生炒糯米飯 @ 自家製

我家皇后真係好有煮食嘅天份 , 真係不得不讚 !! 今次佢又攪攪

新意思 , 來個生炒糯米飯 , 做出來嘅效果仲好食過街買果 D ! 

自家製D料都多D ! 好食 !


預備好D料先 ! 

開始成形喇 !

加埋D料...

攪掂 !!

艱苦嘅日子終於過去!

連續十二日出賣咗我嘅靈魂同埋肉體 , 終於到咗收成嘅時候喇 

! 但隻左腳踭真係痛到呀媽都唔認得 , 唔知係筋膜炎定生骨

刺.......明日要去睇醫生同照 X光 , 要快D好番再揾錢啊!!



有收成喇! D尾數冇影......但唔知醫生要咗幾多呢? 嗚~~~~

連續十二日 , 做到眼凸凸 !!

又到咗10月呢個展覽旺季 , 今次連續 12 日又要入倉加入機場 , 

真係做到無日無天........入倉最開心硬係可以見到古仔一家啦 ! 

今次大細 B 的兩個細佬都已經大個咗 , 因為上一次入倉做野已

經係半年前 , 佢兩個仲係剛出世 , 今次只見到一隻 , 叫 " 豬豬 " 

 , 另一隻比人拎走左 lu.......但又另外多咗一隻雪橇女 , 8 個月

大 , 但身形就非常大 ! 佢好乖好鐘意同人玩 , 下次入去要買多D

小食先得喇 ! 哈哈.........之前做開野個倉冇租 , 所以今次要去另

一個倉做野 , 真係人生路不熟 , 加上夜晚出面真係伸手不見五

指 , 要去厠所都有D驚 ! 好在古仔同大B一路陪住我 , 仲在廁所

出面等我 , 然後再陪我行返倉 , 真係好有性 ! 所以話狗係人類

最好嘅朋友 , 一 D都冇錯 !!


C9 應該又有咗 BB

晨早就黎探我地班(其實係收陀地)

 開飯 

左右護法在此

呢兩晚個月亮係橙色 , 可惜手機影得超差

老朋友 . 聚一聚

今日約咗皇后個好友 Joann聚一聚舊 , 我同皇后一早起身 , 等皇后做好家務就坐車去第一城譽

居食雲吞麵同腸粉做早餐 , 然後坐巴士去中環碼頭上船入坪洲 , 去到joann屋企就同佢個女玩咗

一陣 , 佢個女好得意 , 得 9 個月大 , 但都冇乜喊同扭計 , 好好玩 ! 之後開始 BBQ , 一B就B咗成 4

粒鐘 , 只有一個鐘左右比我月皇后四圍行吓.......Joann個媽仲比咗四隻藍花蟹我地 , 超好肉 ! 真

係非常多謝佢地嘅招待 , 又食又拎 ! 哈哈哈..........

中秋節2013

今年中秋節剛好呀欣同呀豪從日本回來 , 原本約埋姨媽去大佬屋企食飯 , 但賢仔發燒所以取消

咗.......之後呀欣打黎話上我屋企食飯 , 但我屋企實左太細 , 所以去咗金曼谷食 , 其間突然姨媽

打來話拎咗盒月餅黎 , 吓 ? 唯有放住管理處度 , 我地食完飯先拎啦 ! 今次佢地10月28號先飛返

日本 , 所以遲 D 再約姨媽同大佬食飯啦 !

今晚個月亮好光好圓 , 但手機影得超差 , 好過冇啦 ! 哈哈......

集運到貨了

上次第一次用的企鵝集運遺失咗我個電子磅 , 今次我再比多次機會佢 , 今次冇失拖喇 ! 速度一樣很快 , 老闆仲冇收我手續費添 ! 讚 !

皇后的生日(下)

今日係皇后生日正日 , 原本在旺角燒肉孫三郎訂咗枱 , 但今日好大雨同皇后有D唔舒服所以冇

去 , 我地改咗去沙田翡翠食午餐 , 之後再去買部迷你攪拌機 , 可惜四圍都冇貨 , 唯有遲D先買

啦 , 睇完再去city super 買咗幾件豬扒做晚餐 , 但叫埋元氣外賣 , 就太多 , 所以留返D扒遲D先食

!

皇后的生日

今日係皇后舊曆生日 , 明天是正日 , 所以今日買咗個小蛋糕同佢慶祝吓 !

首次左郵輪碼頭做野

今日開始一連兩日都在郵輪碼頭做野 , 今次係 Audi 車展 , 真係打响頭炮 ! 之後可能仲有好多機

會去做野 , 但希望遲D果度D配套做好D啦 , 因為而家連入去嘅公共交通工具都冇 (的士除外) ,

便利店冇 , 餐廳冇................

淘宝 @ 新集運公司

今日收到集運公司送來的貨物 , 由於我要開工 , 由皇后在家接收 , 但拆開後發覺小咗一個電子

磅 , 於是我便同負責人了解 , 經過一大輪whatsapp , 佢話會幫我查一下........但講真 , 邊度有得查

吖 ! 又唔係佢負責包装同運送 , 都係凶多吉少 ! 過咗幾日佢又冇覆我 , 於是我便主動問佢 , 佢

都話揾唔返 ........冇計啦 , 唯有叫佢幫我再充值 , 然後再買過啦 ! 但今次佢冇收我手續費 , 都算

係小小心意啦 , 咁我就比多次機會佢啦 ! 其實呢間集運公司都唔錯架 , 又可以電話過數比佢幫

我充值 , 運費又唔貴 , 速度仲好快添 !



好大包呀 !

 折開得 7 件.......

 出面寫8件 !

皇后美食之白製吞拿魚包 , 奶皇包

今次皇后做咗兩款手作包 , 吞拿魚包及奶皇包 , 味道好好 , 仲送咗幾個比好鄰居Carol , 佢地都

讚不絕口 , 話D吞拿魚勁多 ! 於是過咗 2 日皇后再做多一次吞拿魚包 , 又有口福喇 !



Part 1

Part 2

食過返尋味

好耐好耐冇食過强記D燒乳鴿 , 鼓油皇炒麵 同炸大腸 , 今同皇后去大圍烘焙店買完野就去買外

賣返屋企食 , 真係回味無窮 !

再戰淘宝+集運(終)

今日1:15pm收到Dimbuy嘅客務來電 , 回應返我之前E-Mail問佢地嘅問題 , 我話唔使喇 , 我

已經攪掂晒 ! 到4:02pm , 終於收到 Dimbuy 嘅 SMS , 話D貨已運到 7 仔 , ! 等咗咁多曰 , 我

當然馬上起行搭車去取貨 , 返黎拆開睇吓D貨o 唔 ok 先 ! 睇完全部都好好 , 係有一件貨係

隻錶 , 我買之前已問清楚錶上係唔係印住 " sport watch " 佢話係 ! 點知我收到貨之後係印

住 " S-SHOCK "...........妖 !! 我即時問條大陸佬點解 , 佢就話會 check清楚先 , 叫我唔使急

! 到而家佢都未覆我 , 可能用 " 拖 "字决 , 因為拖到夠期 , 個 OS 就會自動付款同給他好評 !

呢D人為咗做成單生意真係乜都講得出 ! 等陣一於迫多佢一次 , 再冇回應就比個劣評同寫衰

佢 , 等其它人有所警覺 ! 同時我又試緊第二間集運 , 希望今次順順利利啦 !

再戰淘宝+集運(下)

早幾日完成咗淘宝同集運 , 正在等D貨到香港的同時 , 我亦有上網繼續爬文 , 比我發現咗好

幾間集運公司 , 於是來個大比併先! 最後我决定轉用一間叫企鵝集運 , 因為我之前用嗰間叫

Dimbuy 嘅集運公司 , 佢要我地去7仔買張叫支付宝購物卡的東西 , 但又不可為支付宝充值

, 又不可用作付到港運費 , 又不可轉賬到其它戶口 , 只可用作購物 , 匯率仲要1.3 ! 要付到港

連費就要再去ok買點多拿 ! 真係幾好揾 , 最慘係佢首重收24蚊 ,續重收8蚊......貴又貴過人 ,

D附運速度呢........我到今日都仲末收到貨 !!!!!有冇攪錯 !? 15號10點話附運中 , 到而家呢一

刻都仲係寫住附運中 ! 妖 ! 佢地係由東莞運落黎 , 點解仲末到 ? 個司機迷咗路?我知佢地星

期日係休息,但15號早上出車 , 16號晚都末到? 算了 ! 我决定轉過第二間 , 人地可幫我直接

充值支付宝 , 只收 1.277(500元以下) , 用電話過數即時幫我充值 , 唔使5分鐘我已經在淘宝

幫皇后買緊野 lu !! 而家等賣家寄貨再試下呢間D集運點先 !

皇后美食---精華版

呢排非常忙碌 , 日以繼夜咁開工 , 所以好耐冇寫Blog , 今日八號風球所以有得放假喇 ! 馬上補

返之前 D 皇后美食先 , 但因為懶所以一次過寫個精華版算喇 ! hehe........


13-7-2013 自制叉燒 , 正!!

15-7-2013  壽喜燒 , 非常好味 !

20-7-2013 茜芹炒帶子 , 睇見都流口水.......

24-7-2013 梳乎厘 , 好成功 , 升得好高啊 ! 

滷水鴨舌 , 好好食 ! 但功夫亦非常多......