失樂園

日期：2010年5月16號 ,初三大生流  束風4-5級

時間 : 6:30am-2:00pm

釣點：三仔主場

人物 : 志哥 , 老趙 ,我

釣法 : 笩釣

呢期週圍都冇乜魚釣 , 今日就去返主場玩下烏頭啦 , 因為有老友放風話D烏頭返左黎

於是上去會一會佢地先!

 但昨晚上去天文台睇下天氣時發現由原本東南風2-3級轉左東風4-5級 , 

吓!? 又大東風咪又死得!!但約左老友就照去啦.......一上到排見有5條友過夜 , 仲打左成晚粉 ,

 唉 , 慘...........結果真係冇晒魚 , 等到佢

地9:00am走晒之後 , 約10:30am我先中第一口 , 魚訊非常清色

 , 連彈三下然後

升竿 , 抽 ! 唔中 , 放低支竿又彈幾下然後拉竿 , 抽.......中喇! 好耐冇聽過支竿發出嘅支

支聲喇 ! 頂左幾手上水 , 約斤零重啦 , 之後再等 , 剛有魚訊就要走鬼 !

 妖 !餐

餐都係咁! 約20分鐘之後各自歸位 , 一坐低落餌 , 竿頭突然急速被拉入水中 

, 即

抽即中呀 ! 今次對手非常強勁 ,攪到我又跪又拜

 , 飛晒八個方向同向下一爆 ........斷左.........

!一路講粗口一路收番條絲上黎 , 一睇 , 咦 ?粒鉛同隻鈎都冇唔

見 , 唔通爆咀 ? 再睇真D , 隻鈎斷左

?? 我嗰隻係 " 伊勢尼 "喎 , 咁都拉得斷?? 有冇攪 X 錯呀

 !!! 以上講咁多野到只不過係十秒之內所發生嘅 , 嗰絛究竟

係乜野魚就永遠係一個迷 ,重量應該超過四斤以上 , 好耐好耐冇試過秒斷嘅滋味喇

 , 真係好嬲 , 但又好開心 ,第三口等左好耐 , 週圍都摷過晒之後返番中魚位對

面坐低等 , 又係突然彈幾下然後升竿 , 一抽又中 , 頂左一手之後甩埋.......

妖!!! 冇心機 , 收工 !老趙仲送左條金古同D老泥比我 , 收獲都算唔錯啦!

其實講真丫 , 我都幾享受斷魚架 , 因為只要有得斷 , 你先會再有進步 ! ( 但就真係好嬲

 囉 ) 

輝記早兩晚中巨烏

 伊勢尼都頂唔住陣亡左.......

 今日收獲ok 啦

 老趙送比我絛金古

今日學人玩搓波仔

日期：2010年5月1號 ,十八(星期六 ,  生流 ) 束風3-4級

時間 : 7:30am-4:30pm

釣點：保記漁排

人物 : 倫哥 ,我

原本上星期同呢個星期都諗住去蠅網陣上礁 , 點知個個星期日都落雨同吹大風冇得去........唉.......真係玩野!!! 倫爺提議去保記玩搓波仔釣下烏頭 , 反正出唔到礁 , 是但啦 ! 我上到排原來冇人過夜 , 我係第一名喎! 正!即霸個靚位先 , 之後呀倫同傑少同時上到黎 , 傑少仲話唔夠我早 , 比我霸左個全排最正嘅位.因為嗰個位有魚釣之餘又唔會曬到 , 又冇其他位作釣呢!但今日D水原來大退2m.....唉....我地一個又一個誘餌球搓落去 , 但都只得D老泥攪攪震 , 但size都ok架!望落去見一群群三四指老泥在追住個誘餌球落水底 , 塲面壯觀!呀倫中兩條烏 , 我就釣到斤多老泥 , 全排一片死一寂,浪費左一日假期.........

                                                                  我地個靚位

                                                        我地開餐 時有陀地埋黎...............

佢就係其中一個陀地

第2個陀地曬緊太陽

流浮山之旅

呢期D釣况真係麻麻

, 所以將休魚期加長........今日就同最高尚宮去左流浮山行下 , 而家搭車真係方便 , 火車轉西鐵半個鐘多 D 就到.

我地一到步就見有六萬幾人起條行仔度迫緊

, 於是就迫埋一份啦 , 行行下見

到有炸生蠔賣 , $10 一串得 3 隻 , 但幾好味 , 可惜冇影相 , 一路迫到入盡頭諗住去返

我上次買金蠔嗰度再買過 , 但佢地D金蠔呢期唔係好得 , 聞唔到有蠔味 , 海水味就更加冇啦

.....於是又迫返出去揾過 , 有一間 D金蠔好靚仔

, 但賣 三百八十個大洋

!! 再行前幾步都有喎 , 不過細隻 dd , 一百七十個大洋就攪掂 , 之後

行下睇下又買下 , 行到腳軟又肚餓 , 便入左去一間叫.....海灣定海景嘅鋪頭食野 , 因

為最高尚宮好想食 " 蜜汁煎金蠔 "所以决定入去食啦 , 我地揀左4種海鮮同一個蝦膏炒飯

, 總共五百二十三個大洋落樓 , 每人一半都算ok啦! 之後又去左元朗遊

左一陣就搭車走人 , 今日都過得好開心 , 唔......又要plan吓下一個行程先!

騰騰震釣獲

日期：2010年2月16號 ,年初三(星期二 ,  生流 ) 束北風4-6級

時間 : 10:00am-4:00pm

釣點：東涌橋躉邊

人物 : 倫哥 ,我

今朝得 9度 , 凍到騰騰震 

, 我地去拖假餌 ( LURE )由10:00開始拖 , 拖到3點幾先中一口  , 真係要多謝 倫哥不斷教路 , 又不斷幫我執番隻LURE( 因為我成日掛

)真係多謝晒 !

由於新年買唔到蝦 , 所以今日冇上躉走去做步兵 , 最後去到 1號躉邊拖 , 3點幾水退盡前嗰浸流好正 ,  D 鱸就在我地面前打水 , 仲有幾條粗野在我地面前示威 , 都有3-4斤 , 最大嗰條有成7-8斤

, 但拖佢唔到.....

到 3點幾先中一口 45cm

佢食埋黎嗰野真係又快又激 , 好彩食得淺 , 頂2野就上到黎 , 但呢 D 環境永

遠都係冇撈簊在身邊...........妖 !!倫哥又在好遠嘅地方趕緊過黎 , 我只好慢慢向後,然後拎撈簊 , 自己一手一腳炒佢入網拎上黎 , 滿足感又多D喇

好血腥 !

 呢張正常D

 45cm 好肥美!

再戰東涌

日期：2010年2月13號 ,年三十(星期六 ,  生流 ) 西南風4-6級

時間 : 9:00am-1:30pm

釣點：東涌橋躉

人物 : 倫哥 ,我

魚獲  : 百花鱸約斤零 x1 , 磅頭 x1 , 八両 x1 , 石蟹 x1 , 手掌石九公 x1

昨日年三十晚釣完魚後要同家人出去食飯 , 所以今日補寫番!

好多間釣餌鋪都己經冇生蝦賣 , 點知大圍仲有喎!

馬上飛車去買左 5 両 , 養到

第二日可以上躉玩半日 ,當日照舊7:00am在大家樂食早餐 , 然後行去碼頭 , 上到躉開好竿後即時四圍揾魚啦 , 我先用前打 , 當我帶住隻蝦仔一起一落散緊步時

,突然有一下拎唔起隻蝦 , 我就知中伏喇

! 即時抽竿 , 中左! 但只得一秒己經甩左口 lu

....... 咁食法應該係 , 冇計啦再黎過 , 但一直都冇鱸魚出沒 , 只有

一隻大石蟹 , 好很重 ( 因為兩晚都要出街食飯 , 所以比左呀倫 ),之後又中左條長過手板嘅石九公( 但在收架生時未及影相就比呀倫放番落海lu

)我都未釣過咁大

條九公架! 之後呀倫支竿有反應 , 竿頭直插向下 , 一輪拉扯之後上水 , 但當佢解緊魚時第二支竿又向下拉

, 真係忙到冇停手喎!之後靜晒 , 直至十二點幾先到我支

竿拉下 , 但抽唔到 , 跟住再返轉頭再拉 , 事出突然又抽唔到....再鉤過隻蝦再放過 , 今次食到升竿但冇再拉 , 又再鉤過隻蝦 , 之後勁拉差 D 飛竿

, 好彩呀倫幫我

捉住 , 但力度非常大 , 我地估應有六七斤以上 !頂左 1分鐘到 , 我已準備撈簊 , 見到影喇 ! 只有磅頭.....妖

! 但力度真係超勁喎 , 鱸魚真係好玩啊!

隻石蟹好大隻同好Q重

又有新野食

今日又同最高尚宮行一田買餸 , 行行下見到呢包雪場蟹腳 , 尚宮話上次都見到好想用黎打邊爐喎! 但$199太貴所以冇買到..........咁我見明日得13度咪順便打邊爐囉 , 上次佢請我食藍青口 , 今次我請番佢食蟹腳啦!仲有我最鐘意嘅海鮮之一 " 帶子 "兩隻都好鮮甜啊!

橫風橫雨釣穫

日期：2010年2月7號 ,廿四(星期日 ,  死流 ) 束風4-5級

時間 : 9:00am-4:30pm

釣點：東涌橋躉

人物 : 倫哥 , 輝叔 , 我

魚獲  : 百花鱸約斤零

是日7:00am到東涌大家樂食早餐 , 但已開始落雨......冇有怕 ! 照去

!!( 因為都己去到釣點 , 唔通返屋企咩

  )食完早餐就行去碼頭間釣餌鋪度買左十四両生蝦( $74 )三個人分ok呀!開頭以為太多 , 但之後發覺差D唔夠用!死未

?一開始冇料到 , 只有石九公攪攪震 , 後來殺左一羣雞泡埋來

........死得 ! 如是者攪左

幾粒鐘 , 倫爺先中一口花鱸 , 斤零 , 我同輝記就不停比D死雞泡攪 , 當佢地都放低晒竿休息時 , 我都不停咁揾花鱸

, 但都冇功而還.......唉.........今年嘅收爐魚只有九公

?之後倫爺又中多一口鱸 BB , 我條氣勁唔順 , 大家企埋嗰個位 , 大家用生蝦點解唔食我

?我只好再等.....................終於我支 " 夢境 "  ( 前打竿 )竿先

傳來 2下急速而有力嘅『魚訊』

個心諗 : 終於黎喇 !之後竿先向下拉 ,除時會

有搶手袋嘅拉力發生 , 佢一開始拉時我便即抽 , 中呀 ! 力度好勁 , 唔知大唔大呢? 因

為鱸魚嘅氣力非常驚人 , 未見到影都未知有幾大條呢!最慘係我條魚絲只得2號 , 又要從躉底頂佢出黎 , 隻手又濕 , 又冇撈簊在身邊.....唉 !總之太多不利因數

,

一輪又跪又拜之後終於見到魚影喇 , 倫爺又拿着撈簊趕到 , 炒左兩次先入網 , 我的人身第一鱸就係咁釣到喇! 勁開心

!今日吹左一日風月淋左一日雨都值得嘅 , 倫爺仲此左條細鱸我 , 晚餐照舊交比最高尚宮處理 , 清蒸 13mins非常好食

, 好似食班咁嘅味同啖啖肉,正!

在此要多謝倫爺教我點釣

, 如冇佢話D密技比我知 , 我一定又打龜

呢度上船嘅

 對面躉

 三人總收穫

 42cm好好飛

有人請食藍青口

今日同最高尚宮行City Super見到藍青口做特價 , 好想試下 ,但我都係唔捨得買 , 最高尚宮見先次次都眼甘甘, 於是就請我食 , 真係好開心呀! Thank you very much !

今日玩即興

今日要去拜山 , 所以冇得去釣魚 , 唯有昨晚同Roy仔去科學園二期夜磯 , 但就魚鱗都冇塊

......唉 !今日去完拜山之後 ,最高尚宮提意去馬鞍山睇下個新起好嘅海濱公園 , 順便買番 D草比肥Mo同睇下有冇想睇果套戲睇 , 於是便搭車落觀塘碼頭轉巴士 , 但去到未有車 , 我突然想起有船搭去北角碼頭 , 又想起北角碼頭 有平海鮮賣喎!

於是便改變行程去搭船,原來最高尚宮小時候經常都搭呢隻船去北角 , 咁一於去回憶一下啦!入到碼頭時,最高尚宮個腦海即時出現好多惜日片斷 , 我就叫佢影番D相 , 得閒可以睇下啦 ( 講真個碼頭咁舊 , 搭客又小 , 唔知幾時會拆 , 有得去下就好好享受下小時候嘅苦與樂,老左又多個回憶丫! )去到北角碼頭時見到有幾檔海鮮檔 , 我地來來回回 , 睇黎睇去 , 就揀左一間叫 " 來記 " 嘅 , 買左4種海鮮 , 檔主仲教我地點煮同幫我地劏好晒 , 仲送埋蔥同辣椒比我地 , 真係好人

! 我地買左 : 象拔蚌 $9 X6隻 , 日本帶子 $5 X 10隻 , 鮑魚仔 $15 X 6隻 , 賴尿蝦 $65 X 1斤 , 應該 $259 , 但佢收左我地$291 , 唔知係咪人工呢

?夜晚又到最高尚宮表演喇! D海鮮真係勁鮮甜

,出 街食又點止呢個價呢 !今日呢個即興真係幾有意義又開心 !





鮑魚仔

象拔蚌仔

 日本帶子

                      賴尿蝦

觀塘碼頭

街渡上層

 街渡下層

專攻大老泥 !

日期：2010年1月1號 ,十七(星期五 ,  大流 ) 束風4-5級

時間 : 6:15am-2:30pm

釣點：三門仔主場

人物 : 志哥 , Roy仔 , 輝叔 , 笙哥 , 肥陳 , 老趙 ,我

魚獲  : 大老泥約三斤

呢個天時D大老泥開始出現喇

, 所以今日嘅目標魚就係佢喇 !! 由於佢地食深左 , 所以昨晚專登走去發燒友買在支長D嘅蝦竿 , 但270冇貨 , 只好買240啦

, 點知上到排用時非常ok喎 , 手感非常之好 , 由其係中三指或以上時 ,滿弓 嘅孤度簡直係完美

, 腰力非常強勁 , 弓魚升水真係冇難度 , 正

! 講番今早一上到排就指定動作 , 揾 , 又係冇.....唉......又玩下烏頭啦 , 但咁早未起身喎 , 於是便專攻大老泥喇 !用餌方面 , 最高尚宮幫我搓左一大舊麵粉 , 再加我條秘方一齊搓 , 一落餌即時起到大老泥喇 ! 真係要向最高尚宮 say 個 Thank you先

! 一邊吹水一邊起魚 , 真係開心到飛起 ! 釣到差不多2:00就劏魚走人 , 原來釣下釣下都差不多有三斤 , 因為大條 , 所以數目唔算太多但就夠晒重手啊!今日成班老友講下笑下真係開心 , 晚餐用煎嘅方式煮左一半食 , 好好味!