又想買新玩具

呢期唔知點解對攝影非常十分之有興趣喎 , 仲想買番部靚相機添...........點解突然間會咁有興趣呢?我自己都諗左好耐 , 終於知道發生左乜事喇 ! 事原係早排同老婆計劃去南丫島行下 , 睇下風景 , 因為上網睇見嗰度D風景真係靚到爆 , 淨睇相都感覺到嗰份寧靜同舒暢嘅感覺 , 但好景不常 , 想去嗰日又落雨同打風 , 結果去唔成 , 第二次機會又到喇 , 但又要返工............妖 !! 結果改期又改期之後去左大澳 , 好耐冇返大澳行過 lu , 今次仲由巴士站行到已經甘幾年冇去過嘅碼頭 , 再行番去巴士站 , 再由東涌撘車去迪士尼.......碼頭 , 原途都有用部DC仔影下D靚景咁啦 , 但我突然發覺我部機係影唔到我心目中想要嗰個景 , 雖然部機有1220萬像素 , 但只有 3x zoom.........嗰一刻有小小唔開心 , 因為好日唔去行下 , 想留住嗰一刻嘅心情但部機做唔到囉 , 但心想好彩啫 , 如果今次係去南丫島 , 咁咪浪費晒D咁正嘅風景 , 唔影過都唔知原來部DC仔真係出唔到大場面架! hahaha.....再加上妹妹早前 post番我地細個同老媽子一齊影D相出來 ,個心仲突然醒覺到 " 真惜眼前人 "呢句說話 , 於是就决定買審部相機 , 捉埋最高尚宮一齊多D去遊山玩水同影多D靚相先 !

睇中左呢部Fujifilm FinePix S2500HD , 半專業喎....機身細 ,18X , 價錢仲好正 , 水貨 $ 1680 

部 DC仔zoom到盡都係影到鼻屎咁細粒

呢張都ok

個紅樹林現場好靚架....

 廿幾年冇去過嘅碼頭 , 以前有頂架 

告別賽 !

前天收到輝叔電話 , 佢話老馬個排做埋呢個星期日就唔做喇 , 所以約我星期六晚上去玩埋呢次告別賽 , 我當然話好啦 ! 但到左星期六晚 , 由於輝叔同 Roy 仔早上去 ,  Roy仔打電話比我話輝叔叫我唔好上去喇 , 成排只有六個人 , 但有兩個打緊粉.......妖 !! 最後一次都比佢兩個攪串晒個場 ,攪到冇晒魚釣.......所以聽輝叔話唔去了 ! 原本想今日同老趙去 , 但就吹大東風 , 仲要去到六級 ! 唉~~~天意 !! 希望老趙有收獲喇 !呢日終於都到喇 , 個心有D失落 , 始中呢度係我學釣魚同識到咁多釣友嘅地方 , 學 Roy仔話齋 : 由唔識到識咩叫釣魚 , 都係呢度.......而家冇左個主場 , 好似冇左方向咁........

再見了..........!

夜水中目標

日期：2010年10月2號 ,八月廿五 , 死流  東至東北風4-5級 , 潮漲 
時間 : 9:30pm-3:15am
釣點：三仔主場
人物 : 何豚 , 肥陳 ,  我 , 輝叔 , 肥陳朋友大強
釣法 : 笩釣
魚獲 : 斤裝黑立 x 1
中魚時間 : 10:30pm--11:15pm


10月1號輝叔打黎吹雞話拉隊上老馬度夜釣 , 好啦 , 我都想博下立 ! 晚飯後立即出發 , 9:30pm上到去 ,佢地已各中一口 , 但何豚同肥陳都甩左 ,  玩到10:30pm 呀大強先中一條斤裝黑立 , 十零分鐘後再中一條斤幾黑立  ! 我即時過去做攝石人攝番個位啦haha.......呀倫突然打黎收料 , 吹吹下見到竿頭跳左一下 , 之後冇晒返應 , 再講講下突然成支竿向下急拉 , 我一手捉住竿身向上抽 , 一邊話:唔講住!!唔講住!!放低電話頂魚 , 頂左幾手見到魚影 , 原來係立啊 !!呀倫又打比輝叔再吹 , 我攪掂條魚後呀倫又打比我 ,唉....好忙啊!中到目標魚都幾開心架 , 之後佢地零零星星上烏頭 , 但只係開肥陳同輝叔個位 , 妖 ! 成晚座冷板 ......本來想通頂 , 但由於應成左老婆2-3點走 , 玩到3:15am就劏魚 , 何豚同輝叔仲每人比左一條烏我呢!

                                用手機開閃燈爆晒光.......

唔開就唔夠光........應該點攪好呢?

  加埋兩條禮物烏

再見了.........主場

日期：2010年8月15號 ,初六 , 死流  南風3級 , 時晴時雨 , 紅潮暴發

時間 : 6:30am-11:45pm

釣點：三仔主場

人物 : 老趙 ,  我

釣法 : 笩釣

魚獲 : 龜一大隻

本來今日去拖紅鮪嘅 , 但咋晚倫爺報料話我地個主場 ( 三門仔馬生排 )已經賣左 , 月尾要比人拖去榕樹澳喎 ! 吓 ! 咁大鑊 !? 於是今日改左上去影番D相做個記念啦 , 點知一去到碼頭見到紅潮暴發 , 成個海都係鐵銹色 , 唉......最後一次都要打龜.......但係為左要影相同問下馬生係咪真係唔做 , 一於照上!!問過馬生証實真係賣左 , 但舊曆九月先交比人 , 妖!!早知今日唔上啦!

呢個排對我黎講真係好有感情 , 因為我開始學釣魚 , 學玩笩仔 , 同識左一大班 fd , 都係呢度.....而家突然冇左 , 真係好唔開心 , 因為好難揾到個咁正嘅排 , 睇下結業前有冇機會call齊班 fd 上去玩多最後一次啦 , (希望唔使打龜啦 )唉..........心情好沈重 .

主排望出去

呢間屋仔間直係我地個竇 haha..

主排上落船位

呢度有晒撈簊同生籠提供 , 帶小好多野架

發電機排 , 我中過黃倉 , 黑 , 烏頭架

屋仔排內部 , 中過無數嘅烏頭同一條2斤黑 , 安哥仲努力緊......

今日D水就係咁嘅鐵銹色, 近睇仲有一大堆紅色........

第二批重火力武器到手喇 !

上星期五訂左支重火力假餌竿 Major Craft  ZALTZ ZAT-962H , 原本昨日連到 , 但因

為個運輸攪錯野所以要今日先運到 , 一收工就即由屯門飛出大圍睇竿啦 ! 之後仲班

多一隻假餌同兩隻 Popper去幫手降魔 ! 呢個星期睇下可唔可以幫 D 架生開光先 !

 買多三隻Lure幫拖先 ! 魚鉗唔小得啦 , 魷魚插就順手買埋啫.......

首批重火力武器入境

而家正係拖紅鮪旺季 , 倫爺都已經拖到唔小喇 ! 好多玩假餌嘅人都話 D 紅魔食埋黎

嗰陣 D 力量大到會將個人拖落海 ( 其實係突然搶餌嗰吓拉到個人失去重心 , 所以先

會跌落海啫 ) 所以我都要入番D重形武器去會一會D紅魔先! 呀倫話拖紅鮪最重要係

支竿 , 第二先係隻絞 , 所以今日收工去海磯舍揾隻平絞 , 但一拎上手就即想放番低

喇 , 因為太差喇..........所以最後買左 Shimano  AERNOS  XT 5000  , PE 就買左隻韓國

仔 5 號 . 竿就想買 ZALTZ   major craft ZAT-962 , 但要星期一先可送到大圍分店 , 在

海磯舍又見到有支紅鮪怪獸竿 , 價錢平一半 , 但 D 皆好似唔係幾靚 , 駁口位又有 D

唔係好緊 , D紅色油我又唔like........都係等支 962返黎睇睇先算 !

呢支咪就係我支 Dream 竿.........

 平平地買隻 AERNOS 5000 玩下算 lu !

 韓國PE , 試下先知咩料....

 之前都買左隻AERNOS  XT 2500SDH 黎 fit魷好好用 !所以今次買番呢隻 5000 !

 

今日破左咒喇 !!

日期：2010年7月18號 ,初七 , 死流  東南風3-4級 , 暴晒

時間 : 7:30pm-2:00am

釣點：三仔主場

人物 : 輝叔 , 肥陳 , 榮( 新釣友 ) , 祥仔 , 我

釣法 : 笩釣

魚獲 : 烏頭  X1

今日遲左上排因為祥仔住柴灣大遠要就下佢 , 7:30am開波 , 老趙一早到左仲上左 2

口添 ! 勁 ! 之後超勁多老泥出黎攪場 , 綿花都比佢地食晒......蟹仔亦被支解................

到八九點左右老趙再上第三口 , 之後到祥仔一抽中魚 ! 由於支竿係我借比佢 , 所以

佢就住就住頂 , 頂左一輪我幫佢撈起 , 就係咁終於打破左我同佢去釣魚就乜都釣唔

到嘅魔咒喇 ! 之後又到老泥攪場時間 , 直至一點半左右比我抽中條烏喎 , 頂左一野

就比佢拉斷左 !上次又係嗰個位斷一口 ! @#$%^&...............等左成日得一口 , 咁都唔

比我!?!!!??? 妖 !!! 妖到兩點劏魚走人 , 好彩老趙比左一絛我 反去交差啫! hahaha....

今日咁熱冇乜人上排

 呢D咪叫 hea 釣囉 !

昨晚主場

日期：2010年6月30號 ,十九 , 生流  東南3-4級 , 漲流

時間 : 9:30pm-12:00am

釣點：三門仔主場

人物 : 我 , Roy仔

釣法 : 笩

魚獲 : 0 ........

睇到天氣報告話今日氣温去到33度 , 嘩! 熱死人咩

!! 所以決定昨晚食完飯後上

排探下咩環境 , 因為呢倫個主場好死 , 乜魚都釣唔到 , 所以D兄弟都冇上過去 , 就等我地去做下探子啦!

 去到即刻開竿 , 開到一半突然聽到好嘈......咩事咁嘈呢?之後冇晒聲 , 唔埋咁多 , 開竿先 ! 突然聽到Roy仔慘叫

: 落水呀......落水呀.......! 我即時掉低支竿 , ( 係掉低 !!! 好彩冇斷

.......)馬上冲出去救佢 , 出到去佢己經爬番上

黎 , 原來差錯腳半邊身落左水 , 個電話都壞埋......慘 !! 原來佢想拎D麵包比我釣烏頭 , 真係有D唔好意思

.......唯有下次請佢食飯啦.............釣左2粒鐘  , 一口像樣嘅魚訊都冇 , 又冇流 , 所以决定收工

 , 今次係我有吏以黎第一次最早收竿 , 但因為手太痕 , 所以明知山有虎 , 偏向虎山行囉 ~~~冇計 , 釣魚佬就係咁架喇! 

hahaha.........

赤柱閒釣

日期：2010年6月26號 ,十五 , 生流  西南3-4級 , 漲盡反退

時間 : 8:30pm-1:30am

釣點：赤柱卜公碼頭

人物 : 我 , 余公子,建威, 傑仔 , 祥仔

釣法 : 沈底

魚獲 :骨鱔 x4 , (魚或 )魚 x3 , 青斑 x1

今日全日落雨 , 到收工時雨細左 , 所以决定出發 , 到步後發覺D水好渾濁 , 又大浪 , 問過個土注呀叔都話冇火箭釣 , 於是改玩沈底 , 祥仔先上一(魚或 )魚仔 , 手板長的 , 之後到我中一條骨鱔 , 有成 2呎長 , D牙好尖 , 又入晒扣 , 所以剪鉤 , 之後我再中多一條骨鱔添 ! 等等下傑仔支竿突然急沈 , 竿尾仲彈起 , 我即大叫 : 拉竿呀 ! 祥仔即時幫傑仔捉住支竿再交比傑仔 , 非常踢腳 ......跟住睇表演啦 , 但個衰仔有D不知所措 , 揸住支竿唔識頂魚 , 收絲時個磅頂又係咁出絲 , 真係勁攪笑!!我同祥仔唯有在左右提佢同幫佢啦 : 唔使急 !慢慢收......我就幫佢一邊 set 磅頂一邊帶佢行去樓梯位 , 之後見魚喇 , 青斑一絛 , 都有斤半多D ! 我落去幫佢拎魚佢又落埋黎 , 咁咪比佢自己試下囉!一手一脚麻 , 點知條友仔原來放血都唔識 ! 妖 !!hahaha........之後佢又中多 2 條骨鱔 , 今次傑仔最威啦 , 不過真係唔夠經驗 , 要操多 D先得! 余公子同建威都各自中一(魚或 )魚 , 今晚Happy Ending啦 , 有身份證都有收獲喇 !

重回舊地

日期：2010年6月12號 ,初一 , 生流  西南3-4級

時間 : 8:45pm-12:00am

釣點：南灣半島高壆

人物 : 我 , 最高尚宮 , 傑仔 , 祥仔

釣法 : 姣蝦

魚獲 :火箭筒 x1 , 大尾魷 x1  3hit 2get

傑仔話南灣呢期有人fit到好多大尾魷 , 於是昨晚收工就去攪攪佢 !

到步後先去美心食個晚餐 ( 我想食左好耐嘅迷你冬瓜盅 )

之後行去釣點開

竿 , 但見現場D陀地釣法非常特別 , 我聽都未聽過! 佢地在蝦前加一支營光棒 , 再

加浮波 ? 坐定定响度 , 乜都唔使做 !!

吓!?咁點 fit魷呀???..........真奇怪啊!但個個都係咁一定有古怪

! 我就學人加支營光棒 , 但冇浮波喎 !! 於是控制隻蝦於

三呎水左右 , 但水流好急 , 好快就冲番埋黎 , 不斷試左三十分鐘 , 突然拉竿 ! Hit !!

我第一次釣到嘅火箭筒上水

! Size都唔細 , 有 25cm , 好開心 ! 之後玩番真正

嘅 fit 魷 , 十分鐘左右 , 有小小魷訊喎 ! 抽竿 ! Hit !!今次好有重量 , 支竿都滿弓 ! 頂佢

審黎都有D吃力 , 由於釣座太高上唔到水 , 傑仔幫我用手扯上黎 , 真係唔該晒佢

! 條魷都 ok size 有20cm

! 之後人地有浮波嘅係咁上火箭 , 傑仔同我都

甩一口

, 佢就中番條 3吋嘅火箭BB

, 祥仔就

十二點到收竿走

人 , 好在老婆叫走炸 , 之後開始落大雨 , 上左車仲勁!連路都睇唔到呀!!! 

呢個地方係我三年前第一次學釣魚嘅地方 , 而兩次老婆都有响我身邊陪我 ,又係傑

仔同祥仔 ! 真係好巧合

!今日再返黎嘅感覺係換然一新........唔係話巴閉咗 ,

hill 咗 , 之不過係學左 3 年 , 咁多種釣法 , 釣左咁多次魚 , 龜左咁多次又釣到唔知幾

多條魚 , 感覺好似一條初生魚出世後出去面對各種風風雨雨 , 長大後又回到呢個風

平浪靜嘅地方 ! 感覺好舒服 , 好平靜

..........唔知你地又有冇試過返番去第一

次嘅釣場玩下呢?可能都會有呢個感覺!

雙魷出場 !  呢D天氣 , 呢D size , ok 啦!

 大尾魷 20 cm

 火箭筒 25 cm