今日要去拜山 , 所以冇得去釣魚 , 唯有昨晚同Roy仔去科學園二期夜磯 , 但就魚鱗都冇塊
......唉 !今日去完拜山之後 ,最高尚宮提意去馬鞍山睇下個新起好嘅海濱公園 , 順便買番 D草比肥Mo同睇下有冇想睇果套戲睇 , 於是便搭車落觀塘碼頭轉巴士 , 但去到未有車 , 我突然想起有船搭去北角碼頭 , 又想起北角碼頭 有平海鮮賣喎!
於是便改變行程去搭船,原來最高尚宮小時候經常都搭呢隻船去北角 , 咁一於去回憶一下啦!入到碼頭時,最高尚宮個腦海即時出現好多惜日片斷 , 我就叫佢影番D相 , 得閒可以睇下啦 ( 講真個碼頭咁舊 , 搭客又小 , 唔知幾時會拆 , 有得去下就好好享受下小時候嘅苦與樂,老左又多個回憶丫! )去到北角碼頭時見到有幾檔海鮮檔 , 我地來來回回 , 睇黎睇去 , 就揀左一間叫 " 來記 " 嘅 , 買左4種海鮮 , 檔主仲教我地點煮同幫我地劏好晒 , 仲送埋蔥同辣椒比我地 , 真係好人
! 我地買左 : 象拔蚌 $9 X6隻 , 日本帶子 $5 X 10隻 , 鮑魚仔 $15 X 6隻 , 賴尿蝦 $65 X 1斤 , 應該 $259 , 但佢收左我地$291 , 唔知係咪人工呢
?夜晚又到最高尚宮表演喇! D海鮮真係勁鮮甜
,出 街食又點止呢個價呢 !今日呢個即興真係幾有意義又開心 !
鮑魚仔
象拔蚌仔
日本帶子
賴尿蝦
沒有留言:
張貼留言