大美督踩單車+ BBQ

今日我同皇后約咗大師兄夫婦和祥仔在大埔墟火車站集合 , 原本諗住自己帶車入去踩 , 但大師

兄老婆 (歐C9) 冇私家車 , 所以大師兄唔帶車去 , 祥仔個女友要晚上收工後先 join 我地所以又

唔帶車去 , 咁我地唯有賠佢地一齊做人見人曾 , 天地不容嘅 ....租車黨啦 ! 哈哈.....估唔到今日

自己要做 joe joe..唉...唯有入鄉隨俗 , D joe joe 點踩我地就點踩啦 ! 即係點 ? 咪就係 : 突然

急停 , 一字排開 , 踩對頭線 , 將車停在路中心 , 突然掉頭等等囉 ! 都幾好玩喎 ! 加上架牛肺單

車真係好重 , 唔順同轉唔到波 , 踩到我地死死吓......好彩可以在大尾督交車 , 如果唔係就要

call 貨 van 車返大埔 , 因為我一定唔會再踩返去 ! 實在太累了.........之前大師兄話去到水霸尾

後再穿過大閘 , 入面D風景仲正啊! 今次一定要去睇吓先得 ! 果然 ! 入面可能冇乜人到 , 沿途

有好多蝴蝶飛來飛去 , D花紋我都末見過的 , 有次大師兄仲見到有蜂鳥呢 ! 我地一直踩到一個

碼頭 , 地方好大 , D水好清 , 冬天在此 fit 大尾尤就一流 ! 再向前踩到單車可到的盡頭就落車 ,

因要上樓梯 , 其實仲可以前行的 , 但時間不早加上牛肺太重 , 所以影完相即閃 , 回程時皇后可

能太累有點頭痛及有小小中暑 , 水又快冇了 ,只好休息咗一陣 , 我幫佢推埋架牛肺慢慢行 ,大

師兄返轉頭揾我地同幫手推車 , 之後皇后回完氣就踩返去交車 , 跟住我地過對面的大尾督燒

烤皇入座 , 我即時買咗 2 支綠茶 , 開一支勁隊咗一半 , 因為我早前要留番D水比皇后飲 , 所以

我渴到半死啊!! 祥仔女友8點零剎到 , 6個人燒吓笑吓就到11點幾 , 明日要開工所以要早D走

人 , 今日玩得好開心!

街渡 西灣河-- 觀塘

好耐之前已知道有尼條航線 , 但一直未有機會坐 , 今日終於有機會試吓喇 ! 因為今日在西灣河

收工而且還未到收工的繁忙時間 , 可以靜靜地欣賞吓風景同吹吓海風 , 非常舒服啊 !

好耐冇食 pizza hut 了( 後補 )

5月17日 , 皇后 探完姨甥們就約咗我去沙田食晚飯 , 我地今次選擇咗 pizza hut , 因為好耐冇

食過了 , 今晚又試吓先 , 皇后叫咗 :三文魚鮮果沙律,大蝦鮮茄薄脆,海鮮意粉配蕃茄醬,雲厘拿

金桃麵包布甸加忌廉汽水一杯!食物好好味但份量有d少 !

韓國菜

5月21日 , 原本今晚出車 , 但落雨取消 , 於是約三妹去第一城食韓國菜 , 我成日睇韓劇都見到

D人食果D炸醬麵好似好好味咁 , 今次就叫左牛肉石頭飯,炸醬麵 , 炒 魚片同煎蛋卷 , 都幾好味

喎 ! 但個炸醬麵原來係甜架 , 有D失望 , 但又幾好食 ! 哈哈

焗豬扒飯take3 (後補 )

5月18日 , 再黎焗豬扒飯 , 今次用紫洋蔥 , 但唔記得落蕃茄啊 , 味道都 ok 喎 !

香草蜜糖焗春雞 ( 後補 )

皇后美食 : 香草蜜糖煱舂雞 , 今次好有炸子雞 feel 好正 !

單車褲

每次踩車都會見到好多C兄着住全套單車戰衣 , 好似好型 , 但我呢D標準身材就費事嚇壞人啦 !

但下身都要有一定嘅保護 , 於是决心買番條單車褲着吓先! 但我又怕我着得好難睇 , 所以今次

先買條內褲型試吓舒唔舒服 , 如果ok先再買條短褲 ! 可惜黎緊成個星期都會落雨 , 又唔知幾時

先試得........

女皇mo

皇后個寶貝女, 佢係女皇mo , 我最鐘意睇佢呢個睡姿 , 嗰樣好鬼冧........

肉醬意粉

由於今晚出車 , 所以提早咗煮意粉 , 時間關係所以冇焗到 , 但又有另一番味道呢 !

騎乘記錄 9

 

時間 :                              22-05-2012 ( 夜 )

地點 :                              大圍>吹水碼頭(科學園)＞大圍

DST :                              單次騎行里數                                 22 / km

RTM :                              騎行時間 ( 不包括休息時間 )         1:25 / h

AVG :                              平均時速                                       16 / km

MAX :                              最高時速                                       28.2 / km/h

ODO :                              總里程                                          216 / km
CAL :                               消耗卡路里                                   1205  

騎乘記錄 10

時間 :                              23-05-2012 ( 夜 )

地點 :                              大圍>吹水碼頭(科學園)＞大圍

DST :                              單次騎行里數                                 22 / km

RTM :                              騎行時間 ( 不包括休息時間 )         1:25 / h

AVG :                              平均時速                                       16 / km

MAX :                              最高時速                                       32.6 / km/h

ODO :                              總里程                                          238 / km
CAL :                               消耗卡路里                                   470



今日睇咗千人台話明天開始天氣又唔隱定 , 又有雨落喇 , 仲有個  強 烈 熱 帶 風 暴 珊 瑚 集 結

在 硫 黃 島 之 西 南 偏 南 約 850 公 里  !! 咁啱三妹問今晚仲出唔出車 ? 我地硬係出啦 , 唔係又要餓一

排先有得玩喇 !   但個新咪錶好奇怪 , 卡路里顯示得 470 , 應該冇咁小喎.....唉 ~~ 希望隻

GIANT快D返啦.....

騎乘記錄 8

時間 :                              22-05-2012 ( 夜 )

地點 :                              大圍>吹水碼頭(科學園)＞大圍

DST :                              單次騎行里數                                 22 / km

RTM :                              騎行時間 ( 不包括休息時間 )         1:25 / h

AVG :                              平均時速                                       16 / km

MAX :                              最高時速                                       28.2 / km/h

ODO :                              總里程                                          216 / km
CAL :                               消耗卡路里                                   1205 





好耐冇操車喇 , 因為唔係開工就係日日落雨 , 攪到今日先出到車 , 今次用新咪錶做記錄 , 發覺

隻錶反應好慢 , 數字又唔係好準 , 冇計啦....百零蚊貨仔 ! 今晚可以出車心情好靚 , 但回程時

去到馬料水水警基地時有兩個人在釣魚 , 我見佢舉高支干 , 我即刻收慢 , 但絛 PK 見我去到

佢背後時就想揚干 , 我即時話 : 睇住呀哥仔 !! 條PK仲好很寸咁話 : 我睇住左你啦 ! 我將部車

急停 , 落車 , 然後問佢 : 而家係唔係我唔啱呀 !? 佢又話 : 咁我咪話睇住左你囉 ! 嘩 !條PK仲

覺得佢冇錯咁款 , 我就指住佢話 : 好 !  你小X心D呀 ! 然後我就踩走 , 講真佢今次真係好好彩

, 因為我冇任何架生喺手 , 如果唔係佢下半世一定要坐輪椅 ! 經過今次我諗住買多支 Seat 通

, 下次再見到佢就要佢知道寸咀嘅後果 !!

新咪錶

早2日去單車舖問老闆我個咪錶幾時修理好 , 因為都有一個多月喇 ! 而家每次出車都冇得用 ,

佢又係話未返呀! 返左會通知你 ! 咁我又問而家係換過隻新比我定修理? 佢又話唔

知...............我話如果換隻新比我的話 , 不如我補錢換隻Cat eye啦 , 我等往用 , 佢又唔制 ! 妖

!! 攪到我都唔知買唔買過隻好 ...... 都唔知係咪佢賣左隻流野比我 , 所以冇得換 ! 點解會咁諗

? 因為佢話我隻錶個矽膠套唔係原裝 , 話我換左喎.......我話冇換過喎 , 成隻錶係你賣比我 , 我

邊有第2個套換呀 ? 佢堅持話係我換左 , 之後又話算啦 算啦..........唉 , 呢間野真係好有問題 ,

我上網都睇到好多人踩呢間係黑店 ! 但今日一於唔理咁多 , 上網 bid 過隻百零蚊有線嘅用住

先 , 咁等法等到佢拉左閘都唔知換唔換到返黎 ! 我約左賣家4點在大圍交收 , 佢話 ok ! 之後又

打黎話要 4:30在九龍塘......算啦 , 就下人冇乜問題啦 ! 點知條 PK 成 5點先到, 仲要拖住條女!

攪到我要同賣Tap個人改喺九龍塘交收 , 真係唔好意思.....而家D 8,9十後真係唔知食乜奶粉大

, 個個都冇責任心 , 冇禮貌 , 冇時間觀念..........以前bid野係賣家主動 send Email比你 , 而家就

要限你幾時要Email比佢 , 好似唔優賣咁 ! 呢D賣家真係不知所謂 !!

新玩具

呢排無乜工開可以休息吓 , 但個天又唔鐘意我 , 日日都落雨 ! 吼 !!!!!!!!!!!!!!!!!!! 攪到好似坐監咁 ,

今日終於忍唔住上網 bid 咗個有線咪錶同一部 7 吋 Aino Novo 7 ELF 精靈版 , 等到閒在屋企時

可以煲下劇 , 唔使攪到生冬菇 ! 今晚叉電先 , 明日再慢慢玩 , 致於個咪錶就會在單車樂先講!

新貨到了

新 Capsule 早幾日到咗貨 , 仲買咗十粒限量版添 ! 

騎乘記錄 7

時間 :                              30-04-2012 ( 夜 )

地點 :                              大圍＞大埔吐露港花園渡頭(燈塔)＞大圍

DST :                              單次騎行里數                                 30 / km

RTM :                              騎行時間 ( 不包括休息時間 )          2 / h

AVG :                              平均時速                                        NA / km

MAX :                              最高時速                                        NA / km/h

ODO :                              總里程                                          194 / km
CAL :                               消耗卡路里                                     NA

早前不停落雨加開工 , 昨夜終於可以出車喇 , 我地一行四人踩到科學園 hea 咗一大倫 , 因為成晚都想落雨 , 所以决定唔到是否再向前行 , 最後决定去回歸塔 , 但去到燈塔位就開始有雨喇 , 唯有掉頭走人 , 但回程又冇落雨喎...........真係比佢玩死,由於今晚超大風

, 回程時仲要逆風 , 踩極都唔去 , 累到想死啊 ! 我地返到屋企已1:00am剛好趕上後門的關門時間呢 !另外要講吓支 cat eye 頭燈 , 真

係唔錯 , 光度同角度剛好 , 唔會太光 , 又省電 , 又夠細支 , 正 !

升級咗光纖

今日pccw 師父上黎拉線 , 咁我唯有將 D 櫃 , 架 , 電腦枱 , 單車等等什物全部搬開 , 因為個入線

位比呢堆什塞住晒 , 搬死我喇..........師父由屋外機房一直將條光纖穿入屋內 , 真係光纖入屋喎 

! 裝完馬上試下速度先 , 又真係幾快喎 , 開一個網頁只係約2秒左右 , 但每次升級後都好似快咗 

, 但一斷時間後就會慢番晒 , 所以今次記錄咗先 , 睇吓遲D會唔會又慢番......哈哈 !

新入手 . 迎夏

早前因我地支電筒都已經夠期 , 又要跌錢買過兩支頭燈喇  揾咗好耐終於揾到2隻牌子 ,  Cat

Eye HL-EL 135 , 及 GIANT Numen EL 2.0 , 去到舖頭要求測試 , 老闆話冇得試 , 又話冇電試

......大佬 , 冇得試點知夠唔夠光呀 ? 唔夠光你送比我都冇用啦 ! 咁我同佢講 : 我去買電返

黎有冇得試 ? 佢話有 , 之後試咗 2 隻光度差不多 , cat eye 就比較光D , 咁就買哇 2 支 cat eye

, 仲買多咗 2 個 保冷水壺準備迎戰夏天 , 上年已買咗 2個制冰器 , 打算將D冰放入水壺度再加

冰水 , 一定透心涼啦 !

騎乘記錄 6

時間 :                              14-04-2012 ( 夜 )

地點 :                              大圍＞大埔海濱公園碼頭＞大圍

DST :                              單次騎行里數                                 50 / km

RTM :                              騎行時間 ( 不包括休息時間 )          NA / h

AVG :                              平均時速                                        NA / km

MAX :                              最高時速                                        NA / km/h

ODO :                              總里程                                          164 / km

CAL :                               消耗卡路里                                     NA


由於個咪錶壞咗所以好多資料冇晒 ! 



完本約咗三妹星期五出車 , 但天文台話會有雷雨所以改左星期六出 ( 當然又比天文台坤咗啦 ) 

, 今次皇后因為出咗D汗粒身痕所以冇去 , 我唯有自己去啦 , 我用咗20分鐘去到双橋 , 等埋佢

兩個就出發去科學園碼頭 , 但三妹話唔夠喉 , 想去回歸塔 , 咁就照去 , 我提議不如再前行到大

埔海濱公園碼頭啦 , 因早前我同皇后因為太夜又唔識路 , 只係去到公厠就返轉頭 , 今次有機

會再黎 , 一於去睇吓 ! 我地沿單車徑去到盡頭一右轉就見到個碼頭好大 , 好多人 , 嗰度仲有間

叫 " 水陸虛 " 嘅露天茶坐 , 但已關門 , 有機會去試吓先 , 突然基基打黎話佢去咗科學園碼頭揾

我吹水 , 但我在大埔碼頭喎 ! 唯有回程時去揾返佢啦 , 回程途中我地又入咗去一個渡頭睇吓 

, 嗰度有個燈塔仔 , 吹咗一陣海風又起程 , 到咗科學園碼頭基基仲未走 , 我地同佢吹咗半個鐘

水就散水喇 , 去到双橋同三妹分手 , 我就一口氣踩返屋企 , 又係用咗 20分鐘 , 今次可以去到

大埔個碼頭好開心 , 里數又多咗一倍 , 繼續努力 !!






双橋等埋佢地先!

騎乘記錄 5

地點                                                                科學園

	日期	9-Apr-2012 夜
DST	記錄單趟騎乘里程	25km
RTM	騎乘時間不包含停止休息時間	1h 23m
AVG	平均時速	20 km
MAX	最高車速	35.4 km
ALM	响鈴,提醒補充水份及休息	-
ODO	總里程	114 km
CAL	消耗卡洛里	1620

今日三妹夫婦在大陸拜完山返黎約踩車 , 我地當然奉陪啦 ! 今次因為就晚飯時間 , 所以約咗

8:00pm 在双橋等 , 但真係好奇怪 D 租租有好多仲未交車 , 仲可以四圍 hea , 乜可以咁夜交車

咩? 不過數量咁小無乜殺傷力 , 可以不理 ! 早前我部戰車個後 brake有响聲 , 所以今日我一次

過換晒前後嘅 brake pad , 諗住冇事啦 , 點知仲响過之前 , 幾條街都聽到 !! 連前面都好响 , 我

諗沿途嚇死好多人 , 去到科學園 set 咗好耐都唔掂 , 第日要去揾師父救命先得.........仲有第二

個問題就係個咪錶又唔知做乜死死地 , 去到科學園時顯示得 6.3 km , 吓 ? 起碼都 12 km 啦

! 初初以為有干擾 , 但回程時一 D 反應都冇.......返到屋企攪一大輪又換新電都係冇反應 ~_ ~

.......唉 ......唔通又係進入咗黑暗時期 ? 慘了 !!

黑暗時期快過了!

今日我地踩咗部戰車去修理 , 皇后部車的舊毛病又返發 , 條頸位踩踩吓實咗 , 好用力先可轉動

車頭 , 但三兩吓就攪掂左 , 到我嗰部就出事喇 ~ ~ ~ ~ ~ ! 我上次問老闆點解剎車會咁响 , 佢話

原裝膠係差D 架 , 咁我換咗新 brake pad 之後仲响過部貨車 , 佢都抓到成地頭皮 , 話可能個 

brake pad 品質差 , 但都唔一定關事 , 咁我唯有同佢買對 GUB 嘅 brake pad , 換咗之後都係

好响 , 佢都好無奈 , 又話我對軨可能花咗 , 可以試吓用 800號水磨沙紙磨吓佢先 , 唔得就要換

軨 , 吓!? 換軨好貴喎 ! 老闆娘就介紹咗對刀軨比我 ,  2000個大洋裝埋 , 唉 ~~~~當時個心都

實埋 , 老闆叫我試吓磨咗先啦 , 唔使咁急換 ! 都啱嘅 ! 我仲問定原裝 P8軨幾錢 , 800個大洋

攪掂 , 咁都冇咁傷 ,至於個咪錶 , 老闆又抓到一地頭皮都攪唔掂 , 只好幫我問代理有冇得修理 , 

留電話通知我 , 煩完佢一輪 , 錢當然要比啦 , 花咗89個大洋都解决唔到問題 , 唯有食完飯去

五金舖買沙紙返去磨吓先 , 我折咗對軨入廁所磨咗一大輪 , 準備落街試車時友人打電話比我

叫我幫佢買個有彈弓嘅坐位 , 啱晒 , 一開始都有 D响 , 但越來越細聲 , 最後只有大力剎車先有

聲 , 好了 ! 起碼唔使換軨 , 睇黎D黑氣開始過喇 , 但返到屋企老闆娘打比我 , 叫我拎個咪錶比

佢地 , 過兩日代理送貨黎順便交比佢喎 ! 我妖呀!!! 一早唔講 ? 落咗去兩次都唔講 ? 又返左屋

企先講 !! 皇后話明日幫我拎比佢 , 希望可以換番個新啦 !




成 set 拆晒出黎喇......

新入手代步車

早幾日停車埸個靚姐幫我買咗部牛肺代步車 , 因為佢個鄰居專收政府剪返黎果D單車 , 然後轉

賣比人 , 但可能啊姐比條友坤咗啦 ! 部車好殘 , 條軚又裂晒 , 又無咗九成 brake , 前後彈弓又癈

埋 , 又轉唔到波 .......阿姐都好唔好意思 , 算啦 , $150 踩得到都算係咁啦 ! 因為自己懶過狗所

以咪買架牛肺代吓步 , 起碼唔會比人偷先啦 ! 哈哈....

遠睇都幾似部單車架 !