目標完成

買左部摺車之後只係試過一次車 , 之後唔係要開工就係落雨或勁晒加高温,攪到 hea左部車咁耐都冇踩過 , 之前部14吋代步車祥仔話想要,於是賣左比佢啦! 8月3號條友仔話黎拎順便試下車,原本諗住同佢四圍兜下就算 , 因為部細車踩長途會比較吃力 , 好在架車都幾好去 , 於是踩踩下就到左我早前定下嘅路線 " 科學園 ",去程只用左40分鐘 (包埋我地停車影相吹水講電話...)回程返到大圍時,祥仔想將個大餅改大D,等部車再好去D , 點知改完勁甩鏈 , 攪一大倫又要換過另一個大餅,攪左2粒鐘先解决晒D問題 ! 由於我夜晚仲要開工,所以就爆車返屋企冲凉食野 , 休息一陣就返工( 累到想死 ) ! 經過今次旅程終於試到自己嘅體能裝備同部車嘅Setting , 發覺有好多野要改善 , 成個旅程好舒服啊 , 係晒左D....