再戰喜筷( 告別宴 )

原本昨晚同皇后再去喜筷試吓其它美食 , 但因為要 OT 所以今晚先去食 , 今次我地試咗羅白牛

坑腩煲 , 脆皮炸子雞 , 椒鹽腰果牛柳粒 , 先講個牛坑腩煲 , 味道鮮味 , 牛坑腩夠嫩 , 湯底都係有

小小胡椒味 , 小小辣好暖胃 , 炸子雞超好味 , 皮脆肉滑 , 仲好入味 ! 牛柳粒就一般 , 味道ok ! 埋

單後諗住拎張卡片 , 但老闆話做埋今晚冇 lu.....吓 ? 你地唔做嗱? 原來業主要收番間舖 , oh ! 我

同皇后都覺得好可惜 , 因為剛揾到一間咁好味又坐得舒服嘅食店 , 食咗2次就冇咗 , 真係執一間

小一間........三妹佢地就無口福啦! 因為約過佢地 2 次都唔得閒 ! 哈哈....之後我地去咗" 五代

同糖 "食咗個 "宇治金時" 非常滿足 !

又揾到好野食2

昨晚食完豬肚雞煲 , 今晚皇后又揾到田心村有間 " 醉月樓 " , 係食川菜嘅 , 我地今次就去試吓

佢地嘅招牌菜 " 麻辣雞煲 "  , 仲點咗個蜜椒爆鱔球 , 呢度真係幾有住家 feel , 點完菜之後就

先送上兩盅老火靚湯 , 等多一陣個雞煲就出場喇 , 由於D雞係末熟 , 所以要再煲多一陣 , 呢個

時候個鱔球就送到黎喇! D鱔肉好嫩滑 , 外表脆脆地 , 仲帶有蜜糖的香甜味 , 正 ! 雞煲我地叫

小辣 , 但都幾辣吓 , 皇后頂唔住 , 我就用D茶幫佢洗吓D辣油 , 之後就食到喇 , 再加埋兩碗白

飯同汽水 , 真係滿足到飛起 , 食完啊姐仲好醒目咁拎筒牙籤比我地 , 最後仲問我地要唔要食紅

豆沙 , 都好 , 食完辣野食番D甜野都好喎 ! 今次唯一美中不足就係冇得座出面露天位 , 下次再

去試埋其他招牌菜先 !

火煱午餐

昨日同皇后去咗將軍澳拜山 , 之後就去在apm揾野食 , 行行吓見到有一間叫" 牛陣 " 嘅食店 , 皇

后話想試吓 , 行埋去睇吓原來係日式火煱店 ,( 除咗去韓國之外 ) 咁大個仔都未試過中午打邊爐

, 一於試吓啦 ! 嗰度係 60 / 90 分鐘任食的 , 但得好小野食 ,只有幾款菜 , 迷你魚旦 , 墨魚丸仲

要一開二 , 小量腸仔一開四........ 食到差不多仲有 20 分鐘時我地每人食咗一D烏冬先夠飽 , 呢

間野唔會再幫襯第二次囉 ! 因為 2 人連加一要 260個大洋 , 又勁小同勁 cheap嘅食物 , 太唔值

了 !

又揾到好野食

昨晚去奥海域開完通頂 , 今早8:00先訓 , 但因為頭痛訓唔到 , 在床上磨到11點幾起身食藥 , 等

到食完午飯再訓過 , 到夜晚我同皇后諗緊去邊度食飯時 , 皇后揾到大圍有間叫 " 喜筷 " 嘅食店 ,

嗰度有個叫 " 豬肚包雞煲 " 好吸引我地 , 即時打電話訂位 ! 原來嗰間舖有好多野食同有露天位 ,

第日可以踩單車去食喇 ! 我地今次叫咗個豬肚包雞煲同蛋白脆鮮魷 , 先講個雞煲 , 豬肚好爽好

入味 , 食落仲有小小胡椒味及帶小小辣 , 非常好味 , 份量都唔小 ! 雞就好有雞味 , ( 而家真係好

小食到D雞係有雞味了...... )皮爽肉滑 , 而且真係有足半隻雞呢 ! 而個蛋白脆鮮魷味道唔錯 , 炸

皮非常薄 , 因為點咗蛋白之後只點上很小的炸粉 , 薄到可以見到魷魚本身的白色 , 外脆內軟 ,

真係好功夫 !我顧住食都唔記得景相.....hehe..... 我地都異口同聲話 : 好耐冇試過食得咁開心

了 , 因為無論食物同環境都非常合我地要求 ! 讚 ! 下次我地可以同朋友踩完單車再去食過 !

終於買咗個 NAS SERVER

記得好耐之前試過壞咗隻 hard disk , 攪到 D 相 , 文件 , mp3 等等乜都冇晒 , 好慘.........!! 之

後就買咗隻燒碟機做 backup , 但都唔係辦法 , 後期就買咗隻外置 hard disk 做 backup , 用咗

一段時間又覺得太煩 , 因為而家有玩攝影 , D 相好大 , 要backup 好耐 , 仲要幫皇后做埋

backup , 真係太累人了 ! 早排聽大佬講好多公司都會用 NAS SERVER 去做 backup , 一式幾

份 , 就算其中一隻 hard disk 壞咗都仲有幾份 backup , 只要換咗壞嗰部 , 就會自勳再 copy 一

份去新嗰部度 , 咦 ! 正喎 ! 啱晒我要求啦 ! 不過都唔平架.......但諗真D可以一勞永逸 , 以後唔

會再失去 D真貴嘅相 , 忍痛都要買啦 ! 於是叫大佬幫手揾吓 , 點知我又揾到一部千零蚊又幾

好用嘅 server , 問吓大佬買唔買得過 , 點知佢答我 : 呢部我用緊啦 ! 哈哈.....咁唔使講咁多 ,

就買呢部啦 ! 大佬話幫我買有八折 , 加埋兩隻 1T hard disk 二千蚊攪掂 ! 太好喇 !! 而家學緊

點攪 , 以後唔使再驚冇晒D相 lu ! 真係太好了 !

今日去咗一間制作公司度開工 , 今次個 job 真係眼都凸埋出黎 , 因為要將 D 瓦碗用磨機切開 ,

再續件貼上個公仔度 , 成件金柳玉衣咁 , 真係做死人 ! 完成後又要諗點攪另一件 OSIM 嘅聖誕

擺設 , 又係超高難度 , 結果又攪到零晨一點先收得工........

潮流興

正所謂科技先進 , 而家已經好小聽到人話電話冇電了 , 因為而家興用一D流動叉電器 , 其實又

真係好方便 , 尤其係我呢D通街走冇固定工作地點嘅人 , 有時仲要通宵不停工作 , 連返屋嘅時

間都冇 , 所以我都買番部先 ! 講起呢舊野真係火都黎 , 唔係件貨有問題 , 而係郵局D 粉腸問題 ,

我上Y 拍 bid 咗貨之後 , 賣家星期二寄貨 , 我就等到第二個星期二下午先收到將卡 , 而且仲要

第二日先可到郵局取件 , 最慘第二日係重陽節 , 要再等多一日先有得拎 , 乜平郵要成個星期咩

? 我以前 bid野都係兩三日就收到 , 而家班廢柴都唔知做乜Q , 平時見佢地都已經好 hea , 而家

仲食蛇食到出晒面 , 最衰呢排忙到嘔 , 唔係我實投訴佢地同揾區議員攪佢地班廢柴 !

病了.....

近排晚晚OT , 訓得最多的一晚都唔超過 5 小時 , 身體差了......今次仲大傷風 ! 又勁流鼻水 , 喉

嚨發炎 , 仲咳添 , 但病都要捱埋呢斷時間 , 因為而家係黃金揾銀期啊 ! 頂住呀 !!

古仔又大個仔咗喇

10月真係做到覺都冇得訓 , 呢幾日又要入元朗倉做野 , 今次又見到古仔喇 , 佢真係大隻咗好多

, 已經係一隻成年狗 , 由於我地成日比野佢地食 , 所以黑妹同古仔都唔再驚我地喇 , 仲好friend

添 ! 因為果度要帶飯返去食 , 我每日都會留番D飯餸比佢地食 , 尤其係黑妹 , 佢又有左 BB喇 ,

所以我會比多D佢食 , 佢地由初初驚我變咗而家貼住我身邊一齊行 , 哈哈 ! 感覺真係好 ! 到左夜

晚佢地仲會走黎我地做野個倉探我地班 ( 其實係黎收陀地的 ) , 趁我地小休時就會比D小食佢地

, 有個師父帶佢地返去時比D狗糧佢地食 , 趁佢地開餐時即刻關上大門 , 因為怕佢地冇門口入在

外過夜 , 但不到半小時 , 我地又見到佢地三隻野座晒响倉出面望住我地喇 ! 哈哈哈哈.......佢地

由另一條小巷偷走出黎啊 ! 真係好似D小朋友咁 , 冇佢收........




第一晚 2個過黎收陀地 !

第二晚 3個一齊過黎收陀地 !

突然見到有D花好靚 , 唔知係乜花呢?

開工睇煙花

呢排好忙所以又要補返 D post , 話說 10 月 1 號有煙花睇 , 可惜當晚仲要 OT , 不過又有一個新

體驗 , 就係從未試過咁近睇煙花 , 因為我當晚在會展開工 , 一到差不多 9:00pm時 , D 人都放低

晒手頭上的工作 , 走晒出車塲睇煙花 , 由於好近 , 真係非常震撼啊 ! 爆炸聲非常响亮 , 身體也

感到震撼 , 可惜只有手機 , 所以影得唔靚......但我到第二日才知道原來在放煙花之前發生咗一

單嚴重海難 , 一首双體船撞沈了一首港燈的船 , 船上有百幾個港燈員工及家屬 , 正準備開去維

港睇煙花 , 今次意外仲死左38人.........唉........希望佢地安息啦 !

人腦大戰一日一夜

皇后玩開 fb 的 game , 早幾日唔記得乜事用咗我部機玩 , 佢即時發覺用我部機玩快好多倍 ! 於

是我就諗住同佢換過部啦 , 之後打電話問下大佬要幾多錢先攪掂 , 佢話有D 舊件可以比我 , 可

以免費升級了 ! ( 由於佢係IT人 , 佢D所謂舊件都快過我地D機幾倍 ) , 我同皇后中午去左高登買

咗個機箱同個新 mon , 之後去大佬度取件 , 然後同佢地一家食完晚飯就返屋企開工 , 起初都好

順利 , 但裝好機後發覺張顯示卡係 DVI 頭 , 個 Mon 係 VGA頭 , 就即時問隔鄰Carol的老公借咗

個轉插 , 總算過咗第一關 , 之後發覺上唔到網 , 大佬就用 Teamviewer幫我攪咗一倫 , 得咗 ! 

又過一關 , 之後皇后上 fb 玩 game時發覺好侄 , 可能張卡唔夠快 , 又攪左一大倫 , 今次唔掂

喇 , 大佬話揾過第二張卡我 , 但我話不如我自己去買啦 , 之後又諗可能部機唔夠Ram 喎 , 於

是兩部機D Ram 換轉 , 但都係冇改善 , 因為太夜所以第日再同佢死過 , 今日將兩部機嘅底板

換轉 , 將我部機換咗比皇后用 , 所有野都好順利 , 仲重新装咗個win 7 , 但到我果部就大獲喇 ! 

重裝 win 7 都係上唔到網 , 原來個driver係 for 32 bit window , 我裝咗 64 bit..............又要重

裝......但部機好怪 , 裝完driver重新開機就上到網 , 關機再開又話個driver有問題 , 於是飛單車

去買張 LAN card , 一裝落部機度又呱呱叫 , 今次連大佬都話投降了 , 佢話不如比過第二部你

啦 ! 唯有係咁啦.....但條氣唔順再插張 LAN Card 落去 , 咦 ! 得咗!! 經過一夜一日嘅人腦大戰

終於結束了 !  

又見牙醫

近排工作非常十之忙，因為每年呢幾個月份係最旺嘅，早三個月前已經剝咗果隻大牙 , 個傷口



原本早以好番 , 但呢排發覺D牙肉又腫又痛 , 又有小小尖的東西凸咗出牙肉面 , 唔知係唔係有D

牙腳留低左响入面呢 ? 見今日早收工，一於揾牙醫幫我睇吓 , 起初牙醫睇唔到有乜問題 , 我再

清楚D話個確覺位置比佢 , 佢仲以為只係有小小牙碎未清晒 , 但後來發覺果D唔係牙碎而係牙骨

! 於事攪到要劏開D牙肉 ,  cut 左尖出黎果D牙骨 , 再將D牙骨磨滑然後逢針 , 真係聽到都嚇死 !

今次都係去番田心村果間 , 但今次唔係唐醫生 , 而係許醫生 , 佢地兩個都好好手勢 , 而且收費

又平 , 今次呢個手術只係收我 $350 , 加埋D藥 $180 共 $530落樓 , 真係好彩冇一脛血  ! 

漁排通頂新體驗

日期：2012年9月8號 ,廿三 , 死流  東風2-3級  

時間 : 18:00-08:00

釣點：三門仔通頂

人物 : 紅鮋皇 , 倫爺 , 我

釣法 : 笩釣 + 沈底

魚獲 :  烏頭 x 2 , 石蚌 x1 , 星鱸 x1


昨晚約咗Roy仔同倫爺上排過夜 , 點知2點鐘左右突然風雲變色天打雷劈 , 嚇到Roy仔縮沙唔

去 , 但雷雨過後又出太陽 , 於是我同倫爺 , 紅鮋皇照上可也! 上到去釣咗一陣見到有人有烏頭

上 , 呀倫叫埋我一齊過去 , 我第一口餌揪唔中 , 呀倫中咗但斷咗 , 之後又到我中 , 嘩 ! 呢種感

覺真係返晒黎 , 嗰種實在感同滿足感 , 好耐冇試過喇 , 之後呀倫補中一條 , 同時間紅鮋皇在另

一排中咗條五斤星鱸 , 可惜開口時間真係越短 , 只有十五分鐘 , 之後靜晒.......紅鮋皇再中多

條斤頭石蚌 , 諗住有個咁好嘅開始 , 夜 D 一定冇衰啦 ! 點知 D鱸魚成晚掃場 , 不停在排底追

殺小魚 , 攪到成個海洋公園咁 , 打水聲不斷响起 , 其它魚跟本埋唔到黎 , 冇魚釣最好就係玩煮

飯仔啦 , 我地買左柸麵同魚柳罐頭上排做晚餐 , 只要煲水就食得 , 唔使捱麵包咁慘 , 真係好 !

食飽之後都冇心機釣 , 因為個排有過千隻小強同十幾隻老鼠 , 太得人驚喇 !! 就係咁成晚一條

魚都冇得釣 , 諗住訓覺啦 , 但因為太嘈 , 又熱 , 跟本訓唔到 , 等到晨光一出就即時作出最後衝

刺 , 如果呢斷時間都冇就可以收工了 ! 但可惜D鱸魚仲末掃完場 , 所以都係劏魚走人算了 ! 





有人話三門仔嘅日落係最靚 , 我都同意 , 每次黎都係釣魚 , 揾次要去好好咁影吓三門仔的日落先 !

 開餐喇 , 套 Cookset 真係好方便 !

 血腥場面 ! 放血中.......

開爐

買咗個爐同套Cookset之後就一直未得閒試 , 明晚約咗Roy仔同倫爺上排過夜 , 所以今晚要試吓

個爐 , 如果唔係我一定會比人掉落海 , 因為只得我有爐 , 如果個爐唔work , 咁就真係唔落海唔

得喇 ! 哈哈......同時收到料肥陳同輝叔今晚上左排 , 仲有紅鮋 , 黑立 , 星鱸 ,同四十幾條烏頭 !

唔知會唔會比佢地釣晒呢 ?

皇后美食之焗肉醬闊條麵

今日皇后再焗一次肉醬闊條麵 , 味道一樣好味! 再加埋磨菇鷄肉湯 , 正 !

工作趣事

今日去北角做野 , 任務係去一間舊公司拆咗套招牌字 , 再拎去新公司從新安裝 , 由於舊公司已

冇人在場 , 我拍檔又返公司拎野 , 只有我一個人留低 , 在那陰暗的環境下我四圍望吓八吓 , 當

我望住一度門 , 門上有個窗 , 突然有一種非常熟悉嘅感覺 ! 我覺得我好似黎過呢度 ! 但又冇理

由無叮叮會黎呢度架.........我再四圍行 , 行到 Lift 門位轉身再向那度門望去時即時想起來了 ! 兩

年前的年初二晚上 , 祥仔帶我同皇后去影煙花 , 祥仔話有個好地方影到 , 於是帶我地白撞咁上

左呢間公司 , 當時又係環境陰暗 , 突然有人從那度門行出黎問我地做乜 , 我地答佢話揾位影相 ,

之後我地去左後樓梯開好晒腳架 set 好晒機 , 突然有食蕉出現叫我地走 , 仲話要報警.........真係

慘 ! 咁大個人都末試過比人咁趕法........唔怪得我對呢度咁有印象啦 ! 真係又會咁啱又上黎做野

! 真係邪 !!

保温DIY

昨日去愉景灣開工 , 時晴時陰 , 一出太陽就晒到人都熔 , 一時就落吓雨.......真係玩死人 ! 由於

前一日已收到風要在露天工作 , 所以一早準備好所有法寶 ! 我帶左帽 , 太陽油 , 蚊怕水 , 黑超 ,

扇 , 雨傘 , 毛巾 , 水同一支冰炮 ! 嘩.....唔知仲以為我去釣魚而唔係返工呢 ! 今次真係 " 人在野 "

 ! 講到支冰炮 , 我就諗起初出來做工時有個裝修師父教我 , 雪一支冰 , 然後用厚厚嘅報紙包實

都唔例外 , 我將冰水倒落毛巾 , 然後掛在脛上 , 非常爽啊 !! 仲將一支已經唔凍嘅烏龍茶倒入冰

炮度 , 等一陣就可以有冰凍嘅荼飲喇 , 真係全靠呢個方法幫渡過咗好多個炎夏 , 正所謂 : 不聽

老人言 , 吃虧在眼前 ! 真係幾有道理喎 !



晒完又快要落雨喇......

新玩具 ( 下 )

終於在Y拍揾到一套啱用嘅Cookset , 裏面有兩套煲 , 細嗰個煲仲可以裝埋支扁氣同爐頭添 ,

真係超方便 ! 因為今日要開工所以要皇后幫我出去交收 , 由於今晚又要開工 , 所以要等明日

先試玩 ! 以後去釣魚就可以唔使捱餓啦 !

新玩具 ( 上 )

今日同皇后去咗沙田揾露營爐具同Cookset , 點知唔係冇得賣就係唔啱款 , 唯有再去太子金魚

街度再揾 , 點知都係唔啱 , 最後走去旺角一間上樓舖度揾到我想要嘅野 , 因為嗰D垃圾論壇幫

唔到手 , 所以自己續間去問人......但今次只係買左爐頭同GAS , Cookset就因為比較貴所以唔買

住 , 等得閒先上網bid !