天氣越黎越熱 , D魚越黎越難釣......

昨日約左笙哥去主埸 , 佢幫我新做左支赤武士頭芯有得拎喇 ! haha !!本來諗住試下支新野 , 點知因為霸唔到個食糊位 , 靜到死!! 突然有一大簊老烏埋左黎 , 諗住冇死啦 , 點知都係只食一個位......我頂 !! 睇住笙哥起魚 , 我就冇得玩 , 之後有人打電話比我 , 又係講講下中魚! 頂 !!好重手 , 好大力 , 應該唔係烏 , 因我用蝦仁 ! 唔知係乜魚呢?頂左兩手後甩口 , 仲留番張卡片比我...........唉! 天意.......收拾心情再釣過 , 過一陣又有魚訊 , 一抽即中! 又係用蝦仁 , 今次應該係黃魚 , 因見到在水中飛黎飛去 , 估唔到咁好力 , 一中即向左飛 , 過桶底斷 , 灰..............笙哥中三口 , 其中一口仲有2斤半 , 勁大碌 , 入唔到撈簊 , 我用我個撈箕幫佢一炒入網 , 攪掂!!唔使三個鍾 , 個麵包籠D包己比D烏清晒 , 其間推到個籠斜晒 , 好得人驚.....太熱關係 , D老泥都沈晒落底 , 只有十幾條 , 老趙又比D我 , 剛好一餐 , 夜晚用黎打邊爐真係好鮮甜!hehe.....