再戰翡翠小籠包

經過半個月排山倒海嘅工作終於告一段落 , 連工展會都已完成 , 今日由於腳踭痛所以找個籍口

休息番一日 , 黃昏時同皇后去沙田Dr.Kong度買番對鞋墊 , 因為工作時間太長 , 所以攪到左腳腳

踭勁痛 , 希望對鞋墊可以幫到我啦 ! 之後我地四圍行 , 皇后提議去翡翠小籠包食晚飯 , 我地等

咗約20分鐘就有位 , 今次叫咗鹽水鴨 , xx脆鱔 , 小籠包 , 清燉雞湯 , 蘿蔔絲酥餅 , 乾隆xx炒年糕

粒 , 全部都好好味! 食完再去行city super 買咗 200g 澳州360天穀飼鮮安格斯牛柳 , 180g 日本

山形縣頂級鮮黑豚扒 , 及192g 西班牙頂級伊比利半島有骨黑毛豬鞍扒 , 皇后仲話我做野辛苦 ,

買咗兩隻大雞肶燉湯比我飲 , 真係好窩心 !

以後唔怕電話冇電了

由於連續兩日都要跑舖 , 所以個電話真係好重要 ! 因為而家手提電話有左上網功能之後就可以

上網揾地圖同揾車搭 , 但由於電力不足問題 , 所以後備電係不可決小的 ! 可惜近排真係忙到冇

時間去揾 , 好在今日其中一間舖在觀塘廣場 , 果度有好幾間賣這些東西的 , 太好了 ! 即時買番

個先 , 原本有朋友用緊牛魔王 10000 mah , 仲有數字顯示電量 , y拍見到賣四百有找 , 而該舖就

賣 $ 438......唔低買 , 於是條友介紹咗隻  ipolar 8400mah 比我 , 但都要 $398....雖然小咗 

1600mah 但體積亦細咗同輕咗 , 之前上網都有好多人推介呢隻牌子 , 因為係用 SANYO 的電池 

, 質量有保証 ! 因為等住用就即時拍板啦 , 我仲買多咗隻 2A output 嘅三腳火牛 , 要 $38 , 我就

問有冇得平 , 佢話 $28 啦 .....我一口還價 : 廿皮啦 ! 佢諗咗一陣想再還價時我就話 : 最多我介

紹 D fd 黎幫襯你啦 ! 佢即時話 ok!! 哈哈......真係笑死 , Total 418個大洋攪掂晒 , 即插即用又

真係幾正喎 , 長時間上 google map 又不停揾車坐 , 最開心就係一路用 , D 電力又一路升 , 粒

零鐘就由55%叉到100% , 過幾日要做工展會 , 又要做幾日幾夜 , 舊電又大派用場喇 !

皇后的新機

今日同皇后去買新電話 , 佢都同我一樣換咗部白色S3 , 之後去揾野食 , 我地去咗PRO24食咖

喱,我地叫左咖喱牛腩 , 咖喱海鮮 , 重有札肉蒸粉卷同越式豬肉春卷 , 食物味道 ok , 但份量太

小及比較貴 , 下次應該唔會再去 .

11月30日係我同皇后嘅結婚記念日 , 唔經唔覺就到咗第 14年了 ! 昨日我休假一天陪皇后去吃

喝玩樂一番 , 首先我同皇后去咗沙田嘅翡翠小籠包食個午餐 , 皇后推介咗個燉雞湯拉麵比我 ,

超正 , 雞味非常濃 ! 皇后order咗個雞火炒飯 , 蘿蔔絲酥餅同小龍包 , 味道真係唔錯 , 唔怪得無

時無刻都有人等位 , 但可惜我地趕住去買飛睇少年PI的奇幻漂流 , 所以極速咁食完 , 連相都唔

記得影.......唯有下次再有機會補番 , 講番套戲 , 開頭嘅 3D 非常正 ! 但劇情好悶 , 到中間部份

先精彩 , 但尾部又係非常悶......睇完戲五點幾又未肚餓 , 我地去咗老百睇電話 , 因為我部電話

太舊款了 , Ram 唔夠攪到非常慢 , 於事賣咗比老百$930然後補返$4768買咗部SAMSUNG

GALAXY S 3 LTE ( 4G ) , 然後上七樓揾食 , 但因為太多人等位 , 等咗好耐都等唔到 , 於事便

死死地氣走去CITY SUPER 買咗 200g 美國穀飼牛柳同法國的豬扒,重有三文魚剌身及龍島的

粟子蛋糕返屋企食, 只係用咗非常短時間 , 皇后都可以煮出牛柳的鮮嫩 ! 十個讚 !食飽飽後我

當然拎住部新機 setup 一番啦 ! 唔係第日返工冇得用 ..... 總括今日都過得好開心 , 下年第 14

週年喇 , 又要開始諗下年有乜攪作先 ! 因為令老婆開心.....係我嘅職責 !!

14週年結婚記念日

11月30日係我同皇后嘅結婚記念日 , 唔經唔覺就到咗第 14年了 ! 昨日我休假一天陪皇后去吃

喝玩樂一番 , 首先我同皇后去咗沙田嘅翡翠小籠包食個午餐 , 皇后推介咗個燉雞湯拉麵比我 ,

超正 , 雞味非常濃 ! 皇后order咗個雞火炒飯 , 蘿蔔絲酥餅同小龍包 , 味道真係唔錯 , 唔怪得無

時無刻都有人等位 , 但可惜我地趕住去買飛睇少年PI的奇幻漂流 , 所以極速咁食完 , 連相都唔

記得影.......唯有下次再有機會補番 , 講番套戲 , 開頭嘅 3D 非常正 ! 但劇情好悶 , 到中間部份

先精彩 , 但尾部又係非常悶......睇完戲五點幾又未肚餓 , 我地去咗老百睇電話 , 因為我部電話

太舊款了 , Ram 唔夠攪到非常慢 , 於事賣咗比老百$930然後補返$4768買咗部SAMSUNG

GALAXY S 3 LTE ( 4G ) , 然後上七樓揾食 , 但因為太多人等位 , 等咗好耐都等唔到 , 於事便

死死地氣走去CITY SUPER 買咗 200g 美國穀飼牛柳同法國的豬扒,重有三文魚剌身及龍島的

粟子蛋糕返屋企食, 只係用咗非常短時間 , 皇后都可以煮出牛柳的鮮嫩 ! 十個讚 !食飽飽後我

當然拎住部新機 setup 一番啦 ! 唔係第日返工冇得用 ..... 總括今日都過得好開心 , 下年第 14

週年喇 , 又要開始諗下年有乜攪作先 ! 因為令老婆開心.....係我嘅職責 !!

換新機喇 !

由於科技日新月異而家D電話都好快好大容量 ,但我部電話因為款太舊RAM 唔夠所以好慢.....昨

日揾咗結婚14週年做藉口買過部新機啦 ! 我地去咗老百度睇機 , 之後賣咗部舊機$930再補

$4768買咗部 S3 LTE , 部機真係好快 , D 電都去得好快..........影相好靚 , 個mon都好高清 , 真

係冇買錯 ! 遲D買多部比皇后玩先 !

再戰喜筷( 告別宴 )

原本昨晚同皇后再去喜筷試吓其它美食 , 但因為要 OT 所以今晚先去食 , 今次我地試咗羅白牛

坑腩煲 , 脆皮炸子雞 , 椒鹽腰果牛柳粒 , 先講個牛坑腩煲 , 味道鮮味 , 牛坑腩夠嫩 , 湯底都係有

小小胡椒味 , 小小辣好暖胃 , 炸子雞超好味 , 皮脆肉滑 , 仲好入味 ! 牛柳粒就一般 , 味道ok ! 埋

單後諗住拎張卡片 , 但老闆話做埋今晚冇 lu.....吓 ? 你地唔做嗱? 原來業主要收番間舖 , oh ! 我

同皇后都覺得好可惜 , 因為剛揾到一間咁好味又坐得舒服嘅食店 , 食咗2次就冇咗 , 真係執一間

小一間........三妹佢地就無口福啦! 因為約過佢地 2 次都唔得閒 ! 哈哈....之後我地去咗" 五代

同糖 "食咗個 "宇治金時" 非常滿足 !

又揾到好野食2

昨晚食完豬肚雞煲 , 今晚皇后又揾到田心村有間 " 醉月樓 " , 係食川菜嘅 , 我地今次就去試吓

佢地嘅招牌菜 " 麻辣雞煲 "  , 仲點咗個蜜椒爆鱔球 , 呢度真係幾有住家 feel , 點完菜之後就

先送上兩盅老火靚湯 , 等多一陣個雞煲就出場喇 , 由於D雞係末熟 , 所以要再煲多一陣 , 呢個

時候個鱔球就送到黎喇! D鱔肉好嫩滑 , 外表脆脆地 , 仲帶有蜜糖的香甜味 , 正 ! 雞煲我地叫

小辣 , 但都幾辣吓 , 皇后頂唔住 , 我就用D茶幫佢洗吓D辣油 , 之後就食到喇 , 再加埋兩碗白

飯同汽水 , 真係滿足到飛起 , 食完啊姐仲好醒目咁拎筒牙籤比我地 , 最後仲問我地要唔要食紅

豆沙 , 都好 , 食完辣野食番D甜野都好喎 ! 今次唯一美中不足就係冇得座出面露天位 , 下次再

去試埋其他招牌菜先 !

火煱午餐

昨日同皇后去咗將軍澳拜山 , 之後就去在apm揾野食 , 行行吓見到有一間叫" 牛陣 " 嘅食店 , 皇

后話想試吓 , 行埋去睇吓原來係日式火煱店 ,( 除咗去韓國之外 ) 咁大個仔都未試過中午打邊爐

, 一於試吓啦 ! 嗰度係 60 / 90 分鐘任食的 , 但得好小野食 ,只有幾款菜 , 迷你魚旦 , 墨魚丸仲

要一開二 , 小量腸仔一開四........ 食到差不多仲有 20 分鐘時我地每人食咗一D烏冬先夠飽 , 呢

間野唔會再幫襯第二次囉 ! 因為 2 人連加一要 260個大洋 , 又勁小同勁 cheap嘅食物 , 太唔值

了 !

又揾到好野食

昨晚去奥海域開完通頂 , 今早8:00先訓 , 但因為頭痛訓唔到 , 在床上磨到11點幾起身食藥 , 等

到食完午飯再訓過 , 到夜晚我同皇后諗緊去邊度食飯時 , 皇后揾到大圍有間叫 " 喜筷 " 嘅食店 ,

嗰度有個叫 " 豬肚包雞煲 " 好吸引我地 , 即時打電話訂位 ! 原來嗰間舖有好多野食同有露天位 ,

第日可以踩單車去食喇 ! 我地今次叫咗個豬肚包雞煲同蛋白脆鮮魷 , 先講個雞煲 , 豬肚好爽好

入味 , 食落仲有小小胡椒味及帶小小辣 , 非常好味 , 份量都唔小 ! 雞就好有雞味 , ( 而家真係好

小食到D雞係有雞味了...... )皮爽肉滑 , 而且真係有足半隻雞呢 ! 而個蛋白脆鮮魷味道唔錯 , 炸

皮非常薄 , 因為點咗蛋白之後只點上很小的炸粉 , 薄到可以見到魷魚本身的白色 , 外脆內軟 ,

真係好功夫 !我顧住食都唔記得景相.....hehe..... 我地都異口同聲話 : 好耐冇試過食得咁開心

了 , 因為無論食物同環境都非常合我地要求 ! 讚 ! 下次我地可以同朋友踩完單車再去食過 !

終於買咗個 NAS SERVER

記得好耐之前試過壞咗隻 hard disk , 攪到 D 相 , 文件 , mp3 等等乜都冇晒 , 好慘.........!! 之

後就買咗隻燒碟機做 backup , 但都唔係辦法 , 後期就買咗隻外置 hard disk 做 backup , 用咗

一段時間又覺得太煩 , 因為而家有玩攝影 , D 相好大 , 要backup 好耐 , 仲要幫皇后做埋

backup , 真係太累人了 ! 早排聽大佬講好多公司都會用 NAS SERVER 去做 backup , 一式幾

份 , 就算其中一隻 hard disk 壞咗都仲有幾份 backup , 只要換咗壞嗰部 , 就會自勳再 copy 一

份去新嗰部度 , 咦 ! 正喎 ! 啱晒我要求啦 ! 不過都唔平架.......但諗真D可以一勞永逸 , 以後唔

會再失去 D真貴嘅相 , 忍痛都要買啦 ! 於是叫大佬幫手揾吓 , 點知我又揾到一部千零蚊又幾

好用嘅 server , 問吓大佬買唔買得過 , 點知佢答我 : 呢部我用緊啦 ! 哈哈.....咁唔使講咁多 ,

就買呢部啦 ! 大佬話幫我買有八折 , 加埋兩隻 1T hard disk 二千蚊攪掂 ! 太好喇 !! 而家學緊

點攪 , 以後唔使再驚冇晒D相 lu ! 真係太好了 !

今日去咗一間制作公司度開工 , 今次個 job 真係眼都凸埋出黎 , 因為要將 D 瓦碗用磨機切開 ,

再續件貼上個公仔度 , 成件金柳玉衣咁 , 真係做死人 ! 完成後又要諗點攪另一件 OSIM 嘅聖誕

擺設 , 又係超高難度 , 結果又攪到零晨一點先收得工........

潮流興

正所謂科技先進 , 而家已經好小聽到人話電話冇電了 , 因為而家興用一D流動叉電器 , 其實又

真係好方便 , 尤其係我呢D通街走冇固定工作地點嘅人 , 有時仲要通宵不停工作 , 連返屋嘅時

間都冇 , 所以我都買番部先 ! 講起呢舊野真係火都黎 , 唔係件貨有問題 , 而係郵局D 粉腸問題 ,

我上Y 拍 bid 咗貨之後 , 賣家星期二寄貨 , 我就等到第二個星期二下午先收到將卡 , 而且仲要

第二日先可到郵局取件 , 最慘第二日係重陽節 , 要再等多一日先有得拎 , 乜平郵要成個星期咩

? 我以前 bid野都係兩三日就收到 , 而家班廢柴都唔知做乜Q , 平時見佢地都已經好 hea , 而家

仲食蛇食到出晒面 , 最衰呢排忙到嘔 , 唔係我實投訴佢地同揾區議員攪佢地班廢柴 !