新開Mo仔缸

見今日好天决定攪下個魚缸先 ! 我養所謂咸水魚都有五年 lu , 條籃屌而家都有手掌咁大 lu ,  由於早前條 mo仔比佢打傷左 , 好似唔係好掂咁.......佢之前都已經打死左我兩隻醫生蝦 , 又成日打水攪到周圍濕晒 , 所以决定送左比魚街D人 , 等佢揾過個好人家啦!由於已有瀘材,所以淨買左一個細缸及掛瀘就算 , mo仔就買左六條 BB , 返到屋企攪一大倫野終於攪掂晒 ! 但有一條小mo可能體弱適應唔到新水 , 已經先行一步 , 而家仲有五條好似都幾穩定 , 希望佢地可以健康成長啦 !

新缸細左一半有多 .......

個人新記錄

日期：2011年6月15號 ,十四 , 生流  南風4級 , 暴晒 , 淋雨 , 暴晒 , 淋雨 ,......

時間 : 8:15am-2:00pm

釣點：三門仔

人物 : 自已單拖

釣法 : 笩釣

魚獲 :金古 x0 , 蚤目 x1

好耐冇去玩過烏頭喇 , 今日單拖去玩下 , 個天又玩野 , 一時落雨 , 一時晒死人

 , 開始一陣隔離個 C兄先中一條老烏約斤半以上 , 但落撈簊時甩左 , 之後一直冇烏訊

 , 到我支竿有反應時一抽即中金古一條 , 我未釣過金古呀 ,

 正! 點知又係落撈簊時甩左

...........一直等都冇任何反應 , 又係我嘅金句 :

 "  泥鯭唔

見晒 , 一定有古怪!! " 突然竿頭快拉了兩下, 之後竿頭直插入水 ! 即抽 ! 中左!但頂左三次都升唔到上水 , 心諗呢條烏頭起碼 3 斤 !

 但第 4 次頂到上水面 2呎時佢一個返身向下爆 , 我睇到魚影時嚇左一跳 ,

 好大條喎........但唔係烏頭 , 又

唔係黃鱲倉........再頂上水時見到真面目喇! 蚤目魚啊 !

我又係末釣過架!由於太大條 , 撈簊好難抄得入 ,又驚斷喎  , 因為我用 2號絲

......最後抄左幾次先入到 , 上到排時已經甩左鈎 , 真係好彩

 .....冇耐有個 C兄又中一絛 , 之前甩口個C兄都中 , 但又係甩口

 , 我就叫佢就下魚 , 放小小比佢丫麻 , 再咁甩法仲使釣咩

 ! 之後個位真係皇左 , 乜魚都走晒 , 我都劏魚走人 lu

新記錄 60cm

第一次爆晒棚.....

自家製豬仔骨

自家製豬仔骨終於面世喇! 好好味 ! 比得上出面果D !最高尚宮又記一功喇 !

製作中........

今日同最高尚宮去買餸 , 行左去一田 , 突然見到有白沙蜆賣 , $20一盒就買兩盒啦!再行行下又見到有急凍麵包蟹喎

!仲要賣$98 ,想試食好耐喇

 ....好! 即時掃一隻上車先! 晚餐一於黎個滿殼大餐先!

先黎個豉椒炒蜆!

同塲加影 : 尚宮炒烏冬! ( 由於食完海鮮 , 所以隔左2粒鐘先食呢個 )

期待.....

上次同最高尚宮去大埔買左兩條猪仔骨 , 今日終於得行同佢去買齊 D 香料同醃料 , 等明日解凍後再作一次新賞試 !

解凍進行中..........................

自製叉燒

話說早幾日同最高尚宮去大埔買左一舊叫 " 第一刀 " 的豬肉 , 今日佢就决定攪攪新意思 ! 以我所知係用光波爐煮出黎嘅叉燒 , 但用嘅部份同一般叉燒唔同部位架 ! 煮出黎 ,味道 ok 喎 , 感覺好得意 !

獅子會自然教育中心

今日閒日冇咁多人 , 一於出發去想去左好耐嘅獅子會 , 太陽伯伯一路陪住我地 , 大家都變左黑人...........嗰度地方好大 , 但冇乜突別題材好影 , 個所謂蝴蝶谷都冇花 , 又點會有蝴蝶呀 !? 只得小貓兩三隻在高速飛行 , 仲要噴左蚊怕水都一樣做左血包咁比蚊狂針!D所謂展館又得小之又小嘅展品 ( 徐左貝殼館比較多D) , 全程最好就係影荷花!因為真係開得好靚!呢度我以後都唔會再去 lu !  講開又有D痕添 ~ ~ ~ ~ ~ 

悶氣全消的一天

昨日約埋祥仔和最高尚宮去水中天揾D魚玩下 , 因為而家外邊仲係冇乜魚釣 , 所以又去玩下止下手痕 ! 個排而家做埋水上活動 , 外邊D水上電單車飛來飛去 , 所以 fit 唔到魷......咁只好玩番入面啦 !我地三人之中首先中魚係最高尚宮 ! 一輪拉扯之後上水 , 包公一條 ! 冇幾耐又係最高尚宮中 , 今次係絲(魚立)  , 我就中一口包公上水時甩口.....祥仔未有料到 , 之後識左個釣友 , 大家坐埋一齊玩 , 玩一陣我地開爐BBQ , 祥仔由於斷 , 甩各一口之後條氣唔順 , 繼續努力 , 成粒鐘先返黎開餐 , 食完又去玩過 , 開頭冇料到 , 之後比我揾到個竇不停咁起包公 , 新釣友立即加入戰團 , 再 call祥仔過黎一齊起 , 一粒鐘左右我地起左差不多 60條包公!真係止晒痕 !入夜後我將D包公放番佢 , 換個位再玩 , 今次日標魚係絲立同黃蠟(魚倉) , 最高尚宮又中到條斤半嘅黃蠟(魚倉) , 今日佢大發神威啊 !玩到11:15pm都有成20條上水 , 之後買番幾絛食得過嘅魚返歸 , 今日我地玩得勁開心 , 下次再去玩過 !

最高尚宮首先起到兩條!

 條連尖(下) , 同絲立(右)都末食過 , 買左佢試下先!

 呢度有成60條 , 重到差D拎唔起....

 返屋企喇!

灣仔民間生活館

今日去左灣仔民間生活館度影下D懷舊野 , 個館雖然好細好細 , 但D展品真係可以勾起我好多童年回億.......影完之後就四處遊 , 邊行邊影 , 雖然我以往十年都在灣仔返工 , 但不知為什麽完全沒有留意到身邊原來有很多事物是平時看不到的 , 可能呢D就係香港人嘅生活節奏啦!今日可以停一停 , 看清楚四周嘅事物 , 真係可以睇到好多野!大家都不肪試下 ! 之後搭車去左北角碼頭 , 影我最相試嘅日落 , 今次終於影到一些自己認為最滿意嘅作品喇!好開心~~~~影完再去食晚飯 , 之後同祥仔 , 佢姐夫一齊去赤柱釣下魚 , 但得魚毛幾條 , 玩到 2:30am 我同最高尚宮先打道回府 , 唔知佢地最後有冇收獲呢?

呢幾張都好滿意

好似條羽毛......

原來有條樓梯 , 我行過咁多次都冇留意到....