終於可以踩車喇

今日約埋皇后個三妹及妹夫出夜車 , 我地先踩去河畔食左飯先 , 邊食邊吹水 , 然後出發去科學

園 ( 又係科學園?) 係呀! D fd都話我地冇D新意 , 但我覺得呢度真係好正喎 , 路程又啱我地踩 ,

12km , 來回 24km , ok喎 ! 又唔使踩好耐 , hea埋都係 3-4粒鐘 ,沿途又有公厠同自動售賣機 ,

夜晚D 師兄又守秩序 ! 因為夜晚冇晒 D租租攪攪震 , 條路暢通左同安全左 , 我又非常鐘意去到

碼頭吹下海風 ( 因為我鐘意海同釣魚) 至於馬鞍山嗰邊就麻麻喇 , 條單車徑凹凹凸凸 , 旁邊的樹

根生到出黎 , 攪到條路爆晒 , 加上路窄人多 , 冇錯 ! 係 " 人 " 多! 唔知點解D人係要在單車徑散

步 , 跑步 , 放狗同拍拖........所以我地好小去嗰邊 , 另外一個原因係我地志在操下車做下運動

, 就算次次去同一個地方都冇所謂啦 !




Ready 好喇 !!