中秋節2013

今年中秋節剛好呀欣同呀豪從日本回來 , 原本約埋姨媽去大佬屋企食飯 , 但賢仔發燒所以取消

咗.......之後呀欣打黎話上我屋企食飯 , 但我屋企實左太細 , 所以去咗金曼谷食 , 其間突然姨媽

打來話拎咗盒月餅黎 , 吓 ? 唯有放住管理處度 , 我地食完飯先拎啦 ! 今次佢地10月28號先飛返

日本 , 所以遲 D 再約姨媽同大佬食飯啦 !

今晚個月亮好光好圓 , 但手機影得超差 , 好過冇啦 ! 哈哈......

集運到貨了

上次第一次用的企鵝集運遺失咗我個電子磅 , 今次我再比多次機會佢 , 今次冇失拖喇 ! 速度一樣很快 , 老闆仲冇收我手續費添 ! 讚 !

皇后的生日(下)

今日係皇后生日正日 , 原本在旺角燒肉孫三郎訂咗枱 , 但今日好大雨同皇后有D唔舒服所以冇

去 , 我地改咗去沙田翡翠食午餐 , 之後再去買部迷你攪拌機 , 可惜四圍都冇貨 , 唯有遲D先買

啦 , 睇完再去city super 買咗幾件豬扒做晚餐 , 但叫埋元氣外賣 , 就太多 , 所以留返D扒遲D先食

!

皇后的生日

今日係皇后舊曆生日 , 明天是正日 , 所以今日買咗個小蛋糕同佢慶祝吓 !

首次左郵輪碼頭做野

今日開始一連兩日都在郵輪碼頭做野 , 今次係 Audi 車展 , 真係打响頭炮 ! 之後可能仲有好多機

會去做野 , 但希望遲D果度D配套做好D啦 , 因為而家連入去嘅公共交通工具都冇 (的士除外) ,

便利店冇 , 餐廳冇................

淘宝 @ 新集運公司

今日收到集運公司送來的貨物 , 由於我要開工 , 由皇后在家接收 , 但拆開後發覺小咗一個電子

磅 , 於是我便同負責人了解 , 經過一大輪whatsapp , 佢話會幫我查一下........但講真 , 邊度有得查

吖 ! 又唔係佢負責包装同運送 , 都係凶多吉少 ! 過咗幾日佢又冇覆我 , 於是我便主動問佢 , 佢

都話揾唔返 ........冇計啦 , 唯有叫佢幫我再充值 , 然後再買過啦 ! 但今次佢冇收我手續費 , 都算

係小小心意啦 , 咁我就比多次機會佢啦 ! 其實呢間集運公司都唔錯架 , 又可以電話過數比佢幫

我充值 , 運費又唔貴 , 速度仲好快添 !



好大包呀 !

 折開得 7 件.......

 出面寫8件 !

皇后美食之白製吞拿魚包 , 奶皇包

今次皇后做咗兩款手作包 , 吞拿魚包及奶皇包 , 味道好好 , 仲送咗幾個比好鄰居Carol , 佢地都

讚不絕口 , 話D吞拿魚勁多 ! 於是過咗 2 日皇后再做多一次吞拿魚包 , 又有口福喇 !



Part 1

Part 2

食過返尋味

好耐好耐冇食過强記D燒乳鴿 , 鼓油皇炒麵 同炸大腸 , 今同皇后去大圍烘焙店買完野就去買外

賣返屋企食 , 真係回味無窮 !

再戰淘宝+集運(終)

今日1:15pm收到Dimbuy嘅客務來電 , 回應返我之前E-Mail問佢地嘅問題 , 我話唔使喇 , 我

已經攪掂晒 ! 到4:02pm , 終於收到 Dimbuy 嘅 SMS , 話D貨已運到 7 仔 , ! 等咗咁多曰 , 我

當然馬上起行搭車去取貨 , 返黎拆開睇吓D貨o 唔 ok 先 ! 睇完全部都好好 , 係有一件貨係

隻錶 , 我買之前已問清楚錶上係唔係印住 " sport watch " 佢話係 ! 點知我收到貨之後係印

住 " S-SHOCK "...........妖 !! 我即時問條大陸佬點解 , 佢就話會 check清楚先 , 叫我唔使急

! 到而家佢都未覆我 , 可能用 " 拖 "字决 , 因為拖到夠期 , 個 OS 就會自動付款同給他好評 !

呢D人為咗做成單生意真係乜都講得出 ! 等陣一於迫多佢一次 , 再冇回應就比個劣評同寫衰

佢 , 等其它人有所警覺 ! 同時我又試緊第二間集運 , 希望今次順順利利啦 !

再戰淘宝+集運(下)

早幾日完成咗淘宝同集運 , 正在等D貨到香港的同時 , 我亦有上網繼續爬文 , 比我發現咗好

幾間集運公司 , 於是來個大比併先! 最後我决定轉用一間叫企鵝集運 , 因為我之前用嗰間叫

Dimbuy 嘅集運公司 , 佢要我地去7仔買張叫支付宝購物卡的東西 , 但又不可為支付宝充值

, 又不可用作付到港運費 , 又不可轉賬到其它戶口 , 只可用作購物 , 匯率仲要1.3 ! 要付到港

連費就要再去ok買點多拿 ! 真係幾好揾 , 最慘係佢首重收24蚊 ,續重收8蚊......貴又貴過人 ,

D附運速度呢........我到今日都仲末收到貨 !!!!!有冇攪錯 !? 15號10點話附運中 , 到而家呢一

刻都仲係寫住附運中 ! 妖 ! 佢地係由東莞運落黎 , 點解仲末到 ? 個司機迷咗路?我知佢地星

期日係休息,但15號早上出車 , 16號晚都末到? 算了 ! 我决定轉過第二間 , 人地可幫我直接

充值支付宝 , 只收 1.277(500元以下) , 用電話過數即時幫我充值 , 唔使5分鐘我已經在淘宝

幫皇后買緊野 lu !! 而家等賣家寄貨再試下呢間D集運點先 !

皇后美食---精華版

呢排非常忙碌 , 日以繼夜咁開工 , 所以好耐冇寫Blog , 今日八號風球所以有得放假喇 ! 馬上補

返之前 D 皇后美食先 , 但因為懶所以一次過寫個精華版算喇 ! hehe........


13-7-2013 自制叉燒 , 正!!

15-7-2013  壽喜燒 , 非常好味 !

20-7-2013 茜芹炒帶子 , 睇見都流口水.......

24-7-2013 梳乎厘 , 好成功 , 升得好高啊 ! 

滷水鴨舌 , 好好食 ! 但功夫亦非常多......

皇后的第一個手功包

昨日入場做美食博覽 , 但由於有個強台風黎緊 , 所以要做好晒D野先可以收工 ! 而皇后在家

正努力咁做緊佢的第一個手功包 " 餐肉包 " ! 由於制作需時 , 所以我放工後就買咗一盒煎

釀三寶返去幫皇后打打氣 ! 食完後我入厨房睇住個焗爐內D包包慢慢升起 , 好得意.....出爐

時好香 , 食落好鬆軟 , 出街買果D真係冇得比 , 因為皇后用日本麵粉 , 日本蛋加何X意餐肉

做的 , 如果用埋 3.6 牛奶...........可以賣30個大洋一個 ! 哈哈哈............


升起咗小小喇!

包面開始有D啡色喇 !

完成品!!

有多的麵團可做多一個條包呢 長!

再戰淘宝+集運

早前同朋友傾開淘宝 , 還記得好耐之前我都試過玩 , 結果攪到一頭煙先攪得掂.........仲要

只係淘一樣野直接寄到香港7-11收件 , 但我又想試吓集運 , 皇后又想買個袋用吓 , 於事又

上網爬文同問人 , 集齊資料後就試一試啦 ! 由於而家冇咗淘點呢樣野 , 所以冇充值好耐 lu

, 而家又出另一樣叫支付宝卡的東西 , 可以用黎充值 ! 一於去7仔買返400人仔玩吓啦 ! 買

完返到屋企上網先發覺充唔到值.....吓 !.....点解 ? 打電話問人又冇人知.....死喇 ! 又中計?

不停上網爬文先知呢個支付宝卡原來在7月30日又改咗名叫支付宝購物卡 ! 妖 !!又點

呀!!??之前爬D文完全冇用 ,又要再揾料.....最後先揾到要在網頁內揾一個叫支付宝購物卡

的東西,再入內充值 , 但充值完發覺支付宝內並冇充值啊!! 死喇 ......結果攪咗好耐先揾到

一個好細嘅字寫住支付宝購物卡,內有400人仔 , 唉~~~都冇咁驚 , 然後再去拍下之前收藏

咗果D野 , 再叫佢地寄去轉運站 ,而家仲有兩樣未到齊 , 等齊貨再玩集運到香港先 ! 其實

試完之後又發覺唔係咁難攪啫 !



買幾樣野玩吓集運先! hehe...

鄉下仔玩新科技之 ~ NFC Tag

而家D 智能手機真係好方便 , 但偏偏就缺小咗以前D電話一項好重要嘅功能 ! 就係一個叫 " 操

作模式 " !! 以前出街可揀戶外模式 , 鈴聲 , 通知音都會最大 , 室內模式就會關閉鈴聲開震機等

等........而家D手機就冇晒呢個功能 !! 好在上網時無意中見到一樣叫 " NFC Tag " 嘅東西 ,佢可

以用部手機預設咗你想用的設定 , 然後寫入一個標籤度 , 以後只要一 " 嘟 " 即可改變你自定的

setting ! 真係超方便啊 ! 我就買咗2個標籤 , set咗室外同室內 , 以後唔使按九十幾個制先可set

完 D 網絡呀 ! 鈴聲呀 ! 通知音呀 ! 乜乜物物呀............! 真係太好了 !



暫時呢個 size 最細最平 , 可惜只有小熊圖案........不

夜宵磨之 ~ DIY 梳乎厘

由於食完曲奇 , 所以晚飯冇食 , 八點幾煮個麵食算了 , 到十一點幾 , 皇后突然問我食唔食梳乎

厘架 ? 我話 : 食架 ! 於是佢便衝咗入厨房開工 ! 吓 ?而家整 ? 佢話 : 係呀 ! 好快之麻 ! 哦 ! 咁事

但啦 ! 反正都係過口癮 ........我又八掛走入厨房幫手 , 就係咁 , 我哋兩個雞手鴨腳 , 亂打亂撞咁

做好晒D  step , 原本都諗住失敗 , 點知又 ok 喎 ! 真係好彩 ! 第一次整都幾似樣 , 味道都 ok 架

!! 不過都要學廣告咁話 : 我要踏車 , 我要消脂 !! hahahaha.............

自家製曲奇

經過呢兩日四出買架生後 , 今日皇后可以正式開始整其它美食喇 ! 首先登場係曲奇餅 , 睇佢攪

到滿頭大汗 , 但又好滿足咁 , 我就唯有做攝影師啦 ! 結果今次非常成功 ! D 曲奇勁香 , 又唔會

好甜 , 啱晒我口味 ! 正 !! 由於第一輪未掌握到火路及時間 , 第二輪的更加靚仔 ! 於是將第二

輪的奇曲請咗比好友 Carol 一家食 , 今日皇后都玩得好開心 , 我地又食得好開心 ! 哈哈哈 

......

等......................

開始漲喇 !!

 出爐 !!

好香 , 好好味 !

第二輪D顏色靚D !