黑暗時期快過了!

今日我地踩咗部戰車去修理 , 皇后部車的舊毛病又返發 , 條頸位踩踩吓實咗 , 好用力先可轉動

車頭 , 但三兩吓就攪掂左 , 到我嗰部就出事喇 ~ ~ ~ ~ ~ ! 我上次問老闆點解剎車會咁响 , 佢話

原裝膠係差D 架 , 咁我換咗新 brake pad 之後仲响過部貨車 , 佢都抓到成地頭皮 , 話可能個 

brake pad 品質差 , 但都唔一定關事 , 咁我唯有同佢買對 GUB 嘅 brake pad , 換咗之後都係

好响 , 佢都好無奈 , 又話我對軨可能花咗 , 可以試吓用 800號水磨沙紙磨吓佢先 , 唔得就要換

軨 , 吓!? 換軨好貴喎 ! 老闆娘就介紹咗對刀軨比我 ,  2000個大洋裝埋 , 唉 ~~~~當時個心都

實埋 , 老闆叫我試吓磨咗先啦 , 唔使咁急換 ! 都啱嘅 ! 我仲問定原裝 P8軨幾錢 , 800個大洋

攪掂 , 咁都冇咁傷 ,至於個咪錶 , 老闆又抓到一地頭皮都攪唔掂 , 只好幫我問代理有冇得修理 , 

留電話通知我 , 煩完佢一輪 , 錢當然要比啦 , 花咗89個大洋都解决唔到問題 , 唯有食完飯去

五金舖買沙紙返去磨吓先 , 我折咗對軨入廁所磨咗一大輪 , 準備落街試車時友人打電話比我

叫我幫佢買個有彈弓嘅坐位 , 啱晒 , 一開始都有 D响 , 但越來越細聲 , 最後只有大力剎車先有

聲 , 好了 ! 起碼唔使換軨 , 睇黎D黑氣開始過喇 , 但返到屋企老闆娘打比我 , 叫我拎個咪錶比

佢地 , 過兩日代理送貨黎順便交比佢喎 ! 我妖呀!!! 一早唔講 ? 落咗去兩次都唔講 ? 又返左屋

企先講 !! 皇后話明日幫我拎比佢 , 希望可以換番個新啦 !




成 set 拆晒出黎喇......