上次淘左2個尾燈 , 見仲有57元尾數 , 於是揾D平野使埋D人仔先 ! 揾揾吓比我見到個單車剎車
膠 , 早前在yahoo拍賣見到賣 $60 一對 , 但淘寶最平嗰間就只售 9.9元人仔 !! 嘩 !! 計吓條數
, 買 4 對加運費都係 $88 , 香港買一對都 $60啦 ! 一於淘左佢 ! 我起初怕會淘到失控 , 但睇落其
實冇乜好買 , 因為單車D野又改好晒 , 加上太煩同運費太貴 , 所以冇乜興趣再淘了 , 個戶口留番
黎日後再淘剎車膠啦 , 哈哈........
妹妹和妹夫兩個從日本回港十日 , 不是放大假而是因為要述職和開會 , 所以只有今日可以抽數
小時同我地一家去姨媽度飲茶 , 今次呀豪的爸爸媽媽都有出席添! 從妹妹口中得知原來日本D輻
射仲低過香港 ! 佢地身體不知幾好呢! 妹妹仲叫我地得行過去玩吓 , 我都好想 , 但搭飛機後要轉
JR , 再轉巴士.....共 11小時先到達啊!! 我地一邊食一邊吹水 , 咁就過左兩粒鐘 , 又要講 bye
bye.........下次佢地又要最小1年後先返黎 lu........
我家買左個焗爐之後 , 皇后先後試過幾道美食 , 但早排勁忙一路未寫Blog , 今日因為落雨所以
有一日假 , 補番先! 第一次試左呢個焗芝士磨菇白汁雞皇意粉 , 味道非常正 , 佢D friend都話好
靚仔! 第二次試左香草焗雞上髀 , 味道好過KXC的狂野香燒雞 , 正 ! 第三次係香草牛油焗龍利柳
, 肉好軟滑 , 外邊好香脆 ! 第四次係香草焗雞翼 , 但只顧住食唔記得影相...........hehe....
話說我地兩部單車都已經踩咗一段時間 , 我見到條鏈同飛輪非常污糟 , 於是上網揾吓用乜清
潔劑 , 有人話用火水 , 白電油 , 藍威寶 , 同一支叫 Chepark888的東西...... 早幾日去單
車舖問D師父有冇 Chepark888 , 佢話 : 邊有呢D野架! 廣告呃你啫 , 一噴就乾淨晒咁正 , 我
都想揾呀! 我話 : 我上網睇過片係有喎......佢又話 : 有都效果冇咁好啦! 硬係用白電油啦! 我諗
諗吓又好似係喎 , 間間都冇得賣 , 一定有古怪啦! 於是去買左支白電油同洗鏈器洗 , 洗完條鏈
效果都幾滿意 , 但飛輪就唔掂 , 仲攪到個膠盤黑晒同 " 痴立立 " .....洗唔番乾淨! 前日去上水
開工經過一間大型單車舖 ,( 後來先知原來係鎮洋) 入去境然見到支Finish Line Speed Clean
! 用途跟 Chepark888 一樣的 , 返正條氣有D唔順咪買番支試下 , 就算比人昆都係110個大洋
啫! 今日諗住用藍威寶洗下個膠盤同洗鏈器 , 洗極都立立地 , 我用支finish line一噴落個膠盤度
, 果個位即刻好係新嘅一樣 ! 嘩 ! 好勁呀 ! 原來唔係昆人 , 係條所謂師父冇料到 , 攪到我洗餐
死又得唔到好效果 , 仲買左個 $90的洗鏈器 ............妖!!!! 淨睇佢嘅去油能力已經唔使質疑效
果啦! 以後洗飛輪就會幸福快樂好多啦!
新年至而家都冇乜機會踩單車 , 唔係落雨就要開工 , 最近又連續十日六夜不停開工 , 今日終於
可以休息喇 , 一於去買返個一直都想買嘅單車咪錶獎勵吓自己先! 呢個錶有得計埋卡路里 , 以
後要抽多啲時間踩吓車減吓肥先得!
今早大師兄突然打電話黎話過我呢邊踩車 , 但皇后昨日同明日都要去幫皇太后執屋 , 已經根(皮
力盡 , 加上又有D相風 , 佢要留在家中休息! 咁我就自己同大師兄去啦 , 原本想在大埔出發入大
美督 , 但太耐冇踩車驚對腳唔夠力 , 所以都係去科學園 hea吓飲吓咖啡算了 , 我覺得奇怪大師
兄自己一個黎 , 平時佢同老婆出相入對架? 原來佢地吵左咀!唔怪得啦 , 希望佢地快D和好啦! 我
地一邊嘆咖啡一邊post D相上facebook , 突然三妹打黎話見到我D相 , 佢而家都係自己一個踩
緊車 , 不過在馬鞍山 , 哈哈....又會咁啱!! 我地嘆完咖啡就分手 , 佢自己再殺入大美督 , 我原本
都想跟佢去架 , 但腳仔軟同要去濱景幫皇后拎返三妹送比我地D火腿 , 唯有等下次啦 , 回程時
開始累了 , 有D捱住踩嘅感覺 , 可能冇踩太耐同放左一個長嘅新年假有關 , 今次真係累得要命
啊~~~~~~
昨日年初六 , 終於冇落雨同出太陽喇 ! 亦係我出動嘅時侯 , 十二點約左大佬同姨媽飲茶同拜年
, 然後同皇后去左香港公園內嘅茶藝博物館 , 之前去過兩次都入唔到去 , 今次較啱時間去影吓
相同學人嘆吓茶先 ! 影完再去灣仔參加團拜 , 今日真係夠晒充實, 哈哈.....
昨日年初六 , 終於冇落雨同出太陽喇 ! 亦係我出動嘅時侯 , 十二點約左大佬同姨媽飲茶同拜年 , 然後同皇后去左香港公園內嘅茶藝博物館 , 之前去過兩次都入唔到去 , 今次較啱時間去影吓相同學人嘆吓茶先 ! 影完再去灣仔參加團拜 , 今日真係夠晒充實, 哈哈.....
話說12月26日我地去左三妹外家食左隻超正火雞之後 , 我地决定買番部焗爐自家制燒雞!(流口
水添) , 我地27號去左凶宅度揾到朋友介紹嗰款 Tefal OF 1802 , 個sales話有貨 , 31號會送貨 ,
ok ! 比錢! 點知過兩日有人打黎話: 唔好意思 , 船期有問題 , 要 20號先有貨送比你 , 咁冇計啦
, 唯有等.....到左19號又有人打黎話 : 唔好意思 , 船期有問題 , 要30號先有貨送比你 ! 妖!!!!! 真
係着晒火!!! 即時狂插佢然後去退錢 ! 最慘周圍都買唔到 , 等到昨日我地去金鐘影完相見到有間
凶宅 , 就入去問吓個sales返左貨未 , 佢 check完話返左! 我都好坦白咁同佢講 : 我之前買咗但
船期問題攪到要退錢 ! 佢仲話check左有貨 , 仲同你 hold左一部 , 比完錢就安排送貨 , 三日就到
! 我覺得 D sales講野真係信唔過 ,係買都去返沙田買 , 費事又要去金鐘退錢 , 今日我地去馬鞍
山間凶宅問又話冇貨......打電話上CS叫佢check , 佢話 : 冇貨返過喎! 我話 : 你地金鐘個同事話
返左貨 , 仲話hold咗一部 3日後可送貨喎 ! 佢話 :我地係訂左貨 , 不過隻船仲末到喎....... 妖 !! 好
彩尋日冇比錢條 PK 啫! 跟住我地去行吓商場 , 見到間茶具店 , 於是入去試吓茶同買返D茶葉
, 再去沙田希爾頓揾迷你茶壺 , 又比我揾到喎! 哈哈.....心情都靚返D ! 再去新城市買肥 mo D冲
凉粉同食糧 , 行到一田時我心血來潮話:不如去電器部睇吓.....點知入到去第一眼又比我見到個
焗爐喎!! 問 sales 姐姐有冇貨 , 佢話有 ! 仲要係現貨可即時自取! Thank"s God ! 終於買到喇 !
正所謂 " 遠在天邊 , 近在眼前 " 唉 ~~ 呢次比人玩到嘔........但好在苦盡甘來 ,之後仲買埋個快速
熱水煲用黎冲茶飲 , 第日可以一邊食燒雞一邊飲靚茶喇 !
搬到我死死吓....
