剛剛升左級好唔慣 , 又要攪一大倫野........好煩!! 出番個Test post先 !
出相終於都正常番喇!
出相終於都正常番喇!
2011年7月23日 星期六
自家製 Pizza " 黑 " 香蒜肉絲意粉
由於今日係大暑 , 所以今晚唔食飯 , 我叫最高尚宮煮左個香蒜肉絲意粉 , 好耐之前都煮過一次 , 味道極之相似 pizza 黑嗰D喎 ! 正! 但今次買唔到蒜鹽 , 加上今次轉左用煙肉 , 香味即時提升 , 所以味道有D唔同 , 另有一番風味啊 ! 最高尚宮又記一功 !
消消悶氣
日期：2011年7月23號 ,廿三(大暑) , 死流 南風2-3級 , 暴晒
時間 : 7:30am-1:30pm
釣點：三門仔
人物 : 自已單拖
釣法 : 笩釣
魚獲 :泥鯭2斤
呢排D天氣真係好Q煩
, 唔係狂落雨就晒到 PK
, 所以呢期真係悶到嘔白泡
......昨日倫爺同紅鮋皇上排過夜 , 我都知佢地係去送死
,因為呢D環境........唉
~ ~ ~ 由於呢排太悶 , 所以今日照去揾D老泥玩下 解下悶 ,我上到去佢地就垂頭喪氣咁走 lu
, 而家唔知做乜D生態變得好利害 , 以前三門仔冇嘅魚種而家有 , 原本有嘅魚種就小得可憐
, 睇釣魚雜誌都話外國D巨形魷魚都開始搬家 , 所以都咪話唔得人驚
......講番D老泥 , 今日在排底竟然見到D " 腳板級 "嘅 size游來游去 , 4-5指嘅就成群咁出現
,呢D 場面唔係冬天先會見到咩
?!攪乜今日大暑都咁得人驚架 !!??我釣左 2斤幾冇乜心機釣
, 所以早D返屋企同最高尚宮食飯 ,D老泥就比晒停車場肥姐 , 然後又 " 呢 " 入廚房搓定一大堆秘制麵粉 , 下次再上去同D大腳板玩下先 !
呢度夠玩一年有多剌 !
早上十分寧靜 , 個人都特別舒服
2011年7月4日 星期一
試新玩具
昨日同最高尚宮去左觀塘某工廠大廈睇下 D 摺車 , 本來在網上睇中左一款DAHON HAT 060 , 20吋的摺車 , 但又只得銀 , 黃色 .....原本最高尚宮選擇左部黃色 , 試過都幾好踩 , 但突然又比佢 見到別一部DAHON KAA061喎 ! 嗰部高級過060 , 又輕多 2 kg , 但價錢就.........要 1700 , 但係諗真D部車踩好耐同可以摺埋後搭車去遠 D嘅地方踩 , 計落都 ok 嘅 , 加上部車真係勁好踩 , 於是連我都落埋搭..........呢個時侯更係屈佢減價同送野啦 , 屈左一倫最後 3400 , 有車兩部 , 座墊 兩個 , 長威也鎖一個 , 膠塞兩個 , 水壺架兩個 , 鈴鈴兩個 , 條氣都順番 D , 之後抬返屋企馬上拆晒 D 貨架 , 泥板 ,嘩 ! 架車好似另一架咁 , 型左好多 !休息一陣 , 4點幾落街試車 , 由屋企踩到石門 , 全程嘅感覺真係好舒暢 , 架車又爽 , 沿路睇下風景 , 勁舒服 ! 唔怪得咁多人部買部呢 D車踩 , 而家真係明白晒 ! 買埋 D 頭尾燈就可以夜晚落街踩下 , 冇咁熱麻......呢部車就當係今年嘅生日禮物啦!
原裝返黎係咁嘅款 , 好老土.......( 因冇影相 , 所以要用人地張相用下 )
2011年6月28日 星期二
14吋代步車
今日去大圍睇中左部我想買好耐嘅小形摺車仔
, 14吋轆細細架十分方便收藏 , 用黎代步或駁腳去搭車返工一流
, 但又有D怕鎖在街邊到收工時唔見左
........應該冇咁邪呱......
最高尚宮見架車摺埋咁細舊
, 佢又鐘意喎! 咁佢又去試下踩唔踩到 , 由於落雨所以踩左幾下 , 都ok冇乜問題 , 咁不如買兩部啦! 但可惜只得一部
, 咁要住一部
先啦 , 到晚上見冇雨落就落街試車 , 由於我地都末踩過咁細部車 , 一定要試下點控制 , 點知最高尚宮話個頭好易左右擺
, 我試過都係一樣.....不過只要張重心向後一些就唔難控制了
, 但最高尚宮係用佢黎買餸 , 個頭咁擺點攪呀 ? 好采買左一部
先 , 咁呢部就我用黎駁腳啦!等個天喊完再同佢去睇過第二 D 車啦
!
車仔細細 , 都幾好去架 !
摺埋真係好細舊 , 正 !
摺埋真係好細舊 , 正 !
2011年6月27日 星期一
閒遊大美督
見今日仲係好天 , 馬上决定去大美督玩下先!明天開始又落雨了.....我同最高尚宮食過早餐後就開始我地嘅旅程 , 轉左幾次車後便到達目的地 , 在海邊見到好多人玩風帆 , 有小小人在 BBQ , 但人數不多 , 因為今日係閒日 , 所以咪冇乜人同我地爭 , 影左幾張相後就租單車踩過去大霸影風景 , 今次我地租左架 " 怪獸 " ! 我從未踩過呢舊野架 , 唔知好唔好玩 , 見佢有頂 , 咁就試下啦 ! 點知..........唉..........總知冇下次啦!!! 一路踩下停下影下都幾正 , 不過對腳就好累 , 舊野踩極都唔去 , 真正係 大食冇力 , 返到單車舖即時比番舊野佢 , 然後揾地方食野同降温 , 去左間泰國菜館叫兩個椰青同兩個生牛肉湯河 , 加多個炸蝦餅 , 但又再次中計 ! D 河粉鞋到冇朋友 , 湯又唔夠熱 , 又冇味 , 椰青唔甜同個蝦餅冇蝦味..........妖 ! openrice D 人有冇味覺架 !? 又吹到點正點正 , 垃圾都話美食 , 以後都唔好信呢D垃圾講嘅野呀 !!之後去海邊行一陣就打道回府 lu .
2011年6月23日 星期四
五小mo走晒....
呢幾日因為要開工,早出夜歸 , 冇時間觀察五小mo的情况 , 最高尚宮來電通知五小mo已集體升天了 ! 吓?無叮叮點解會反缸架?早上出門前都冇事架 , 唉 ~ ~養左咁多年魚其實都有點累 , 今次反缸事件之後 , 係唔係應該可以考慮吓仲養唔養好呢?
2011年6月20日 星期一
養魚回憶錄
今日要陪最高尚宮在家等百佳送貨
, 點知2:00pm突然打黎話部腦死左送唔到
!!
妖 !!!!
@#$%^&.....唯有揾D野攪殺吓時間 , 呢期攪開魚 , 就攪番個養魚回憶錄啦!
( 雖然有D相揾唔返 )
第一缸魚 , 燈係自己 DIY嘅 !
瓜晒之後養淡水雞泡 , 好得意架 !之後仲有一缸孔雀,不過冇左D相....
第一次學養咸水 , 好靚呀 !
加埋隻醫生蝦
點知冇幾耐又反晒......上網爬文後再買過D正確嘅瀘材 , 再接再厲!!
呢次一養就養左 5 年 lu .......而家條藍屌有手板咁大 !
兩隻醫生蝦都係比條藍屌咬死 , 近日仲打埋條mo仔添 !
D水養得十分好 , 連釣番黎嘅 " 石剎 "都養到呀 !
而家唔攪咁多野喇...........淨用個細缸養小丑算 lu
~ ~ ~ ~
訂閱：
文章 (Atom)