今日年初七 , 人日 , 一於拆禮物 , 拎住部 550D去試下機先! 由於我仲係新手一名 , 所以就以我有限嘅知識同技術去進行首影 , 首先我地去拜左車公先 , 然後去食飯 , 講起就幾把火!車公廟附近有間茶記 , 我叫左乾炒雞絲米粉 , 最高尚宮叫左菜遠肉片炒河 , 炒河先到 , 但D汁好似水咁 , 又冇味, 仲落芽菜添 ! 炒米仲衰 ! 等成半粒鐘先到 , D色又淡 , 撈唔暈又冇味 , 又細碟......兩碟都好似垃圾咁 ! 求其食完去左沙田公園開始影相 , 嗰度都幾多題才可以影 , 之後再到新城市廣埸行下 , 點知嗰度咁啱有大形舞師採青 , 啱晒試下個 ISO ! 我用ISO 1600去影非常順利 , 光度夠光 , 快門夠快 ! 真係冇買錯呢部機 !
咁就叫乾炒??
呢D係乜黎架 ?
呢間野....就算發左達都唔好再去呀 !
無叮叮見到隻咁嘅野 !!!!!
沒有留言:
張貼留言