同香蒜肉粒意粉明日先食 !

騎乘記錄 13

時間 :                              25-12-2012 ( 夜 )

地點 :                              大圍>馬料水碼頭＞大圍
人物 :                              大師兄夫婦 , 我

TRIP  DIST                              騎乘距離                    16.18km                               

TRIP  TIME                              騎乘時間                    1:07h 

AVG.SPEED                            平均速度                     14.46

MAX.SPEED                            最高時速                    29.52km/h

TOTAL ODO                            總乘騎里數                  300.18 km



唔經唔覺放低咗部單車已經有五個幾月喇 , 由於大師兄而家搬咗去馬鞍山 , 所以今日約我去

踩單車加釣魚 , 皇后因為食完晚飯又怕會凍所以冇去到 , 唯冇我自已去啦 , 太耐冇踩嘅關係 ,

踩到划艇會已經頂唔住要停車休息一下 , 然後去到双橋又要休息一下.....最後終於去到馬料水

碼頭同佢地會合 , 佢地開干釣魚 , 我就冇帶架生去( 因為我一早知嗰度冇乜魚釣 ) , 大師兄一

路釣魚一路同我吹水 , 話咁快就差不多十二點了 , 於是收干回程 , 我地去到双橋分手 , 之後我

又要一條友慢慢踩返屋企 , 一口氣踩到划艇會又停低休息吓 , 但又唔係好耐喎 , 以前20分鐘 ,

今日都用咗30分鐘 , 都唔係好慢啫......哈哈哈.........

平安夜 . 海鮮夜

皇后見今晚係平安夜 , 所以去買咗D我好鐘意食嘅海鮮返黎煮比我食 , 真係食到唔停得口 , 今

年我仲有聖誕禮物收添 , 多謝皇后 !!

9 度 . 火煱

天文台報道話今晚及明旱氣温會降至 10 度 ,今年入冬最凍一日 , 天寒地凍最好就係打邊邊啦 !食完暖笠笠 !

六合彩又唔見我中

早幾日幫森哥買咗個外置叉電 , 見個蘋果綠咁靚自已又買番個 , 點知原來舊電係壞嘅...............

妖 ! 有冇咁好彩呀 ? 唯有再約條色盲粉腸出黎換過隻啦 , 點知佢又話冇綠色 , 咁只好換隻深紫

色啦 , 反正我都鐘意呢隻色 ! 返黎試過都冇問題 , 條色盲粉腸都算有責任心!

串燒晚餐

昨晚因為皇后上網訂咗貨,但由於擺烏龍所以冇送到黎 , 又攪到冇時間買餸煮飯 , 於是我地去咗

附近一間叫 " 串得起 " 嘅餐廳食野 , 呢度我地好耐之前已幫襯過都ok架 ! 今次我地叫咗左鹽燒

牛舌、雞肝x2、牛柳、煙肉蠔卷、燒大腸、燒雞皮、汁煮廣島蠔重有海鮮炒烏冬 , 飲品:青檸金

桔蜜,洛神花檸蜜 真係超好味!! 之後再過去 " 米之堡 "食米線 , 不過我就對佢D餸冇乜興趣 , 所

以只得皇后食 . 

世界未日加冬至 !

世上一直流傳一個預言 , 話瑪雅人計算出2012年12月21日係世界末日 , 不過今日一D事都冇發

生喎 ! 哈哈.....但我今日就真係忙過返工喇 , 事源係森哥見到我用一舊好輕便嘅外置叉電 , 就叫

我幫佢買 , 但因為佢要叉兩部電話所以我提議佢買個大容量D啦 , 而我亦都買多個 , 昨日在Y拍

約咗個賣家今日2:00見面交收 , 點知條粉腸話唔記得咗喎 ! 我妖吖 !! 等我仲專登搭車出去 , 由

於一直想買多一部代步單車 , 所以我又去咗揾陳伯睇吓D代步單車 , 睇完試完之後决定買返部 ,

但因為要裝返個籃 , 要個零鐘先有得拎 , 於是返屋企上網揾過第二個賣家 , 我約咗佢5:30 , 拎

咗部車之後四圍踩四圍 hea.....點知條粉皮又話要 6:00先到......唉~~~~唯有再四圍 hea啦.....等

到6:15條粉皮終於到了 , 但...........條粉皮拎錯咗顏色 !! shit !!! 而家 D 人點做野架 ? 又遲到

又拎錯野 ! 世界末日眞係咁得人驚 ?? 好彩森哥唔介意 , 唔係又揾着我黎攪 ! 攪掂晒踩架車返

到屋企冇耐電話就响起 , 原來之前 bid咗幾條百變頭巾 , 個女人話今晚會去我住嗰度附近 , 順

便送埋貨比我 , 點知佢又話原來唔係我嗰度 , 係火車站附近.......妖 !又要飛單車去拎 , 今日真

係累到世界末日啊 !!



我終於有部代步車喇!

人家要紅色 , 粉皮拎咗桃紅色.....條粉皮色盲架 ?!

我要蘋果綠

容量多一倍 , 體積都多一倍