一把好刀

買咗部麵包機返黎之後 , 當然要試吓點整個好嘅麵包啦 ! 但到我見到一個又香又靚嘅麵包放在

我面前時 , 突然發覺........我地冇麵包刀喎.........! 心諗 : 唔使咁跨張啦 , 又唔係開餐廳 ! 於事就

用生果刀開始切 , 點知........唉 !! 之後上網睇吓有乜平 ~ 靚 ~ 正 嘅麵包刀先 , 睇完都有好幾把

係值得買的 , 但我决定咗買當中最貴的一把 ! 唔係因為我豪呀 , 而係因為我以前都做過水吧 , 

成日都要用把麵包刀切包  , 檸檬 , 午餐內等等 , 當時我唔識嗰把刀係乜牌子 , 只記得切野時感

覺非常正 ! 麵包飛邊更加係要用個" 爽 " 字黎形容 , 所以今次選左陳枝記把麵包刀 , 好多網友都

讚不絕口 , 今日收工就走去睇吓把刀 , 見佢造功幾好 , 鋼水都唔差架 ,刀身好薄 , 最厲害係咁薄

都可以張每個 " 牙 "   都磨出一個特定嘅角度 , 令到刀鋒非常鋒利 ! 售價都只不過 108個大洋 !

真係物超所值 , 由於皇后氣管發炎 , 所以呢排要好好休息 , 等好番先再整個靚包出黎試刀喇 ! 

自家製麵包成功出爐

昨晚經皇后的好友教路後 , 皇后馬上走入厨房開工 , 量好晒所有材料後一一放入麵包機內 , 再

按下預約功能 , 等到今日起來時已聞到好香麵包味 , 由於皇后末起床 , 我就唯有使出我嘅 " 雞

手鴨腳 " 神功將麵包取出來 ! 今次個包好靚仔 , 外邊脆 , 裹面仲勁軟綿綿 , 但我又唔知要等個

包凍咗先可以切.............於是我再發功 !! 雞手鴨腳神功再加上凌厲嘅刀功 , 終於切開咗包包喇

! 流汗.......不過又真係幾方便同好食喎 ! 昨晚我又發現咗一樣野 , 就係個電子磅唔係好準 , 磅重

野 ok , 但到磅酵母 , 鹽 , 糖 ,呢D咁輕嘅野就冇反應 , 所以决定再揾過小形電子磅先得 !

又入貨喇!

D咖啡差唔多飲晒 , 今日又再入貨 , 記低佢睇吓飲幾耐先 !

皇后的新玩具 --- 麵包機

經過昨日做蛋糕事件 , 又再激發起皇后嘅美食細胞 , 很早前已經想買嘅麵包機 , 今日終於買咗

返黎喇 ! 第一件事當然係試機啦 , 皇后對住本食譜左磅右磅 , 再加小小甩漏 , 終於完成咗第一

個作品 , 但因第一次做麵包 , 所以唔係好靚 , 之後有一位高手指點 , 而家再做多次 , 睇吓明日

個作品又點先 !

菠蘿蛋糕

今日皇后約咗好友Carol過黎教佢整蛋糕 , 難得 Carol仲拎埋D架生過黎 , 真係辛苦晒 ! 個蛋糕

好香好好味  ! 同場加映 : 咖哩魚烤餅 ! 因為呢排在佐敦開工 , 午餐時同事帶我去佐敦咖哩度食

, 味道幾好 , 我知皇后都好like食咖哩 , 但唔食得辣 , 所以叫咗小辣試吓啱唔啱皇后食 , 因為小辣等於唔辣 , 所以收工就買左個咖哩魚烤餅比皇

后慢慢食 !

 


 

巧遇象鼻蟲

記得有一次我地專登去到獅子會自然教育中心度揾一隻叫 " 象鼻蟲 " 嘅昆蟲 , 因為在網上見到

好靚 , 但揾咗成日都唔見.........今日在元朗白沙倉開工 , 行行吓突然出現在我眼前 ! 佢真身真係

好靚 , 可惜冇相機在手 , 只好用電話影啦 ! 都係嗰句 : 而家D科技真係先進 ! 哈哈哈...........

又中計之 ~~又要換手機 !

早前因為部手機太舊太慢 , 所以換咗部 galaxy s3 lte , 但用咗幾個月之後發覺部S3 lte 真係完

全唔掂 ! 用 4G 待機 1 小時都可以用咗 10 % 電量 !! 真係超大食 , 於事上網揾解决方法 , 揾咗

一大輪終於揾到辦法 , 但要鎖死用 3G + 省電超人 + ES 任務管理器先可以省到電 , 唉......一部 

4G 機冇得用 4G 要用 3G , 仲要每15分鐘先上一次網收 whatapp , E mail 等.......對工作上真係

好唔方便 , 把心一橫換Q 咗佢 ! 今日同皇后去完醫院後 , 晚上出去沙田百記睇吓要補幾錢換部 

Galaxy Note 2 lte , 一問之下.........Shit !!! 部 S3 lte 只收$2400 !!! Note 2 lte 賣 $5598 , 要補 $ 

3198 !!! 嘩 ! 唔見咗一半有多...........原本諗住唔換 , 但皇后講得啱 , 部機用黎揾食 , 咁唔方便

點得架 ! 於事忍痛拎咗個銀包出黎..........嗚嗚........今次朋友話可用 $250 買多一舊原裝士啤

電連叉座 , 咁唔爭在割多刀啦 ! Total: 唔見咗$3448 , 痛..........今日開始試部 Note 2 用 4G 長

開 , 睇吓 D friend 有冇介紹錯先 ! 

越南來的手信

今日收到朋友從越南帶回來的手信 , 就係越南咖啡粉同滴滴壺 , 等我遲D試吓 D 咖啡有幾正

先 ! 

中國情人節

由於今年 2月14號係農曆年初五 , 但當晚我又要開夜工 , 所以冇同皇后慶祝 , 今日係中國情人

節 , 一於買番個蛋糕慶祝吓先 !

新春 BBQ @ 大尾督

昨日約咗大師兄同三妹夫婦去踩單車加 bbq , 但由於我地有大半年冇踩過單車 , 怕唔夠體力支

持一來一回 , 所以都係搭車去好了 ..........但最後先知大師兄原來自己一個人來 , 佢老婆冇同佢

一齊踩 , 唉......早知我同佢踩啦 , 等佢自己一條友來回好似好慘咁 , 但佢又話好enjoy 喎 ! 哈哈

哈......有時間唔中自己一個靜靜地又真係幾好架 ! 我地燒到 8:00pm 時突然聽到打鼓聲 , 之後

見到有一隻獅子舞咗入場响老闆拜年 , 然後就在場內四圍响客人拜年 , 大師兄仲比封利是佢 , 

等隻獅子向自己拜吓年 , 真係幾熱鬧架 ! 我地個位最正 , 因為隻獅子就在我地面前表演 , 另有

一個小插曲 , 話說去摸吓隻獅子尾會帶來好運 , 原本我都想去摸吓架 , 但突然見到獅尾嗰個原

來係女仔黎架 !!! 嘩 !! 好彩無摸到 , 唔係實變豬頭 ! 哈哈哈.............燒燒吓突然落雨 , 拿拿聲

轉位 , 到 10:30三妹佢走話走先 , 我地同大師只玩到11:00都走人 , 佢仲送我地搭車然後自己

踩返屋企 , 但中途會送兩條多春魚去比D 貓貓食 , 因為有次大師兄去釣魚 , 有隻貓成日跟住

佢 , 就算走到成絛街咁遠 , 轉頭又見到佢坐咗响隔離 , 哈哈.....我叫大師兄下次帶埋我去探吓

D貓貓 , 等我踩開車都可以探吓佢地 ! 

情人節禮物

今年年初五 , 亦係2月14 情人節 , 但好可惜今晚要開工 , 記得上年都係要開工加 OT........所以

今次都係一早送咗份禮物比皇后先 , 由於我早前買咗部 Nexus 7 , 皇后見我玩得咁開心 , 佢又

拎黎玩吓 , 越玩越開心 , 由其而家全城都興玩一隻叫 Candy crush saga ! 見佢咁 like 部機就一

於買部比佢玩啦 , 除咗玩 Game 仲可以上網 , 等佢天寒地凍唔使坐在廳上網咁慘啦! 哈哈.....




開工利是 , 多謝發哥先!!

蒜茸燒雞鎚

今日皇后用焗爐焗咗個 " 蒜茸燒雞鎚 "  , 皮香肉滑 , 唔會焗到乾晒 , 仲好juice!! 好味啊! 同場加

映 椰汁年糕 , 好香椰汁味 , 煎出黎唔會熔晒 , 但..........真係甜到嘔 , 唯有將餘下的半底掉咗佢

啦 .........下次都係唔好買喇 !!

新玩具之-Google Nexus 7

早年曾經買咗部 7 吋 Tap , 但真係越用越火滾 ! 剷晒D Apps 都仲係超慢 , 成日話冇回應要關閉

, 今日一於要佢永遠關閉啦 ! 上網睇咗好耐揾到幾部大陸 Tap , 原本諗住平平地買部雙核用黎睇

片過日神 , 但最後睇到D人又話買咗好後悔 , 部機完全唔得 , 好慢又多問題 , 於是决心買部

Nexus 7 啦 , 因為有兩個FD 都買咗仲讚不絕口 ! 到我買咗之後真係冇後悔 , 部機好快好順好清

!! 二千零蚊有咁嘅質數真係超值 , 以後淡季唔使悶到嘔啦 !

力撑 40 小時

好耐冇試過連續開工 , 通頂 , 再開工........因為就黎過年 , 所以好多新年裝飾都在趕工 , 經

過咗 40小時嘅我 , 早已累到像行屍一樣 , 返到屋企皇后已為我預備咗 " 笎荽皮蛋滾魚湯 "

 , 下火一流 ! 食飽休息吓就馬上跳上床 , 一覺訓到明早再繼續殺過 ! 多謝皇后 ! 活着有你多

好 !

有口福

今日去左鴨巴甸街 , 九如方一號開工 , 到左中午 , 老闆過黎問我地食唔食野呀 ? 吓.........? 無

聽錯喎 , 原來佢地內部已準備好晒 , 要試Run吓 , 咁我地就幫吓佢地啦 ! 哈哈哈.........老闆話

佢地最出名係法包 , 咁我就試吓啦 , 仲要多個薯絛同奶茶 , 先講個奶茶 , 味道非常香濃 , 入口

好滑 , 法包外脆內軟 , 牛柳非常嫩 , 又好香牛肉味 , 加埋D用糖醋醃過嘅甘筍同火雞肉 ,感覺

好清新 , 一D都唔會溜 , 薯條真係要讚 ! 因為唔係周圍都有得食 , 最近在迪士尼內的火箭餐廳

食過 , 非常美味 , 但呢度D薯條就比火箭的更有薯味及咸味 , 因為佢地加咗小小胡椒粉 ( 當然

唔係我地街市買嗰D啦 ) , 所以令薯仔味更突出 ! 意粉係同事叫 , 所以唔知乜味 , 但佢都話好

好味 , 意粉軟硬啇中 ! 今日開工真係好有口福啊 ! 




裱得靚唔靚先?

西芹炒帶子蝦球

早幾日皇后去左大埔街市買咗蝦 , 蜆同帶子及蝦仁 , 前兩樣食咗 , 今日食西芹炒帶子蝦球 , 帶子啱啱熟 , 非常爽口 , 蝦仁亦係爽口彈牙 , 加埋西芹真係超完美啊 !

皇后美食之- 香辣磨菇飯

今日皇后自家製咗個 " 香辣磨菇飯 " 味道同 KFC 一樣 , 原來秘决就係個火雞汁 ! 同場加映灼蝦

同炒蜆 , 又有口福喇 !!