超迷你氣泵

早前响yahoo見到個超迷你氣泵 , 體積小 , 只有9.9cm ,放入車尾袋就一流 , 今日終於Bid咗佢!

我試過打一條只有 4 成氣嘅胎 , 打左一分鐘左右就 ok了 , 用黎出外急用都幾好架!

結婚13周年

今年已經係我同皇后結婚第13年喇 ! 早兩日我地仲換左部DAHON MU P8 , 因為踩左一斷時間 , 

我兩的腳力亦提升左 , 本來想將部KAA 061 換過對好D嘅軨 , 等部車可以快D , 但原來呢部入門

車要改裝要好多錢 , 一闊三大要 2-3千蚊先得 !!! 咁就一不做二不休 , 換車 !  今年我就安排左午

飯後踩單車去換左對快拆腳踏 , 然後踩去科學園嘅露天茶座嘆杯咖啡 , 由於今日係閒日所以好

小人好平靜 , 感覺好舒服 !! 嘆完咖啡我地踩去碼頭吹下海風 , 因為怕人多同冇位放我地兩部單

車 , 所以六點左右就踩去朗廚坊食晚餐 , 我叫左個招牌脆皮咸豬手 , 青蘋果荔枝沙冰 , 皇后叫

左黑豚豬扒拼蘋果茸 , 巴馬火腿哈密瓜同士多啤梨茘枝沙冰 , Total $599 攪掂 ! 我地座低睇住

個海同個天一路轉黑 , 單車徑上的單車來來往往......我地就十分游閒地座着吃着那些美味的晚

餐 , 真係滿足到呢.... ! 食完再慢踩返歸 , 但因為部車未改芒果呔 , 所以速度未如理想 , 踩到皇

后腳仔軟 hahaha......等遲D得閒就去買番兩對芒果呔返黎自已換左佢啦 !

是日午餐

原本今日同皇后再去沙田中心食拉麵 , 但途經霸王山莊見到唔使等位 , 加上好耐冇食過 , 於是

轉軚! 今次我地食左牛根拉麵 , 排骨拉麵 , 小籠包及樟茶鴨 , 味道都唔錯 ! (其實主要都係試吓部

電話影D相有幾靚啫 ) hehe...

又有新地方食拉麵

尋晚去買完電話後 , 我地發現沙田廣場有間日式餐廳有拉麵食 , 睇下個menu 價錢ok , 仲平過

味吉 ,順便試吓部電話先 ,  我地座低叫左海鮮拉麵 , 吉列豬扒拉麵同辣汁芝士局廣島蠔, 湯麵夠

爽口 , 湯味夠濃 , 正! 局蠔好新鮮 , 調味非常夾 ! 正 ! 下次去沙田一定再去多次試其他野 ! 







門口見到呢幅相

換新手機

連續十日八夜嘅工作終於完成了 , 真係累得想死 ! 早前皇后部低智能手機開始壞 , 但由於太忙

所以一直冇時間同佢買過部 , 今日有假一於去買過部啦! 今次買左部SAMSUNG i9001 Galaxy

 S Plus  , 呢部係Super AMOLED 螢幕 , 1.4GHz CPU , 512MB Ram 及8GB容量 , 對初學者黎

講應該夠用有突啦 ! $ 3698 都幾低 , 買完返屋企左set 右 set , 突然發現上蘋果動新聞時爆晒

格 , 又全個 mon 都係綠色.........大驚之下打電話返百老匯問 , 個sale哥哥話拎部機返去睇吓

, 唯有拎啦.....去到佢地check左好耐都唔知乜事 , 終於試到原來係個App有事 !..........妖 !!! 比佢

玩殘 ! 跟住又有事發生喇 , 由於呢部機真係好快 , 又平 , 原本想買 Galaxy  S 2 嘅我都心動起來

, 因為我用緊呢都 mo記 DEFY 都唔錯架 , 但一相比之下..........尤其係個 Super AMOLED  mon

! 就係咁 , 我就放低咗部 DEFY 同 二千一百個大洋喇...........不過真係好開心有新機用 , 正!! 





我同皇后 1 人 1 部

影D相真係靚好多 , 不過經過幾次 e-mail 及上載 , 畫質差左好多....

       

夜遊吐路港

近排連續有三個風影响香港 , 所以不停落雨 , 今日終於停雨喇 , 又可以出車去了! 唔知係唔係呢

個關係 , 有好多車友都趁今晚出車 , 我地今次一行 5 人 , 去到科學園金蛋位 hea 左一陣 , 睇吓

嗰間高尚單車舖 , 原來佢地就黎搬去大埔了 , 大家都諗住去大埔但又因為工作疲累加上好耐冇

踩嘅關係 , 只好向前踩 , 踩得幾遠得幾遠啦 , 終於去到吐露港花園停了 , hea完大家都肚餓

了.........咁梗係做我地出車嘅目的之一........食嘢 !! 哈哈...... , 於是回程去河畔食宵夜之後各自

回府! 今次因為我地部車都換左對笀果呔 , 所以部車好好去同快左 , 皇后都話真係值得嘅 ! 等儲

夠錢換埋對軨 , 架車仲爽呀 !!!





佢地食飯後甜品 , 我就冇食

朋友加盟

昨晚同皇后出車去科學園吹吓海風 , hea緊時上吓網 , 突然收到偉仔 Whats App 問我幾時得閒

出車 , 我話我地而家到左科學園喇 ! 問佢黎唔黎 , 佢一口答應話好 ! 因為佢住禾輋 , 我就比 30

分鐘佢過黎 , 佢都算準時 , 不過就不停踩冇休息過 , 所以踩到黎已經半死 , pat pat 又痛......哈

哈......咁多年冇踩單車 , 所以咪攪成咁囉 ! 我地咪一樣! 在碼頭 hea左一倫 , 12:00am 回程 , 佢

話同我交換車踩吓 , 好呀 ! 我好想買但又覺得太貴嘅 Oyama CR 16 喎 , 但好奇怪 , 我地都覺

得對方架車好踩D .....哈哈.....隔籬飯香呱 .....而家出車又多隻腳喇!





我同皇后都好想買嘅 Oyama CR 16

三隻腳 !

改車 part 2

我地兩部車條呔終於都去得七七八八 , 今日得閒 , 想拎部車去換左佢 , 但個天黑黑沈沈 , 但又

冇落雨 , 等左一陣决定出車 ! 點知去到半路就落出雨黎......大鑊喇!!! 好不容易才踩到單車鋪

( 其實只不過十分鐘車程 ) , 等左一陣先到我地換呔 , 但突然有對男女走入黎睇車 , 問完一架又

一架 , 又話買兩部幾錢 , 攪左十幾分鐘後又只買一架JAVA  FIT $3800 , 又要換腳踏又要買頭尾

燈 , 部車咁貴但又要買D平野 , 仲要講價........唉.....大佬你地連轉波都唔識 , 又要買部靚車 , 又

要換腳踏 , 又咁又咁......我真係想開聲叫佢地不如試吓原裝車先啦 , 乜都唔識又話改乜改乜

, 一味錢多 ! 最慘我地又要等佢地攪完攪罷先可以繼續換呔 , 雨又越落越大 , 真係火都黎 ! 等換

好之後睇吓部車 , 真係好靚喎 ! 

新口味

話說我地兩個都好鐘意食肉醬千層麵 , 但City Super由 38個大洋加到而家成 50個大洋之後都

冇食好耐 lu .....皇后一於黎個自家製肉醬千層麵 , 雖然今次只係試驗 , 但都非常好味啊 ! 等下

次改良版應該會再正D !!

夜遊新路線

呢排旺季真係做到訓都冇時間訓 , 加上打風落雨 , 想出車又唔得 , 想釣魚又唔得 , 想影相又唔

得............難得明天返夜晚又未落出雨就馬上出車, 上次同皇后個細妹同佢老公一齊踩去河畔食

飯 , 再出發去科學園 , 但上次冇影相同寫Blog , 今次同皇后兩條友食完晚飯出發去馬鞍山探吓

路先! 今次呢條路好多斜路同凹凸不平 , 唔好踩......我地去到烏溪沙碼頭休息時見到天空上有架

直升機不斷兜圈 , 又開住支超勁射燈四圍照 , 不久我地見到山頂有白色閃燈 , 應該有人行山迷

路求救! 睇左一陣我地就回程 , 皇后想食D冰凍糖水 , 於是踩去大圍好出名嗰間發記食左士多啤

梨綿花冰同西瓜西米露 , 然後再去買幾個點心返屋企食 , 天文台話又有另一個風黎緊 , 唉.....打

完 8號風球2日又有個風 , 而家都 10月啦 , 天氣真係變得怪怪的 , 好在上次同今次都可以左落

雨前一晚出到車 , 真係夠運啊 !


http://www.endomondo.com/workouts/user/2098619




去到馬鞍山公園休息一陣 , 但太多人 , 唔舒服!!

烏溪沙碼頭仍然有好多人釣魚

迷你音響

早前在雅虎拍賣見到呢個mp3 player , 覺得好正 , 可以唔使塞耳黎聽歌 , 因為我覺得太危險

 , 只要安裝在車頭就可以 ! 我見其他師兄一路踩一路聽歌好舒服啊 , 踩到海邊吹下海風已經好

舒服 , 加埋有歌仔聽仲正呢 ! 可惜昨晚唔記得帶 , 妖!

初秋火煱

過左中秋節 , 氣温下降左小小 , 皇后同我都有D想食吓火煱 , 於是就去一田買野 , 突然見到原隻

松葉蟹 , 於是就預埋佢一齊打邊爐啦 , 行行下又見到有火煱小籠包 , 又買十隻試下 , 味道 ok

, 冇蒸咁漏 ! 隻松葉蟹好鮮甜 , 啖啖肉 ..........呢排日日做到冇停手 , 食番餐勁補下先!

中秋節快樂

昨晚唔得閒同外家做節 , 今日我地兩公婆補番啦! 姨媽送左罐鮑魚仔比我地 , 一於今晚攪

掂左佢先!皇后嘅炆鴨腳同茄汁大蝦同樣出色 !

大家都中秋節快樂 !!

有新咖啡嘆

一年多前買左部咖啡機同 50粒 Capsule , 再加埋個Sale送比我地嗰十幾粒 , 終於飲到差不多


 , 早幾日訂左貨 , 今日送到黎喇 , 今次訂左另外六種味 , 又有新咖啡嘆 , 正!!