廣州祖屋之旅 ( 下 )

廣州塔

巨型盤菜

總括黎講支天涯鏡真係十分完美 , 美中不足係光圈唔夠大 , 影室內快門唔夠快 , 我又唔想將個 ISO推得太高 , 真係要再諗諗計先得 !

廣州祖屋之旅 ( 上 )

年三十早上9:25am我同最高尚宮及家人一夥兒到九龍車站撘直通火車到廣州東站,然後再坐酒店專車到東方賓館 , 因為當時只係12:30pm左右 , 所以只得一間房比到我地 , 所有人的行李都放晒入去然後馬上去揾野食 ( 好餓呀 ) 食完飯再搭的士去西場間祖屋度狂影相 , 之後就同最高尚宮D親人吹下水影下相 ( 又係影相 )hahaha.......拜下神咁就到 5:20pm左右 , 原來晚餐已準備好 , 有三文魚 , 火煱 , 仲冇巨形盤菜添 ! 不過味道就麻麻地啦 .....一邊食一邊影相 ( 都係影相 ) 之後本末去坐船夜遊珠江 , 但唔知邊個改左去廣州塔 , 上到塔當然又係影相啦 , 睇返部機原來影左 500張 !!之後返酒店 , writing話去粥城食消夜 , 最高尚宮腳痛冇去 , 休息左一陣佢又想出去粥城 , 咁落大堂問下人點去啦 , 但我地着住對酒店拖鞋唔係咁方便 , 於是去左麥記買外賣返房食 . 第ニ日諗住再去粥城食早餐 , 點知退房時見到岳父岳母 , 比佢地捉左去飲茶 , 最慘D點心好耐好耐先到 , 攪到冇乜時間在酒店影相 , 求其影左一陣就撘車去廣州東站 , hea左一陣就入去坐直通火車返香港 , 返到屋企又 hea一陣又出去同大佬拜年食飯 , 真係成個人都散晒啊 ~ ~ ~ ~ ~ ~講番支天涯鏡真係非常十分好用 ! 影遠近一D問題都冇 , 真係一鏡走天涯 ! 讚 !

又敗左新玩具喇

學左影相都有幾個月喇 , 發覺成日要換鏡, 又帶得多野真係好煩 ......於是决心入番支 天涯鏡 , 原本諗住入支Tamron18mm-270mm嘅 , 但好貴 , 又冇乜貨返 , 不如諗下支SIGMA 18mm-250mm啦 , 只小左20mm , 價錢平左喎 ! 仲要係日本造喎....Tamron就中國造喎.......好!!一於入支SIGMA啦 ! 明天上廣州可以試下天涯鏡的好處喇 ! 但唔可以咁自私唔理最高尚宮架 , 因為佢對攝影都好有興趣 , 但又唔係好識 , 咁我就買部天涯機比佢陪我一齊去遊山玩水啦 ! 明天返去佢地間祖屋就可以影番D相做個記念啦 , 因為遲D條村要拆 , 佢嘅童年回憶都會隨住消失...........

我的新玩具啊~ ~ ~ ~

2011除夕夜

聖誕節幾日假期玩得好開心 , 今日大除夕唔好比佢停!我地又捉埋三妹兩夫婦去馬灣舊村影相 

, 因為遲D重建就無得影了! 影到4點幾我地去左沙灘邊飲下午茶等日落再影 , 但今日太大煙霞 

, 太陽都見唔到 , 唯有等天黑影我最想影嘅青馬大橋! 揾到個靚位之後set腳架 , 由於我對夜景真

係超新手 , 所以買左本書睇同請教朋友 , 攪左一倫終於完成左我嘅作品 , 都好滿意架 , 第一次

麻....哈哈 , 之後坐船出中環皇后像廣場再影 , 立法會又影 , 但個個都肚餓了 , 商量左一陣决定

去大圍 , 因為來來重慶辣雞煲在田心村開左分店 , 一於去試下 , 呢間D雞煲同海福果間一樣咁

正 , 但招呼極好 , 可能新開未有咁多人啦 ! 食完各自散水 , 返到屋企仲可以同皇后一齊倒數 

! 今日真係玩得好開心但累極了 ! 各位 ! Happy New Year !!

歡度聖誕

昨日聖誕節約埋一班老友去左水中天釣魚+ BBQ , 終於實現左可以一邊釣魚一邊燒野食喇 ! 早上10:30我同最高尚宮和傑仔先上排霸番個靚位先 , 起初見到其他人有魚上到 , 但我同傑仔就冇料到......跟住呀鬼佢地殺到 , 佢地個個都有得中 , 但我仲未有喎 !攪乜呀?點解呀?大師兄個老婆仲中了一條海狼 , 之後靜晒 , 我就揾左一個網邊位放落去 ,即時有反應 , 一抽即中 ,起番條紅魚先 , 解完魚後一轉身已見到有兩條友企左响我中魚個位....使唔使咁快手呀老友 ? ( 好彩今日黎呢度 hea吓燒下野食 , D魚又係養魚 , 咪由得佢囉 , 如果係其他排就交都有得打呀 !!)跟住再落再中再落再中.....三口之後就靜晒 , 都成 2 點幾叫人開爐 BBQ ! 傑仔就走左人 , 我地一齊圍住個火爐暖下個身 , 因為都幾凍 , 燒左2個鐘到呀樂仲帶左兩條女上黎BBQ , 我就出去再博殺 ( 因好耐冇釣魚同仲末中到目標魚黃鱲倉 )等左一陣有反應喇 , 抽中左條斤頭黃鱲倉 , D力度真係勁過D紅魚 4-5倍 , 力頂左一輪終於見影 , 最高尚宮仲幫我用撈簊撈上水 , 我兩都好開心呀! 之後又中多一條仲大力D嘅 , 嘩 ! 玩到笑出黎呀 ! 哈哈........又係最高尚宮幫我撈上水 , 睇黎佢開始對D有生命嘅野冇咁驚喇 , 哈哈哈........之後再 hea左一陣就决定買左嗰兩條倉佢 , $60兩條斤頭 , 去街市一定買唔到啦 , 仲要係新鮮生猛喎 ! 8點幾越黎越凍 , 執定野走人 , 但又開始落雨 , 等多一陣就埋街 Call 的士走人 ( 又凍又落雨 , 呢 $102抵比的士佬啦 )今個聖誕真係過得好開心啊 !

是日總魚獲 : 籠內 :紅魚 x 8 , 黃臘倉 x 6

籠外 : 海狼 x 1 , 牛鰍 x 1 , 火點 x 1

 好暖呀~~~

 $60有交易