橫風橫雨釣穫

日期：2010年2月7號 ,廿四(星期日 ,  死流 ) 束風4-5級

時間 : 9:00am-4:30pm

釣點：東涌橋躉

人物 : 倫哥 , 輝叔 , 我

魚獲  : 百花鱸約斤零

是日7:00am到東涌大家樂食早餐 , 但已開始落雨......冇有怕 ! 照去

!!( 因為都己去到釣點 , 唔通返屋企咩

  )食完早餐就行去碼頭間釣餌鋪度買左十四両生蝦( $74 )三個人分ok呀!開頭以為太多 , 但之後發覺差D唔夠用!死未

?一開始冇料到 , 只有石九公攪攪震 , 後來殺左一羣雞泡埋來

........死得 ! 如是者攪左

幾粒鐘 , 倫爺先中一口花鱸 , 斤零 , 我同輝記就不停比D死雞泡攪 , 當佢地都放低晒竿休息時 , 我都不停咁揾花鱸

, 但都冇功而還.......唉.........今年嘅收爐魚只有九公

?之後倫爺又中多一口鱸 BB , 我條氣勁唔順 , 大家企埋嗰個位 , 大家用生蝦點解唔食我

?我只好再等.....................終於我支 " 夢境 "  ( 前打竿 )竿先

傳來 2下急速而有力嘅『魚訊』

個心諗 : 終於黎喇 !之後竿先向下拉 ,除時會

有搶手袋嘅拉力發生 , 佢一開始拉時我便即抽 , 中呀 ! 力度好勁 , 唔知大唔大呢? 因

為鱸魚嘅氣力非常驚人 , 未見到影都未知有幾大條呢!最慘係我條魚絲只得2號 , 又要從躉底頂佢出黎 , 隻手又濕 , 又冇撈簊在身邊.....唉 !總之太多不利因數

,

一輪又跪又拜之後終於見到魚影喇 , 倫爺又拿着撈簊趕到 , 炒左兩次先入網 , 我的人身第一鱸就係咁釣到喇! 勁開心

!今日吹左一日風月淋左一日雨都值得嘅 , 倫爺仲此左條細鱸我 , 晚餐照舊交比最高尚宮處理 , 清蒸 13mins非常好食

, 好似食班咁嘅味同啖啖肉,正!

在此要多謝倫爺教我點釣

, 如冇佢話D密技比我知 , 我一定又打龜

呢度上船嘅

 對面躉

 三人總收穫

 42cm好好飛

有人請食藍青口

今日同最高尚宮行City Super見到藍青口做特價 , 好想試下 ,但我都係唔捨得買 , 最高尚宮見先次次都眼甘甘, 於是就請我食 , 真係好開心呀! Thank you very much !

今日玩即興

今日要去拜山 , 所以冇得去釣魚 , 唯有昨晚同Roy仔去科學園二期夜磯 , 但就魚鱗都冇塊

......唉 !今日去完拜山之後 ,最高尚宮提意去馬鞍山睇下個新起好嘅海濱公園 , 順便買番 D草比肥Mo同睇下有冇想睇果套戲睇 , 於是便搭車落觀塘碼頭轉巴士 , 但去到未有車 , 我突然想起有船搭去北角碼頭 , 又想起北角碼頭 有平海鮮賣喎!

於是便改變行程去搭船,原來最高尚宮小時候經常都搭呢隻船去北角 , 咁一於去回憶一下啦!入到碼頭時,最高尚宮個腦海即時出現好多惜日片斷 , 我就叫佢影番D相 , 得閒可以睇下啦 ( 講真個碼頭咁舊 , 搭客又小 , 唔知幾時會拆 , 有得去下就好好享受下小時候嘅苦與樂,老左又多個回憶丫! )去到北角碼頭時見到有幾檔海鮮檔 , 我地來來回回 , 睇黎睇去 , 就揀左一間叫 " 來記 " 嘅 , 買左4種海鮮 , 檔主仲教我地點煮同幫我地劏好晒 , 仲送埋蔥同辣椒比我地 , 真係好人

! 我地買左 : 象拔蚌 $9 X6隻 , 日本帶子 $5 X 10隻 , 鮑魚仔 $15 X 6隻 , 賴尿蝦 $65 X 1斤 , 應該 $259 , 但佢收左我地$291 , 唔知係咪人工呢

?夜晚又到最高尚宮表演喇! D海鮮真係勁鮮甜

,出 街食又點止呢個價呢 !今日呢個即興真係幾有意義又開心 !





鮑魚仔

象拔蚌仔

 日本帶子

                      賴尿蝦

觀塘碼頭

街渡上層

 街渡下層

專攻大老泥 !

日期：2010年1月1號 ,十七(星期五 ,  大流 ) 束風4-5級

時間 : 6:15am-2:30pm

釣點：三門仔主場

人物 : 志哥 , Roy仔 , 輝叔 , 笙哥 , 肥陳 , 老趙 ,我

魚獲  : 大老泥約三斤

呢個天時D大老泥開始出現喇

, 所以今日嘅目標魚就係佢喇 !! 由於佢地食深左 , 所以昨晚專登走去發燒友買在支長D嘅蝦竿 , 但270冇貨 , 只好買240啦

, 點知上到排用時非常ok喎 , 手感非常之好 , 由其係中三指或以上時 ,滿弓 嘅孤度簡直係完美

, 腰力非常強勁 , 弓魚升水真係冇難度 , 正

! 講番今早一上到排就指定動作 , 揾 , 又係冇.....唉......又玩下烏頭啦 , 但咁早未起身喎 , 於是便專攻大老泥喇 !用餌方面 , 最高尚宮幫我搓左一大舊麵粉 , 再加我條秘方一齊搓 , 一落餌即時起到大老泥喇 ! 真係要向最高尚宮 say 個 Thank you先

! 一邊吹水一邊起魚 , 真係開心到飛起 ! 釣到差不多2:00就劏魚走人 , 原來釣下釣下都差不多有三斤 , 因為大條 , 所以數目唔算太多但就夠晒重手啊!今日成班老友講下笑下真係開心 , 晚餐用煎嘅方式煮左一半食 , 好好味!

久違了的感覺...............

日期：2009年12月26號 ,十一 (星期六 ,  死流 ) 束風4-5級

時間 : 6:30am-12:30pm

釣點：三門仔

人物 : 志哥 , Roy仔同我

魚獲  :老烏( 斤半 ) X1  , 老泥小量

今日先有得放聖誕假 , 諗住同倫爺去東涌上橋墩 , 但個流咁死都係唔搏 , 又聽D老友

講老馬個仔結婚 , 休息三日 , 今日會開番 , 諗諗下三日冇人攪過 ,

應該幾好

境喎!一於上去攪攪佢!!但當我去到碼頭打比老馬時 , 佢竟然話趕唔切番黎開排

.......

我妖佢丫

!!!我一條友企左响碼頭度 on 99 , 天又末光,又大風

.....等到

志哥黎到再諗下上邊個排 , 最後決定去鍾佰度試下啦 , 但又冇帶撈簊同糧食喎 , 點

呢......死就死啦!!

Call左排

主仲要等多半粒鐘先黎到....唉....食風食到飽晒

.上到排即時摷下有冇 , 但又冇 ,

轉玩老烏啦 , 又比D老泥化晒餌 , 突然竿頭急沈一下然後托起 ! 心諗D老泥唔係狼到

咁下話.....但呢D唔係老泥嘅食法喎

, 即抽 ! 中 !! 好有質感 , 又有咁上下重量 , 就同

佢玩兩手先 , 因為好耐冇玩過烏頭喇 , 有D掛住同佢死過嘅感覺

, 一手都唔比佢 , 強

弓佢升水 , 然後就用排主個超粗柄撈簊炒佢 , 一炒入網! 但突然聽到 " 啪 "一聲........

手上嘅重量完全消失左

!!! 望真D個撈簊炸左 ! 斷左個超粗木柄喎!!有冇攪錯 !?咁粗

都斷得

??!!條烏得斤半到之麻 !!!!! 好彩志哥即時用另一個撈簊幫我炒番條烏...........

之後突然起風 , 由於空肚嘅關係 , 我就開始越釣越大條喇 ( D鼻涕 ) 頂住! 但冇第二

條魚再上過水 , 只有老泥 , 於是頂到十二點半走人 !條烏就送左比停車塲肥姐 ,今日

真係又驚又喜喇

haha....

蒲臺島 fit 魷

日期：2009年11月22號 ,初六 (星期日 ,  生流尾 ) 北風4-5級

時間 : 9:30am-2:00pm

釣點：蒲臺島

人物 : 輝叔 , 倫爺 , 我

魚獲  : 大尾魷共 四條

今日晨早七點幾到香港仔食早餐

, 之後便座 8:15am班船出發 , 之後由倫爺做

導遊 帶我地去釣點 , 差不多到時

見到有人在潛水 , 輝叔就話唔好過去 , 但倫

爺就話果度有料到喎 ! 講完一輪就决定唔過去啦 , 點知 fit fit大下見到第二班人霸左果個位仲 fit 到兩隻大尾魷 , 約斤幾一條架!

於是我同倫爺就轉過第二個位 , 都係冇料到

 之後就走去碼頭度同班友迫過先 , 但都係冇料到...........天啊 !!

今日D魷去晒邊呀

 之後再轉位 , 都係冇..........諗住都係打龜架啦 , 因為當時

已下午一點 , 我地要座三點班船走人 , 所兩點要執野! 突然輝叔出現 , 佢仲釣到幾條

冧蚌同石剎 , 過黎同我地一齊 fit , 突然倫爺支竿滿弓 ! 中左啦!! 好大條 , 有斤半左右 !

黎喇 ~黎喇 ~~~ 之後又到輝叔大叫撈簊 ! 佢又中喇 !! 得我未有........

慘 !! 我又走去輝叔個位度試下先 , 但我未開始行已見輝叔又上多條

我要快D

先得喇 , 我唔想打龜呀

好在最後我都中番絛磅頭

, 今日總算冇白行 .

其實今日咁凍又咁大風 , 都諗住冇料到 , 但未去過蒲臺島咪當去下旅行囉 , 幸運地我地三人都有收獲 , 真係好開心

夜晚打邊爐啱晒啦 , 真係勁鮮甜

右邊第二隻係我釣架  ^_^

乜人都有!

日期：2009年11月8號 ,廿二 (星期日 ,  死流 ) 東風3-4級

時間 : 6:30am-1:00pm

釣點：三仔主埸

魚獲  : 斤裝老烏 X 1   , 三指老泥 X 2.5斤

       今日如常上排玩下 , 由於是日死流 , 都諗住冇乜好野 , 咪試下有冇同烏 , 結果

不出所料........

! 即時開支蝦皇出黎玩老泥 , 今日D老泥好大條喎 , 三指至三

指半成海都係 ! 正

!!玩到差不多十二點時老趙終於有第一絛老烏上水喇 , 叫我同Roy仔過去玩啦 , 但有絛四眼仔就九秒九咁仆到過去

, 我見佢咁心急咪由得佢揀個靚位先囉 

到我過到去就四圍都坐左人 , 之後就揀左個最唔就手

嘅位坐低左 , 絛四眼仔見我同Roy仔講話有魚訊 , 就馬上痴埋我左邊個位 , 冇所謂

啦 , 玩吓啫....到我一抽中烏時 , 我頂緊魚同時佢就係咁話 : 「 C兄 , C兄......比個撈簊我 ! 等我幫你撈 ! 」我咪話唔使喇 ! 自己黎得喇!

但佢又好緊張咁又叫我

比個撈簊佢! 我釆佢都 On x 啦! 比你炒斷我支頭芯咪死得! 我又唔係唔識炒魚

!! 跟住佢就好唔耐煩咁叫我快D , 唔好嚇走晒 D 魚喎! 我即時火都起

, 咪同佢講 : 「 唔怕喎 ! D 魚响下面 , 我條魚响上面 , 點都

嚇唔走架喎! 你唔係第一日釣魚下話 C兄

? 自己釣唔倒就咪話人嚇走晒 D 魚

啦 ! 」攪掂絛烏再落一竿 , 又中一絛 , 我又串多佢一句 : 「 咦 ! 唔係比我嚇走晒

咩 ? 點解仲有架? 」 條四眼仔都冇晒聲出 , 於是我就玩大佢 , 中魚後唔就佢 , 死扯!

目的就係要甩口 , 等 D 魚真係嚇走晒!

hahaha.........之後行去第二個位玩番老泥

hahaha............今日玩得好開心呀 , 有得玩又有得食 , 睇下最高尚宮點煮D 老泥先 ! 真係有D口水流出黎

死啦! 做完壞事覺得好開心 , 我係咪有 D 變態

又黎人生第一 " 鮪 "

日期：2009年10月18號 , 初一 (星期日 ,  大生流 ) 東北風4-5級

時間 : 6:30am-1:00pm

釣點：三仔主埸

魚獲  : 斤裝老烏 X 2   , 斤裝紅鮪 X1

今日初一大生流加水漲 加大東風, 諗住都係去打龜多架喇......點 知有驚喜喎!七點幾

至八點幾呢個黃金一小時內連中三元 , 首先放隻蝦仁落去諗往釣 , 點知一落到底

就即刻比人搶手袋 ,

半支竿已直插入水中 ! 即時抽竿 , 但手袋黨即時閃入排

底 , 但我用嗰支神兵係赤武士喎!同佢死過!

力頂數十秒後手袋黨被拖出排底

被捕!原來係條斤裝紅鮪

, 第一次釣到當然勁開心啦

!之後叫埋Roy仔

一齊過黎玩 , 佢又係一落蝦仁就被手袋黨搶去 , 但可惜被搶斷左逃去無綜

.......之後轉玩鳥頭 , 中2上2 , Roy仔就中唔知幾多 , 甩唔知幾多之後上2口細烏 , 仲自己玩斷左支海彥頭心呢

.......今次有魚在手可還返D魚債比老趙同Roy

仔喇 , 每人一條烏啦! 條紅鮪就同最高尚官食到乾乾淨淨 , 非常好食 , 好有酒樓Feel呀 !

正!

人生第一魷

又好耐冇寫Blog喇 , 因為早排個Blog用唔到 , 所以好耐冇寫到而家補返先.......

國慶嗰日同傑仔去左深灣仔上排 fit 魷 ,但去到黃石碼頭打比蟹叔 , 打極都冇人聽 ,

仆街.......放飛機

,於是上左好姐個排 , 錯有錯著 , 個排好多魷 fit 架!! 我開好竿第一鎗就已有一 hit

! 人生第一魷就係咁中到喇~~~~~之後到傑仔都

有一 hit , 冇耐有三個 C兄上左黎 fit , 見佢地不停咁上 , 我地就.........唉......冇計啦 , D

架生唔夠人輝麻

! 條魷真係好好食 , 可能係自己釣同新鮮D啦

之後决定買返 D 好小小嘅架生

, 就先買隻絞先啦! 睇左2間之後就去 Dicky度

買左隻Shimano AERNOS XT 2500SDH , Dicky只收我$410

, 正!!話諗住10月25

號同呀倫去蒲臺島開光 , 到時再寫過!

黃石碼頭

 我的人生第一魷

仲買左隻絞呢!

又冇魚釣喇~~

日期：2009年9月27號 (星期日 ,  死流 )

時間 : 6:30am-1:00pm

釣點：三仔主埸

魚獲  : 老泥一斤左右

好耐冇寫Blog喇 , 因為早幾個星期都冇乜魚釣到 , 只有一兩條老烏同老泥..........

今日大死流 , 一早都預左會冇景 , 個人又超累.......但毒引發作 , 冇計啦 !hehe........

一去到海邊己見D水清見底 , 大獲!! 今日又係去送死喇 ! 但唔使怕喎 , 我第二個目標

魚就係 " 老泥 "hahaha...........今日全排一條烏同都冇上過水 , 笙哥都十二點半同D

fd 走人 lu ! 我就只係用左個零鐘頭玩笩 , 之後就玩老泥 , 而家D老泥大條左好多 , 最

大果幾條都有三四指 , 其他都有兩指 , 正!!

我在網上見到一個 " 低溫微濕養蝦保命法 " http://www.fishinghk.com/forum/thread-

4463-1-1.html  於事就去十蚊店買料試吓 , 晚上七點幾買左一両沙蝦 , 到翌日早上七

點幾都冇死!!初初以為D虾死左 , 但又見個虾腦仲識郁 ,於事就照拎去用啦 , 上到排

拎隻虾出黎 , 等一陣佢就生猛番晒! 原來佢地在低溫下差不多進入冬眠 , 唔係死

左 ,  ( 好在冇掉左佢地啫 )以後用生虾都唔使咁煩lu !

借師兄D相用一用先! 唔該晒!

天氣越黎越熱 , D魚越黎越難釣......

昨日約左笙哥去主埸 , 佢幫我新做左支赤武士頭芯有得拎喇 ! haha !!本來諗住試下支新野 , 點知因為霸唔到個食糊位 , 靜到死!! 突然有一大簊老烏埋左黎 , 諗住冇死啦 , 點知都係只食一個位......我頂 !! 睇住笙哥起魚 , 我就冇得玩 , 之後有人打電話比我 , 又係講講下中魚! 頂 !!好重手 , 好大力 , 應該唔係烏 , 因我用蝦仁 ! 唔知係乜魚呢?頂左兩手後甩口 , 仲留番張卡片比我...........唉! 天意.......收拾心情再釣過 , 過一陣又有魚訊 , 一抽即中! 又係用蝦仁 , 今次應該係黃魚 , 因見到在水中飛黎飛去 , 估唔到咁好力 , 一中即向左飛 , 過桶底斷 , 灰..............笙哥中三口 , 其中一口仲有2斤半 , 勁大碌 , 入唔到撈簊 , 我用我個撈箕幫佢一炒入網 , 攪掂!!唔使三個鍾 , 個麵包籠D包己比D烏清晒 , 其間推到個籠斜晒 , 好得人驚.....太熱關係 , D老泥都沈晒落底 , 只有十幾條 , 老趙又比D我 , 剛好一餐 , 夜晚用黎打邊爐真係好鮮甜!hehe.....