9 度 . 火煱

天文台報道話今晚及明旱氣温會降至 10 度 ,今年入冬最凍一日 , 天寒地凍最好就係打邊邊啦 !食完暖笠笠 !

六合彩又唔見我中

早幾日幫森哥買咗個外置叉電 , 見個蘋果綠咁靚自已又買番個 , 點知原來舊電係壞嘅...............

妖 ! 有冇咁好彩呀 ? 唯有再約條色盲粉腸出黎換過隻啦 , 點知佢又話冇綠色 , 咁只好換隻深紫

色啦 , 反正我都鐘意呢隻色 ! 返黎試過都冇問題 , 條色盲粉腸都算有責任心!

串燒晚餐

昨晚因為皇后上網訂咗貨,但由於擺烏龍所以冇送到黎 , 又攪到冇時間買餸煮飯 , 於是我地去咗

附近一間叫 " 串得起 " 嘅餐廳食野 , 呢度我地好耐之前已幫襯過都ok架 ! 今次我地叫咗左鹽燒

牛舌、雞肝x2、牛柳、煙肉蠔卷、燒大腸、燒雞皮、汁煮廣島蠔重有海鮮炒烏冬 , 飲品:青檸金

桔蜜,洛神花檸蜜 真係超好味!! 之後再過去 " 米之堡 "食米線 , 不過我就對佢D餸冇乜興趣 , 所

以只得皇后食 . 

世界未日加冬至 !

世上一直流傳一個預言 , 話瑪雅人計算出2012年12月21日係世界末日 , 不過今日一D事都冇發

生喎 ! 哈哈.....但我今日就真係忙過返工喇 , 事源係森哥見到我用一舊好輕便嘅外置叉電 , 就叫

我幫佢買 , 但因為佢要叉兩部電話所以我提議佢買個大容量D啦 , 而我亦都買多個 , 昨日在Y拍

約咗個賣家今日2:00見面交收 , 點知條粉腸話唔記得咗喎 ! 我妖吖 !! 等我仲專登搭車出去 , 由

於一直想買多一部代步單車 , 所以我又去咗揾陳伯睇吓D代步單車 , 睇完試完之後决定買返部 ,

但因為要裝返個籃 , 要個零鐘先有得拎 , 於是返屋企上網揾過第二個賣家 , 我約咗佢5:30 , 拎

咗部車之後四圍踩四圍 hea.....點知條粉皮又話要 6:00先到......唉~~~~唯有再四圍 hea啦.....等

到6:15條粉皮終於到了 , 但...........條粉皮拎錯咗顏色 !! shit !!! 而家 D 人點做野架 ? 又遲到

又拎錯野 ! 世界末日眞係咁得人驚 ?? 好彩森哥唔介意 , 唔係又揾着我黎攪 ! 攪掂晒踩架車返

到屋企冇耐電話就响起 , 原來之前 bid咗幾條百變頭巾 , 個女人話今晚會去我住嗰度附近 , 順

便送埋貨比我 , 點知佢又話原來唔係我嗰度 , 係火車站附近.......妖 !又要飛單車去拎 , 今日真

係累到世界末日啊 !!



我終於有部代步車喇!

人家要紅色 , 粉皮拎咗桃紅色.....條粉皮色盲架 ?!

我要蘋果綠

容量多一倍 , 體積都多一倍

係時候補番吓

昨日買咗D扒已經被我地放晒落肚喇 ! 今日再加埋皇后由昨晚已開始燉的 " 杞子燉雞湯 " , 真係

由內暖到外 , 講番D牛柳 , 煎到 7 成熟 , 肉質非常嫩滑 , 加埋芥辣食真係正到冇朋友 , 西班牙有

骨黑毛豬鞍扒就肉質札實 , 肉味香濃 , 日本山形縣頂級鮮黑豚扒就肉質較淋 , 食落仲好juice ,

至於個燉湯因為用咗兩隻大雞肶燉 , 所以就非常濃味 , 飲完暖笠笠 , 正!!

再戰翡翠小籠包

經過半個月排山倒海嘅工作終於告一段落 , 連工展會都已完成 , 今日由於腳踭痛所以找個籍口

休息番一日 , 黃昏時同皇后去沙田Dr.Kong度買番對鞋墊 , 因為工作時間太長 , 所以攪到左腳腳

踭勁痛 , 希望對鞋墊可以幫到我啦 ! 之後我地四圍行 , 皇后提議去翡翠小籠包食晚飯 , 我地等

咗約20分鐘就有位 , 今次叫咗鹽水鴨 , xx脆鱔 , 小籠包 , 清燉雞湯 , 蘿蔔絲酥餅 , 乾隆xx炒年糕

粒 , 全部都好好味! 食完再去行city super 買咗 200g 澳州360天穀飼鮮安格斯牛柳 , 180g 日本

山形縣頂級鮮黑豚扒 , 及192g 西班牙頂級伊比利半島有骨黑毛豬鞍扒 , 皇后仲話我做野辛苦 ,

買咗兩隻大雞肶燉湯比我飲 , 真係好窩心 !

以後唔怕電話冇電了

由於連續兩日都要跑舖 , 所以個電話真係好重要 ! 因為而家手提電話有左上網功能之後就可以

上網揾地圖同揾車搭 , 但由於電力不足問題 , 所以後備電係不可決小的 ! 可惜近排真係忙到冇

時間去揾 , 好在今日其中一間舖在觀塘廣場 , 果度有好幾間賣這些東西的 , 太好了 ! 即時買番

個先 , 原本有朋友用緊牛魔王 10000 mah , 仲有數字顯示電量 , y拍見到賣四百有找 , 而該舖就

賣 $ 438......唔低買 , 於是條友介紹咗隻  ipolar 8400mah 比我 , 但都要 $398....雖然小咗 

1600mah 但體積亦細咗同輕咗 , 之前上網都有好多人推介呢隻牌子 , 因為係用 SANYO 的電池 

, 質量有保証 ! 因為等住用就即時拍板啦 , 我仲買多咗隻 2A output 嘅三腳火牛 , 要 $38 , 我就

問有冇得平 , 佢話 $28 啦 .....我一口還價 : 廿皮啦 ! 佢諗咗一陣想再還價時我就話 : 最多我介

紹 D fd 黎幫襯你啦 ! 佢即時話 ok!! 哈哈......真係笑死 , Total 418個大洋攪掂晒 , 即插即用又

真係幾正喎 , 長時間上 google map 又不停揾車坐 , 最開心就係一路用 , D 電力又一路升 , 粒

零鐘就由55%叉到100% , 過幾日要做工展會 , 又要做幾日幾夜 , 舊電又大派用場喇 !

皇后的新機

今日同皇后去買新電話 , 佢都同我一樣換咗部白色S3 , 之後去揾野食 , 我地去咗PRO24食咖

喱,我地叫左咖喱牛腩 , 咖喱海鮮 , 重有札肉蒸粉卷同越式豬肉春卷 , 食物味道 ok , 但份量太

小及比較貴 , 下次應該唔會再去 .

11月30日係我同皇后嘅結婚記念日 , 唔經唔覺就到咗第 14年了 ! 昨日我休假一天陪皇后去吃

喝玩樂一番 , 首先我同皇后去咗沙田嘅翡翠小籠包食個午餐 , 皇后推介咗個燉雞湯拉麵比我 ,

超正 , 雞味非常濃 ! 皇后order咗個雞火炒飯 , 蘿蔔絲酥餅同小龍包 , 味道真係唔錯 , 唔怪得無

時無刻都有人等位 , 但可惜我地趕住去買飛睇少年PI的奇幻漂流 , 所以極速咁食完 , 連相都唔

記得影.......唯有下次再有機會補番 , 講番套戲 , 開頭嘅 3D 非常正 ! 但劇情好悶 , 到中間部份

先精彩 , 但尾部又係非常悶......睇完戲五點幾又未肚餓 , 我地去咗老百睇電話 , 因為我部電話

太舊款了 , Ram 唔夠攪到非常慢 , 於事賣咗比老百$930然後補返$4768買咗部SAMSUNG

GALAXY S 3 LTE ( 4G ) , 然後上七樓揾食 , 但因為太多人等位 , 等咗好耐都等唔到 , 於事便

死死地氣走去CITY SUPER 買咗 200g 美國穀飼牛柳同法國的豬扒,重有三文魚剌身及龍島的

粟子蛋糕返屋企食, 只係用咗非常短時間 , 皇后都可以煮出牛柳的鮮嫩 ! 十個讚 !食飽飽後我

當然拎住部新機 setup 一番啦 ! 唔係第日返工冇得用 ..... 總括今日都過得好開心 , 下年第 14

週年喇 , 又要開始諗下年有乜攪作先 ! 因為令老婆開心.....係我嘅職責 !!

14週年結婚記念日

11月30日係我同皇后嘅結婚記念日 , 唔經唔覺就到咗第 14年了 ! 昨日我休假一天陪皇后去吃

喝玩樂一番 , 首先我同皇后去咗沙田嘅翡翠小籠包食個午餐 , 皇后推介咗個燉雞湯拉麵比我 ,

超正 , 雞味非常濃 ! 皇后order咗個雞火炒飯 , 蘿蔔絲酥餅同小龍包 , 味道真係唔錯 , 唔怪得無

時無刻都有人等位 , 但可惜我地趕住去買飛睇少年PI的奇幻漂流 , 所以極速咁食完 , 連相都唔

記得影.......唯有下次再有機會補番 , 講番套戲 , 開頭嘅 3D 非常正 ! 但劇情好悶 , 到中間部份

先精彩 , 但尾部又係非常悶......睇完戲五點幾又未肚餓 , 我地去咗老百睇電話 , 因為我部電話

太舊款了 , Ram 唔夠攪到非常慢 , 於事賣咗比老百$930然後補返$4768買咗部SAMSUNG

GALAXY S 3 LTE ( 4G ) , 然後上七樓揾食 , 但因為太多人等位 , 等咗好耐都等唔到 , 於事便

死死地氣走去CITY SUPER 買咗 200g 美國穀飼牛柳同法國的豬扒,重有三文魚剌身及龍島的

粟子蛋糕返屋企食, 只係用咗非常短時間 , 皇后都可以煮出牛柳的鮮嫩 ! 十個讚 !食飽飽後我

當然拎住部新機 setup 一番啦 ! 唔係第日返工冇得用 ..... 總括今日都過得好開心 , 下年第 14

週年喇 , 又要開始諗下年有乜攪作先 ! 因為令老婆開心.....係我嘅職責 !!