初秋火煱

過左中秋節 , 氣温下降左小小 , 皇后同我都有D想食吓火煱 , 於是就去一田買野 , 突然見到原隻

松葉蟹 , 於是就預埋佢一齊打邊爐啦 , 行行下又見到有火煱小籠包 , 又買十隻試下 , 味道 ok

, 冇蒸咁漏 ! 隻松葉蟹好鮮甜 , 啖啖肉 ..........呢排日日做到冇停手 , 食番餐勁補下先!

中秋節快樂

昨晚唔得閒同外家做節 , 今日我地兩公婆補番啦! 姨媽送左罐鮑魚仔比我地 , 一於今晚攪

掂左佢先!皇后嘅炆鴨腳同茄汁大蝦同樣出色 !

大家都中秋節快樂 !!

有新咖啡嘆

一年多前買左部咖啡機同 50粒 Capsule , 再加埋個Sale送比我地嗰十幾粒 , 終於飲到差不多


 , 早幾日訂左貨 , 今日送到黎喇 , 今次訂左另外六種味 , 又有新咖啡嘆 , 正!!

再黎突如其來的~~夜遊

話說今日諗住同皇后拎架車去改 , 但突然風起雲湧 , 仲天打雷劈添........只好改日先啦 , 但突然

又停晒雨 , 仲出太陽.......真係比佢玩死!  7點零 8點攪掂諗住四圍踩下就返歸 , 身上冇帶任何工

具同飲品之下 , 我地就踩左去大埔工業邨 , 飲品只好在途中的汽水機買 , 沿途仲見到有個男人

將架單車尾加左個木兜 , 原來係比隻叫肥妹嘅狼狗狗座 , 真攪笑 ! 回程見到有個師兄推住架單

車跑步 , 覺得有D怪 , 有車唔踩 ? 之後我地停埋一邊休息 , 又見嗰個師兄推住架車跑過 , 原來

爆左胎 , 真係慘 ! 唔知佢要跑幾耐先返到屋企 , 當時心諗 : 如果我有架生的話我一定會幫佢

, 可惜bid左末寄到 ,加上今次又係玩突擊 , 唉 ~~~~以後出車一定要帶齊架生啊 ! 今次踩左40公

里 , 腳仔都軟埋 ......

先在科學園休息下先!

突如其來的 ~~夜遊 !

昨晚bid左支 seat 通 , 約左賣家在大圍站交收 , 食完飯我問皇后去唔去走番轉 , 佢話好呀! 咁一

齊出車啦! 去到大圍站8:45pm , 條賣家九點幾先到.......交收完皇后想踩去城門河 , 咁就出發

, 原本諗住踩一陣, 但踩踩吓就到左明星 , 皇后仲想再踩 , 於是决定去到科學園 ! 由於皇后部車

未改手把位 , 加上車頭掛左個什物袋 , 個頭非常搖擺 ,咁我就叫佢試下踩我嗰部啦 , 唔踩由自可

, 一踩愛上左 !! 今次到我追餐死......成晚踩下 hea 下 , 終於去到科學園 ,我發覺皇后部車好唔順

, 仲聽到個" 拎 "同迫力嘅磨擦聲 , 唔怪得部車唔肯去啦 , 原來個什物袋壓住個 V 剎條威也 , 攪

到部車大食冇力 !!!! set番好D位後就捱住返去, 睇下鐘 , 嘩!! 12:30 am喇!天日仲要返工 , 等天

日收工先攪啦.....皇后今次真係好勁 , 踩到去科學園 , 但佢都話夜遊真係好舒服 , 不過今次真係

要聽我講改下部車先得 !





夜晚用電話影真係好唔掂...........

目標完成

買左部摺車之後只係試過一次車 , 之後唔係要開工就係落雨或勁晒加高温,攪到 hea左部車咁耐都冇踩過 , 之前部14吋代步車祥仔話想要,於是賣左比佢啦! 8月3號條友仔話黎拎順便試下車,原本諗住同佢四圍兜下就算 , 因為部細車踩長途會比較吃力 , 好在架車都幾好去 , 於是踩踩下就到左我早前定下嘅路線 " 科學園 ",去程只用左40分鐘 (包埋我地停車影相吹水講電話...)回程返到大圍時,祥仔想將個大餅改大D,等部車再好去D , 點知改完勁甩鏈 , 攪一大倫又要換過另一個大餅,攪左2粒鐘先解决晒D問題 ! 由於我夜晚仲要開工,所以就爆車返屋企冲凉食野 , 休息一陣就返工( 累到想死 ) ! 經過今次旅程終於試到自己嘅體能裝備同部車嘅Setting , 發覺有好多野要改善 , 成個旅程好舒服啊 , 係晒左D....

改車 part 1

經過上兩次嘅試車後 , 襯今日得閒拎去作出第一次改裝 , 包括 : 手筒 , 牛角 , 指撥 , 座墊 , 尾袋 , 改完試走一轉真係舒服左好多 .......

1.手筒 : 握位實在左舒服左,長時間握都唔會好累 

2.牛角 : 可以比對手有時間休息 ,上斜時方便抽車

3.指撥 : 由於筒撥佔用咗手筒的3份1位置 , 所以會使右手虎口位好痛 , 改指撥就可解决 , 手筒可以用番原本長度,使右手有足夠空間握住手筒

4.座墊 : 原裝 SP8座墊 , 座上去個 pat pat 冇咁痛 , 長途就要試吓先知喇

5.尾袋 : Dahon尾袋 , 出車原來好多時都要即場調教 , 所以一些工具都要帶出去 

以上就用左五佰幾個大洋 ( 有D赤 ).......不過可以踩得舒服D都係好的啊!



個頭型左好多!

咖哩大皇

話說昨日皇后上網揾野食,揾到佐敦有串燒食,非常吸引,但因為唔就腳又太晚了,所以去返旺角食咖哩大皇 , 我地叫左個二人套餐 加個黃薑飯 , 食完遊多一陣就返歸 lu....

剛剛升左級

剛剛升左級好唔慣 , 又要攪一大倫野........好煩!! 出番個Test post先 !

出相終於都正常番喇!

自家製 Pizza " 黑 " 香蒜肉絲意粉

由於今日係大暑 , 所以今晚唔食飯 , 我叫最高尚宮煮左個香蒜肉絲意粉 , 好耐之前都煮過一次 , 味道極之相似 pizza 黑嗰D喎 ! 正! 但今次買唔到蒜鹽 , 加上今次轉左用煙肉 , 香味即時提升 , 所以味道有D唔同 , 另有一番風味啊 ! 最高尚宮又記一功 !

消消悶氣

日期：2011年7月23號 ,廿三(大暑) , 死流  南風2-3級 , 暴晒 

時間 : 7:30am-1:30pm

釣點：三門仔

人物 : 自已單拖

釣法 : 笩釣

魚獲 :泥鯭2斤

呢排D天氣真係好Q煩

 , 唔係狂落雨就晒到 PK

 , 所以呢期真係悶到嘔白泡

......昨日倫爺同紅鮋皇上排過夜 , 我都知佢地係去送死

,因為呢D環境........唉

 ~ ~ ~ 由於呢排太悶 , 所以今日照去揾D老泥玩下 解下悶 ,我上到去佢地就垂頭喪氣咁走 lu

 , 而家唔知做乜D生態變得好利害 , 以前三門仔冇嘅魚種而家有 , 原本有嘅魚種就小得可憐

 , 睇釣魚雜誌都話外國D巨形魷魚都開始搬家 , 所以都咪話唔得人驚

......講番D老泥 , 今日在排底竟然見到D " 腳板級 "嘅 size游來游去 , 4-5指嘅就成群咁出現

 ,呢D 場面唔係冬天先會見到咩 

?!攪乜今日大暑都咁得人驚架 !!??我釣左 2斤幾冇乜心機釣

 , 所以早D返屋企同最高尚宮食飯 ,D老泥就比晒停車場肥姐 , 然後又 " 呢 " 入廚房搓定一大堆秘制麵粉 , 下次再上去同D大腳板玩下先 !

呢度夠玩一年有多剌 !

早上十分寧靜 , 個人都特別舒服

試新玩具

昨日同最高尚宮去左觀塘某工廠大廈睇下 D 摺車 , 本來在網上睇中左一款DAHON HAT 060 , 20吋的摺車 , 但又只得銀 , 黃色 .....原本最高尚宮選擇左部黃色 , 試過都幾好踩 , 但突然又比佢 見到別一部DAHON KAA061喎 ! 嗰部高級過060 , 又輕多 2 kg , 但價錢就.........要 1700 , 但係諗真D部車踩好耐同可以摺埋後搭車去遠 D嘅地方踩 , 計落都 ok 嘅 , 加上部車真係勁好踩 , 於是連我都落埋搭..........呢個時侯更係屈佢減價同送野啦 , 屈左一倫最後 3400 , 有車兩部 , 座墊 兩個 , 長威也鎖一個 , 膠塞兩個 , 水壺架兩個 , 鈴鈴兩個 , 條氣都順番 D , 之後抬返屋企馬上拆晒 D 貨架 , 泥板 ,嘩 ! 架車好似另一架咁 , 型左好多 !休息一陣 , 4點幾落街試車 , 由屋企踩到石門 , 全程嘅感覺真係好舒暢 , 架車又爽 , 沿路睇下風景 , 勁舒服 ! 唔怪得咁多人部買部呢 D車踩 , 而家真係明白晒 ! 買埋 D 頭尾燈就可以夜晚落街踩下 , 冇咁熱麻......呢部車就當係今年嘅生日禮物啦!

原裝返黎係咁嘅款 , 好老土.......( 因冇影相 , 所以要用人地張相用下 )

14吋代步車

今日去大圍睇中左部我想買好耐嘅小形摺車仔

, 14吋轆細細架十分方便收藏 , 用黎代步或駁腳去搭車返工一流

 , 但又有D怕鎖在街邊到收工時唔見左

........應該冇咁邪呱......

最高尚宮見架車摺埋咁細舊

 , 佢又鐘意喎! 咁佢又去試下踩唔踩到 , 由於落雨所以踩左幾下 , 都ok冇乜問題 , 咁不如買兩部啦! 但可惜只得一部

 , 咁要住一部

先啦 , 到晚上見冇雨落就落街試車 , 由於我地都末踩過咁細部車 , 一定要試下點控制 , 點知最高尚宮話個頭好易左右擺

, 我試過都係一樣.....不過只要張重心向後一些就唔難控制了

 , 但最高尚宮係用佢黎買餸 , 個頭咁擺點攪呀 ? 好采買左一部

先 , 咁呢部就我用黎駁腳啦!等個天喊完再同佢去睇過第二 D 車啦

 !

車仔細細 , 都幾好去架 !

摺埋真係好細舊 , 正 !