又一個新玩具

三個月前拎左個咪錶去修理 , 但至今仍未有回音 , 早前買咗個百零蚊有線咪錶頂住先 , 但真

係一分錢一分貨 , D 反應超慢 , 一開始踩時所顯示都 ok , 但加速時佢無反應 , 到減速先顯示

加速時的里數 , 完全反映唔到當時速度 , 真係有等於無.....今日嬲嬲地買過隻 SIGMA BC 

1609 , 上網爬咗一倫文 , D 師兄都推介呢隻 , 又平又好用喎 , 於是狂打電話問邊間有得賣 , 

終於在動力單車買到 , 原價 $438 , 但我唔耍條腳頻線( 因為唔使咁專業 ) 可以減 $50 , 之後

再打八五折 , 實數 $ 320 攪掂 ! 但無咗卡路里計算同D英文顯示有小小唔同 , 又要再記過 , 今

次呢隻咪錶同舖頭都講明有一年保養 , 就算跌爛咗都有得修理 , 條感應線斷咗都有得買 .......

呢D咪叫正貨囉 ! 唔同上次果間乜都冇 , 凈係話幫你比返廠 , 又話我換咗佢個非原廠套 , 到而

家都冇聲冇氣....... 我覺得都係兇多吉少 ! 裝完個新錶好想落街走番轉 , 可惜呢排日日落雨 , 

而家仲一號風球添.............唯有....等!


新格式 : 

TRIP  DIST                              騎乘距離                                       

TRIP  TIME                              騎乘時間

AVG.SPEED                            平均速度

MAX.SPEED                            最高時速

TOTAL ODO                            總乘騎里數

TOTAL TIME                            總乘騎時間