超滿足的午餐

話說今日去左鯉景灣開工 , 同事傑仔問我今日食乜好 , 咁我除口話日本菜啦 ! 佢即時話好呀 ! 但我話糧尾喎老友

.........佢話包你食得起 ! 於是佢帶左我去太安

樓附近嘅一間壽司店 , 佢開十二點 , 我地係第一枱客 , 坐低睇餐牌時冇乜特別

, 我就叫左個壽司一人餐 +凍綠荼 $38 , 仲叫多四片日本象拔蚌 $23 , 不過冇味冇道 , 把鬼 ! 當店員放嗰蝶壽司落黎時我眼都凸埋出黎

, 因為有 2 件加洲

卷 , 一件三文魚 , 一件乜乜軍艦 (有沙津醬嗰隻 ) 同一件北寄貝 , 但全部都係放大左 2.5倍嘅 size囉

! 件三文魚有成 15 cm咁長喎 , 加洲卷就有大半隻手板咁大 , 傑

仔件曼魚就有成20cm咁長.........心諗 , 點食呀? 住最慘傑仔之前仲叫左個鹽燒三文魚頭 , 大獲喇今次

............好耐之前傑仔都講過比我聽呢間野D刺身好低食 , 但

冇為意呢 !結果個魚頭黎到 , 傑仔即叫我幫拖 , 因為我之前話應該得半個頭 , 兩野就

食晒啦 ! 原來係成個頭呀!!!!都只係 $48 讚 ! 又香口又好食

,平時要大排長

龍 , 但只要同士仔講 : 我排 VIP 就可以優先

, 因為要每人食滿 $100 就 ok

喇 ! 嗰度仲有串燒食架 , 下次一定要同最高尚宮去勁食先得 !

呢間大壽司-泰國人

三仔主場之風雨前夕

日期：2010年5月22號 ,初九 , 死流  西南4-5級 , 間中有雨

時間 : 9:30pm-2:00am

釣點：三仔主場

人物 : 倫爺 , 安哥 ,我

釣法 : 笩釣

魚獲 : 烏頭 : 我 X5  , 倫爺 X4 , 安哥 X9 ( 我 2:00am走時 )

天文台話今晚及明日有狂風雷暴 , 加上呢期D老烏又開番夜水 , 於是飯後即刻殺上主場開竿

, 倫爺同安哥一早已在苦戰中 , 開好竿見倫爺已制伏第一名敵軍 , 於是馬上飛奔過去幫拖 , 坐低一陣我即中一口

, 冇耐又中第二口但甩左

, 跟住我地三個輪住中魚 , 今晚D烏食得好怪 , 一時就只試一口餌 , 跟住冇晒反應 , 一時就一野拉落去自動上鉤 , 一時就升竿拉竿都抽唔到佢

........Size就

真係麻麻 , 最大嗰幾絛得斤頭 ,所有魚訊都係退盡前個多鐘頭出現 , 退定後又一片

死寂

, 直到一點零又再出現魚訊

, 但超精口 , 好難釣呢! 今次報唔到上個星期斷鉤之仇添

, 下次先再報過啦 !今次都算 ok 啦 , 6 hit 5 get , 好耐冇

試過咁大咬 lu !佢地兩個通頂唔知最後有幾多呢?遲D收下風先!

5條烏烏諗住都比晒肥姐啦!

新玩具

今日同最高尚宮去沙田行街街 , 諗住睇下嗰個什麼光波爐喎..........但一行到去一田電器部時 , 我地突然被一樣野深深咁吸引住

, 就係我地都恨左好Q好Q耐嘅咖啡機

!!嗰條Sales妹係咁向住最高尚宮勁打誘餌 

, 打左半桶粉之後

就打蝦喇 ! Sales : 新款點好點好架! 仲有部平D ! 不過大部左D囉..........最後就話 : 冲杯比你試下啦

! 嘩 !好重誘餌喎 !不過柸咖啡真係正到呢

..............其

實我地兩個都咁鐘意飲咖啡 , 買番部機都好啦 , 反正都係 $5一柸 , 最高尚宮見我日

日都要飲 , 就當係我嘅生日 , 聖誕 , 情人 , 新年 , 復活......................................嘅禮物啦

! 真係勁開心呀 , 不過我有D肉赤囉

....... 咁我就送番個光波爐過佢 , 又當係生日 , 聖誕 , 情人 , 新年 , 復活......................................嘅禮物啦 !

不過一田話要訂貨先有 , 但D附件就要自己去德國佬度買 , 價錢呢? 就係一個.........迷 !

於是今晚上網睇下D料先再買過啦

我部新玩具

失樂園

日期：2010年5月16號 ,初三大生流  束風4-5級

時間 : 6:30am-2:00pm

釣點：三仔主場

人物 : 志哥 , 老趙 ,我

釣法 : 笩釣

呢期週圍都冇乜魚釣 , 今日就去返主場玩下烏頭啦 , 因為有老友放風話D烏頭返左黎

於是上去會一會佢地先!

 但昨晚上去天文台睇下天氣時發現由原本東南風2-3級轉左東風4-5級 , 

吓!? 又大東風咪又死得!!但約左老友就照去啦.......一上到排見有5條友過夜 , 仲打左成晚粉 ,

 唉 , 慘...........結果真係冇晒魚 , 等到佢

地9:00am走晒之後 , 約10:30am我先中第一口 , 魚訊非常清色

 , 連彈三下然後

升竿 , 抽 ! 唔中 , 放低支竿又彈幾下然後拉竿 , 抽.......中喇! 好耐冇聽過支竿發出嘅支

支聲喇 ! 頂左幾手上水 , 約斤零重啦 , 之後再等 , 剛有魚訊就要走鬼 !

 妖 !餐

餐都係咁! 約20分鐘之後各自歸位 , 一坐低落餌 , 竿頭突然急速被拉入水中 

, 即

抽即中呀 ! 今次對手非常強勁 ,攪到我又跪又拜

 , 飛晒八個方向同向下一爆 ........斷左.........

!一路講粗口一路收番條絲上黎 , 一睇 , 咦 ?粒鉛同隻鈎都冇唔

見 , 唔通爆咀 ? 再睇真D , 隻鈎斷左

?? 我嗰隻係 " 伊勢尼 "喎 , 咁都拉得斷?? 有冇攪 X 錯呀

 !!! 以上講咁多野到只不過係十秒之內所發生嘅 , 嗰絛究竟

係乜野魚就永遠係一個迷 ,重量應該超過四斤以上 , 好耐好耐冇試過秒斷嘅滋味喇

 , 真係好嬲 , 但又好開心 ,第三口等左好耐 , 週圍都摷過晒之後返番中魚位對

面坐低等 , 又係突然彈幾下然後升竿 , 一抽又中 , 頂左一手之後甩埋.......

妖!!! 冇心機 , 收工 !老趙仲送左條金古同D老泥比我 , 收獲都算唔錯啦!

其實講真丫 , 我都幾享受斷魚架 , 因為只要有得斷 , 你先會再有進步 ! ( 但就真係好嬲

 囉 ) 

輝記早兩晚中巨烏

 伊勢尼都頂唔住陣亡左.......

 今日收獲ok 啦

 老趙送比我絛金古

今日學人玩搓波仔

日期：2010年5月1號 ,十八(星期六 ,  生流 ) 束風3-4級

時間 : 7:30am-4:30pm

釣點：保記漁排

人物 : 倫哥 ,我

原本上星期同呢個星期都諗住去蠅網陣上礁 , 點知個個星期日都落雨同吹大風冇得去........唉.......真係玩野!!! 倫爺提議去保記玩搓波仔釣下烏頭 , 反正出唔到礁 , 是但啦 ! 我上到排原來冇人過夜 , 我係第一名喎! 正!即霸個靚位先 , 之後呀倫同傑少同時上到黎 , 傑少仲話唔夠我早 , 比我霸左個全排最正嘅位.因為嗰個位有魚釣之餘又唔會曬到 , 又冇其他位作釣呢!但今日D水原來大退2m.....唉....我地一個又一個誘餌球搓落去 , 但都只得D老泥攪攪震 , 但size都ok架!望落去見一群群三四指老泥在追住個誘餌球落水底 , 塲面壯觀!呀倫中兩條烏 , 我就釣到斤多老泥 , 全排一片死一寂,浪費左一日假期.........

                                                                  我地個靚位

                                                        我地開餐 時有陀地埋黎...............

佢就係其中一個陀地

第2個陀地曬緊太陽

流浮山之旅

呢期D釣况真係麻麻

, 所以將休魚期加長........今日就同最高尚宮去左流浮山行下 , 而家搭車真係方便 , 火車轉西鐵半個鐘多 D 就到.

我地一到步就見有六萬幾人起條行仔度迫緊

, 於是就迫埋一份啦 , 行行下見

到有炸生蠔賣 , $10 一串得 3 隻 , 但幾好味 , 可惜冇影相 , 一路迫到入盡頭諗住去返

我上次買金蠔嗰度再買過 , 但佢地D金蠔呢期唔係好得 , 聞唔到有蠔味 , 海水味就更加冇啦

.....於是又迫返出去揾過 , 有一間 D金蠔好靚仔

, 但賣 三百八十個大洋

!! 再行前幾步都有喎 , 不過細隻 dd , 一百七十個大洋就攪掂 , 之後

行下睇下又買下 , 行到腳軟又肚餓 , 便入左去一間叫.....海灣定海景嘅鋪頭食野 , 因

為最高尚宮好想食 " 蜜汁煎金蠔 "所以决定入去食啦 , 我地揀左4種海鮮同一個蝦膏炒飯

, 總共五百二十三個大洋落樓 , 每人一半都算ok啦! 之後又去左元朗遊

左一陣就搭車走人 , 今日都過得好開心 , 唔......又要plan吓下一個行程先!

騰騰震釣獲

日期：2010年2月16號 ,年初三(星期二 ,  生流 ) 束北風4-6級

時間 : 10:00am-4:00pm

釣點：東涌橋躉邊

人物 : 倫哥 ,我

今朝得 9度 , 凍到騰騰震 

, 我地去拖假餌 ( LURE )由10:00開始拖 , 拖到3點幾先中一口  , 真係要多謝 倫哥不斷教路 , 又不斷幫我執番隻LURE( 因為我成日掛

)真係多謝晒 !

由於新年買唔到蝦 , 所以今日冇上躉走去做步兵 , 最後去到 1號躉邊拖 , 3點幾水退盡前嗰浸流好正 ,  D 鱸就在我地面前打水 , 仲有幾條粗野在我地面前示威 , 都有3-4斤 , 最大嗰條有成7-8斤

, 但拖佢唔到.....

到 3點幾先中一口 45cm

佢食埋黎嗰野真係又快又激 , 好彩食得淺 , 頂2野就上到黎 , 但呢 D 環境永

遠都係冇撈簊在身邊...........妖 !!倫哥又在好遠嘅地方趕緊過黎 , 我只好慢慢向後,然後拎撈簊 , 自己一手一腳炒佢入網拎上黎 , 滿足感又多D喇

好血腥 !

 呢張正常D

 45cm 好肥美!

再戰東涌

日期：2010年2月13號 ,年三十(星期六 ,  生流 ) 西南風4-6級

時間 : 9:00am-1:30pm

釣點：東涌橋躉

人物 : 倫哥 ,我

魚獲  : 百花鱸約斤零 x1 , 磅頭 x1 , 八両 x1 , 石蟹 x1 , 手掌石九公 x1

昨日年三十晚釣完魚後要同家人出去食飯 , 所以今日補寫番!

好多間釣餌鋪都己經冇生蝦賣 , 點知大圍仲有喎!

馬上飛車去買左 5 両 , 養到

第二日可以上躉玩半日 ,當日照舊7:00am在大家樂食早餐 , 然後行去碼頭 , 上到躉開好竿後即時四圍揾魚啦 , 我先用前打 , 當我帶住隻蝦仔一起一落散緊步時

,突然有一下拎唔起隻蝦 , 我就知中伏喇

! 即時抽竿 , 中左! 但只得一秒己經甩左口 lu

....... 咁食法應該係 , 冇計啦再黎過 , 但一直都冇鱸魚出沒 , 只有

一隻大石蟹 , 好很重 ( 因為兩晚都要出街食飯 , 所以比左呀倫 ),之後又中左條長過手板嘅石九公( 但在收架生時未及影相就比呀倫放番落海lu

)我都未釣過咁大

條九公架! 之後呀倫支竿有反應 , 竿頭直插向下 , 一輪拉扯之後上水 , 但當佢解緊魚時第二支竿又向下拉

, 真係忙到冇停手喎!之後靜晒 , 直至十二點幾先到我支

竿拉下 , 但抽唔到 , 跟住再返轉頭再拉 , 事出突然又抽唔到....再鉤過隻蝦再放過 , 今次食到升竿但冇再拉 , 又再鉤過隻蝦 , 之後勁拉差 D 飛竿

, 好彩呀倫幫我

捉住 , 但力度非常大 , 我地估應有六七斤以上 !頂左 1分鐘到 , 我已準備撈簊 , 見到影喇 ! 只有磅頭.....妖

! 但力度真係超勁喎 , 鱸魚真係好玩啊!

隻石蟹好大隻同好Q重