2011 Lego展

今次第一次去睇Lego展 , 諗住閒日冇咁多人 , 點知都係九億幾人 , 真係吹漲.........由於太多人 , 求其影下就算 lu , 因為D人伸晒D手入去影 , 又唔理你係咪影緊都照企正你前面 , 所以真係冇辦法 , 呢D咪就係中国/香港人囉!

 

 

 

 

 

 

 

 

 

 

閒遊赤柱

好耐冇去釣魚同影相 lu , 因為而家轉左做散工唔係好固定 , 所以有工開就要開 ! 呢個星期六日都唔使開工 , 咁啱大師兄又打黎約去赤柱釣魚 , 於是就一次過做晒兩樣野啦! 早上十點左右出發 , 先要撘一程巴士去到中環 , 再到交易轉 6 號車先去到赤柱懲教博物館 , 每程車都要一粒鐘 , 共用左兩粒幾鐘 , 真係 "甘 "  ! 個館唔係好大 , 但都幾多展品可以影餐飽 , 影完慢慢行返去赤柱大街食飯 , 之後四圍 hea 四圍影 , 又揾到個露天位飲下椰青hea 吓 真舒服!!行到美利樓想起仲有個海事博物館末去喎 , 就入去殺下時間先 , 個館一樣好細 , 又唔係好多野影 , hea左一陣就去超市買D野食然後去碼頭同大師兄會合 ,傑仔都入黎吹一陣水添! 一去到見到好多紅潮 , 唔使釣啦 .......求期落餌餵下魚仔就算 , 我地一路吹水至九點零就走人 lu , 我同老婆去左銅鑼灣食上海野之後返歸 , 今日都算充實啊!

重生的第一天

最艱苦的日子已經在昨日過去了 , 因昨日係我在這間公司的最後一天工作,好了!終於都過去了!!十年的痛苦都過去了!

今日係四月一日,是我重生的第一日,當要好好休息一下 , 準備未來的新工作 , 今早和老婆去左馬灣公園影下相 , 四圍行下 , 但好可惜嗰度冇乜好影 , 只好四處走走 , 去到沙灘見到有一間露天酒吧有咖啡飲 , 我地就坐低休息下飲下野 , 面向住海灘吹住海風 , 真係感到十分平靜舒適 , 今日雖然影相唔多 , 但可以坐低好好享受左一杯香濃咖啡 , 真係非常舒服 !

2011維園花展

今日花展第三日 , 去到天后食完午餐就入去維園睇花 , 今次係我第一次去花展 , 但今日係星期日 , 一入到去就見到有六萬幾人圍住D花係咁影 , 完全忘我地去爭位 , 攝位 , 想揾個位都不知幾難 , 印印有六成 , 老北有三成半 , 香港人得半成都冇.........當我等到個位影時個大陸女人攝左埋去 , 咁我咪行 前小小影 , 佢仲行埋D阻住我 , 咁我咪行到去佢側邊照影囉 ! 佢仲拍我叫我行開比佢影 , 我即時着左咁同佢講 : 你唔理我 , 我做乜要理你 ? 等我影完先慢慢行開 , 激到佢爆 !人太多 , 應該係冇文化冇禮貌嘅人大多 , 都冇晒心機影 , 但一場黎到求其影下算 lu......