聖誕大餐@自家製

今日係平安夜 , 收工回來時皇后已經準備左一餐非常美味又豐富嘅聖誕大餐 ! 真係非常開心及

感動啊 ! 味道好又滿足 , 真係唔知佢識做咁多好野食 ,多謝皇后咁落力為我準備呢餐 ! 由於今晚

只有 10 度 , 所以都唔諗住去街 , 留在家中平平安安過平安夜罷 !

MU P8 特輯

話說我地換左部 MU P8 之後 , 只係踩左一次 , 買左新胎返黎換左後就放低左20 日了 , 因為近

排實在太忙喇.......今日有日假 , 一於去試下部車嘅真正速度 !! 但由於好耐冇踩 , 對腳有D力不

從心 hehe.......但對胎真係對部車嘅速度提升左好多 ,  要改裝嘅部份都改好左 , D滿足感返晒黎 

! 我地今次都係去返科學園 ( 因為我地太鐘意果度嘅環境喇 ) 但去到馬料水時我見到皇后個後

胎扁晒 , 唔通爆左胎 ? 但由於條內胎買返黎裝好之後冇踩過 , 直到早幾日我買左個迷你氣泵試

用時 , 發覺佢對胎冇乜氣 ,仲以為新胎可能末磨合啫 ....打番漲之後到今日發覺條後胎唔係好夠

硬 , 補番氣就出發了 !點知條胎真係有暗漏 , 於是死頂到科學園嘅 Pacific度一邊嘆咖啡一邊即

場拆轆換胎 , 不到 15 分鐘就換好左 , 皇后話部車重生喇! 又回復番快順喇! 哈哈....之後都係去

碼頭 hea到 6點幾 , 再去多次朗廚坊食飯 , 今日入黑之後開始凍 , 快快食完即閃 !回程仲開始落

雨 , 攪到我地要摩打腳咁踩 ..... 回到家中拎條胎放落水度揾漏氣位 , 但發現唔到有漏氣喎........

真係 R爆頭 !!!

超迷你氣泵

早前响yahoo見到個超迷你氣泵 , 體積小 , 只有9.9cm ,放入車尾袋就一流 , 今日終於Bid咗佢!

我試過打一條只有 4 成氣嘅胎 , 打左一分鐘左右就 ok了 , 用黎出外急用都幾好架!

結婚13周年

今年已經係我同皇后結婚第13年喇 ! 早兩日我地仲換左部DAHON MU P8 , 因為踩左一斷時間 , 

我兩的腳力亦提升左 , 本來想將部KAA 061 換過對好D嘅軨 , 等部車可以快D , 但原來呢部入門

車要改裝要好多錢 , 一闊三大要 2-3千蚊先得 !!! 咁就一不做二不休 , 換車 !  今年我就安排左午

飯後踩單車去換左對快拆腳踏 , 然後踩去科學園嘅露天茶座嘆杯咖啡 , 由於今日係閒日所以好

小人好平靜 , 感覺好舒服 !! 嘆完咖啡我地踩去碼頭吹下海風 , 因為怕人多同冇位放我地兩部單

車 , 所以六點左右就踩去朗廚坊食晚餐 , 我叫左個招牌脆皮咸豬手 , 青蘋果荔枝沙冰 , 皇后叫

左黑豚豬扒拼蘋果茸 , 巴馬火腿哈密瓜同士多啤梨茘枝沙冰 , Total $599 攪掂 ! 我地座低睇住

個海同個天一路轉黑 , 單車徑上的單車來來往往......我地就十分游閒地座着吃着那些美味的晚

餐 , 真係滿足到呢.... ! 食完再慢踩返歸 , 但因為部車未改芒果呔 , 所以速度未如理想 , 踩到皇

后腳仔軟 hahaha......等遲D得閒就去買番兩對芒果呔返黎自已換左佢啦 !

是日午餐

原本今日同皇后再去沙田中心食拉麵 , 但途經霸王山莊見到唔使等位 , 加上好耐冇食過 , 於是

轉軚! 今次我地食左牛根拉麵 , 排骨拉麵 , 小籠包及樟茶鴨 , 味道都唔錯 ! (其實主要都係試吓部

電話影D相有幾靚啫 ) hehe...

又有新地方食拉麵

尋晚去買完電話後 , 我地發現沙田廣場有間日式餐廳有拉麵食 , 睇下個menu 價錢ok , 仲平過

味吉 ,順便試吓部電話先 ,  我地座低叫左海鮮拉麵 , 吉列豬扒拉麵同辣汁芝士局廣島蠔, 湯麵夠

爽口 , 湯味夠濃 , 正! 局蠔好新鮮 , 調味非常夾 ! 正 ! 下次去沙田一定再去多次試其他野 ! 







門口見到呢幅相

換新手機

連續十日八夜嘅工作終於完成了 , 真係累得想死 ! 早前皇后部低智能手機開始壞 , 但由於太忙

所以一直冇時間同佢買過部 , 今日有假一於去買過部啦! 今次買左部SAMSUNG i9001 Galaxy

 S Plus  , 呢部係Super AMOLED 螢幕 , 1.4GHz CPU , 512MB Ram 及8GB容量 , 對初學者黎

講應該夠用有突啦 ! $ 3698 都幾低 , 買完返屋企左set 右 set , 突然發現上蘋果動新聞時爆晒

格 , 又全個 mon 都係綠色.........大驚之下打電話返百老匯問 , 個sale哥哥話拎部機返去睇吓

, 唯有拎啦.....去到佢地check左好耐都唔知乜事 , 終於試到原來係個App有事 !..........妖 !!! 比佢

玩殘 ! 跟住又有事發生喇 , 由於呢部機真係好快 , 又平 , 原本想買 Galaxy  S 2 嘅我都心動起來

, 因為我用緊呢都 mo記 DEFY 都唔錯架 , 但一相比之下..........尤其係個 Super AMOLED  mon

! 就係咁 , 我就放低咗部 DEFY 同 二千一百個大洋喇...........不過真係好開心有新機用 , 正!! 





我同皇后 1 人 1 部

影D相真係靚好多 , 不過經過幾次 e-mail 及上載 , 畫質差左好多....

       

夜遊吐路港

近排連續有三個風影响香港 , 所以不停落雨 , 今日終於停雨喇 , 又可以出車去了! 唔知係唔係呢

個關係 , 有好多車友都趁今晚出車 , 我地今次一行 5 人 , 去到科學園金蛋位 hea 左一陣 , 睇吓

嗰間高尚單車舖 , 原來佢地就黎搬去大埔了 , 大家都諗住去大埔但又因為工作疲累加上好耐冇

踩嘅關係 , 只好向前踩 , 踩得幾遠得幾遠啦 , 終於去到吐露港花園停了 , hea完大家都肚餓

了.........咁梗係做我地出車嘅目的之一........食嘢 !! 哈哈...... , 於是回程去河畔食宵夜之後各自

回府! 今次因為我地部車都換左對笀果呔 , 所以部車好好去同快左 , 皇后都話真係值得嘅 ! 等儲

夠錢換埋對軨 , 架車仲爽呀 !!!





佢地食飯後甜品 , 我就冇食

朋友加盟

昨晚同皇后出車去科學園吹吓海風 , hea緊時上吓網 , 突然收到偉仔 Whats App 問我幾時得閒

出車 , 我話我地而家到左科學園喇 ! 問佢黎唔黎 , 佢一口答應話好 ! 因為佢住禾輋 , 我就比 30

分鐘佢過黎 , 佢都算準時 , 不過就不停踩冇休息過 , 所以踩到黎已經半死 , pat pat 又痛......哈

哈......咁多年冇踩單車 , 所以咪攪成咁囉 ! 我地咪一樣! 在碼頭 hea左一倫 , 12:00am 回程 , 佢

話同我交換車踩吓 , 好呀 ! 我好想買但又覺得太貴嘅 Oyama CR 16 喎 , 但好奇怪 , 我地都覺

得對方架車好踩D .....哈哈.....隔籬飯香呱 .....而家出車又多隻腳喇!





我同皇后都好想買嘅 Oyama CR 16

三隻腳 !

改車 part 2

我地兩部車條呔終於都去得七七八八 , 今日得閒 , 想拎部車去換左佢 , 但個天黑黑沈沈 , 但又

冇落雨 , 等左一陣决定出車 ! 點知去到半路就落出雨黎......大鑊喇!!! 好不容易才踩到單車鋪

( 其實只不過十分鐘車程 ) , 等左一陣先到我地換呔 , 但突然有對男女走入黎睇車 , 問完一架又

一架 , 又話買兩部幾錢 , 攪左十幾分鐘後又只買一架JAVA  FIT $3800 , 又要換腳踏又要買頭尾

燈 , 部車咁貴但又要買D平野 , 仲要講價........唉.....大佬你地連轉波都唔識 , 又要買部靚車 , 又

要換腳踏 , 又咁又咁......我真係想開聲叫佢地不如試吓原裝車先啦 , 乜都唔識又話改乜改乜

, 一味錢多 ! 最慘我地又要等佢地攪完攪罷先可以繼續換呔 , 雨又越落越大 , 真係火都黎 ! 等換

好之後睇吓部車 , 真係好靚喎 !