騎乘記錄 10

時間 :                              23-05-2012 ( 夜 )

地點 :                              大圍>吹水碼頭(科學園)＞大圍

DST :                              單次騎行里數                                 22 / km

RTM :                              騎行時間 ( 不包括休息時間 )         1:25 / h

AVG :                              平均時速                                       16 / km

MAX :                              最高時速                                       32.6 / km/h

ODO :                              總里程                                          238 / km
CAL :                               消耗卡路里                                   470



今日睇咗千人台話明天開始天氣又唔隱定 , 又有雨落喇 , 仲有個  強 烈 熱 帶 風 暴 珊 瑚 集 結

在 硫 黃 島 之 西 南 偏 南 約 850 公 里  !! 咁啱三妹問今晚仲出唔出車 ? 我地硬係出啦 , 唔係又要餓一

排先有得玩喇 !   但個新咪錶好奇怪 , 卡路里顯示得 470 , 應該冇咁小喎.....唉 ~~ 希望隻

GIANT快D返啦.....

騎乘記錄 8

時間 :                              22-05-2012 ( 夜 )

地點 :                              大圍>吹水碼頭(科學園)＞大圍

DST :                              單次騎行里數                                 22 / km

RTM :                              騎行時間 ( 不包括休息時間 )         1:25 / h

AVG :                              平均時速                                       16 / km

MAX :                              最高時速                                       28.2 / km/h

ODO :                              總里程                                          216 / km
CAL :                               消耗卡路里                                   1205 





好耐冇操車喇 , 因為唔係開工就係日日落雨 , 攪到今日先出到車 , 今次用新咪錶做記錄 , 發覺

隻錶反應好慢 , 數字又唔係好準 , 冇計啦....百零蚊貨仔 ! 今晚可以出車心情好靚 , 但回程時

去到馬料水水警基地時有兩個人在釣魚 , 我見佢舉高支干 , 我即刻收慢 , 但絛 PK 見我去到

佢背後時就想揚干 , 我即時話 : 睇住呀哥仔 !! 條PK仲好很寸咁話 : 我睇住左你啦 ! 我將部車

急停 , 落車 , 然後問佢 : 而家係唔係我唔啱呀 !? 佢又話 : 咁我咪話睇住左你囉 ! 嘩 !條PK仲

覺得佢冇錯咁款 , 我就指住佢話 : 好 !  你小X心D呀 ! 然後我就踩走 , 講真佢今次真係好好彩

, 因為我冇任何架生喺手 , 如果唔係佢下半世一定要坐輪椅 ! 經過今次我諗住買多支 Seat 通

, 下次再見到佢就要佢知道寸咀嘅後果 !!

新咪錶

早2日去單車舖問老闆我個咪錶幾時修理好 , 因為都有一個多月喇 ! 而家每次出車都冇得用 ,

佢又係話未返呀! 返左會通知你 ! 咁我又問而家係換過隻新比我定修理? 佢又話唔

知...............我話如果換隻新比我的話 , 不如我補錢換隻Cat eye啦 , 我等往用 , 佢又唔制 ! 妖

!! 攪到我都唔知買唔買過隻好 ...... 都唔知係咪佢賣左隻流野比我 , 所以冇得換 ! 點解會咁諗

? 因為佢話我隻錶個矽膠套唔係原裝 , 話我換左喎.......我話冇換過喎 , 成隻錶係你賣比我 , 我

邊有第2個套換呀 ? 佢堅持話係我換左 , 之後又話算啦 算啦..........唉 , 呢間野真係好有問題 ,

我上網都睇到好多人踩呢間係黑店 ! 但今日一於唔理咁多 , 上網 bid 過隻百零蚊有線嘅用住

先 , 咁等法等到佢拉左閘都唔知換唔換到返黎 ! 我約左賣家4點在大圍交收 , 佢話 ok ! 之後又

打黎話要 4:30在九龍塘......算啦 , 就下人冇乜問題啦 ! 點知條 PK 成 5點先到, 仲要拖住條女!

攪到我要同賣Tap個人改喺九龍塘交收 , 真係唔好意思.....而家D 8,9十後真係唔知食乜奶粉大

, 個個都冇責任心 , 冇禮貌 , 冇時間觀念..........以前bid野係賣家主動 send Email比你 , 而家就

要限你幾時要Email比佢 , 好似唔優賣咁 ! 呢D賣家真係不知所謂 !!

新玩具

呢排無乜工開可以休息吓 , 但個天又唔鐘意我 , 日日都落雨 ! 吼 !!!!!!!!!!!!!!!!!!! 攪到好似坐監咁 ,

今日終於忍唔住上網 bid 咗個有線咪錶同一部 7 吋 Aino Novo 7 ELF 精靈版 , 等到閒在屋企時

可以煲下劇 , 唔使攪到生冬菇 ! 今晚叉電先 , 明日再慢慢玩 , 致於個咪錶就會在單車樂先講!

新貨到了

新 Capsule 早幾日到咗貨 , 仲買咗十粒限量版添 ! 

騎乘記錄 7

時間 :                              30-04-2012 ( 夜 )

地點 :                              大圍＞大埔吐露港花園渡頭(燈塔)＞大圍

DST :                              單次騎行里數                                 30 / km

RTM :                              騎行時間 ( 不包括休息時間 )          2 / h

AVG :                              平均時速                                        NA / km

MAX :                              最高時速                                        NA / km/h

ODO :                              總里程                                          194 / km
CAL :                               消耗卡路里                                     NA

早前不停落雨加開工 , 昨夜終於可以出車喇 , 我地一行四人踩到科學園 hea 咗一大倫 , 因為成晚都想落雨 , 所以决定唔到是否再向前行 , 最後决定去回歸塔 , 但去到燈塔位就開始有雨喇 , 唯有掉頭走人 , 但回程又冇落雨喎...........真係比佢玩死,由於今晚超大風

, 回程時仲要逆風 , 踩極都唔去 , 累到想死啊 ! 我地返到屋企已1:00am剛好趕上後門的關門時間呢 !另外要講吓支 cat eye 頭燈 , 真

係唔錯 , 光度同角度剛好 , 唔會太光 , 又省電 , 又夠細支 , 正 !

升級咗光纖

今日pccw 師父上黎拉線 , 咁我唯有將 D 櫃 , 架 , 電腦枱 , 單車等等什物全部搬開 , 因為個入線

位比呢堆什塞住晒 , 搬死我喇..........師父由屋外機房一直將條光纖穿入屋內 , 真係光纖入屋喎 

! 裝完馬上試下速度先 , 又真係幾快喎 , 開一個網頁只係約2秒左右 , 但每次升級後都好似快咗 

, 但一斷時間後就會慢番晒 , 所以今次記錄咗先 , 睇吓遲D會唔會又慢番......哈哈 !

新入手 . 迎夏

早前因我地支電筒都已經夠期 , 又要跌錢買過兩支頭燈喇  揾咗好耐終於揾到2隻牌子 ,  Cat

Eye HL-EL 135 , 及 GIANT Numen EL 2.0 , 去到舖頭要求測試 , 老闆話冇得試 , 又話冇電試

......大佬 , 冇得試點知夠唔夠光呀 ? 唔夠光你送比我都冇用啦 ! 咁我同佢講 : 我去買電返

黎有冇得試 ? 佢話有 , 之後試咗 2 隻光度差不多 , cat eye 就比較光D , 咁就買哇 2 支 cat eye

, 仲買多咗 2 個 保冷水壺準備迎戰夏天 , 上年已買咗 2個制冰器 , 打算將D冰放入水壺度再加

冰水 , 一定透心涼啦 !

騎乘記錄 6

時間 :                              14-04-2012 ( 夜 )

地點 :                              大圍＞大埔海濱公園碼頭＞大圍

DST :                              單次騎行里數                                 50 / km

RTM :                              騎行時間 ( 不包括休息時間 )          NA / h

AVG :                              平均時速                                        NA / km

MAX :                              最高時速                                        NA / km/h

ODO :                              總里程                                          164 / km

CAL :                               消耗卡路里                                     NA


由於個咪錶壞咗所以好多資料冇晒 ! 



完本約咗三妹星期五出車 , 但天文台話會有雷雨所以改左星期六出 ( 當然又比天文台坤咗啦 ) 

, 今次皇后因為出咗D汗粒身痕所以冇去 , 我唯有自己去啦 , 我用咗20分鐘去到双橋 , 等埋佢

兩個就出發去科學園碼頭 , 但三妹話唔夠喉 , 想去回歸塔 , 咁就照去 , 我提議不如再前行到大

埔海濱公園碼頭啦 , 因早前我同皇后因為太夜又唔識路 , 只係去到公厠就返轉頭 , 今次有機

會再黎 , 一於去睇吓 ! 我地沿單車徑去到盡頭一右轉就見到個碼頭好大 , 好多人 , 嗰度仲有間

叫 " 水陸虛 " 嘅露天茶坐 , 但已關門 , 有機會去試吓先 , 突然基基打黎話佢去咗科學園碼頭揾

我吹水 , 但我在大埔碼頭喎 ! 唯有回程時去揾返佢啦 , 回程途中我地又入咗去一個渡頭睇吓 

, 嗰度有個燈塔仔 , 吹咗一陣海風又起程 , 到咗科學園碼頭基基仲未走 , 我地同佢吹咗半個鐘

水就散水喇 , 去到双橋同三妹分手 , 我就一口氣踩返屋企 , 又係用咗 20分鐘 , 今次可以去到

大埔個碼頭好開心 , 里數又多咗一倍 , 繼續努力 !!






双橋等埋佢地先!

騎乘記錄 5

地點                                                                科學園

	日期	9-Apr-2012 夜
DST	記錄單趟騎乘里程	25km
RTM	騎乘時間不包含停止休息時間	1h 23m
AVG	平均時速	20 km
MAX	最高車速	35.4 km
ALM	响鈴,提醒補充水份及休息	-
ODO	總里程	114 km
CAL	消耗卡洛里	1620

今日三妹夫婦在大陸拜完山返黎約踩車 , 我地當然奉陪啦 ! 今次因為就晚飯時間 , 所以約咗

8:00pm 在双橋等 , 但真係好奇怪 D 租租有好多仲未交車 , 仲可以四圍 hea , 乜可以咁夜交車

咩? 不過數量咁小無乜殺傷力 , 可以不理 ! 早前我部戰車個後 brake有响聲 , 所以今日我一次

過換晒前後嘅 brake pad , 諗住冇事啦 , 點知仲响過之前 , 幾條街都聽到 !! 連前面都好响 , 我

諗沿途嚇死好多人 , 去到科學園 set 咗好耐都唔掂 , 第日要去揾師父救命先得.........仲有第二

個問題就係個咪錶又唔知做乜死死地 , 去到科學園時顯示得 6.3 km , 吓 ? 起碼都 12 km 啦

! 初初以為有干擾 , 但回程時一 D 反應都冇.......返到屋企攪一大輪又換新電都係冇反應 ~_ ~

.......唉 ......唔通又係進入咗黑暗時期 ? 慘了 !!

黑暗時期快過了!

今日我地踩咗部戰車去修理 , 皇后部車的舊毛病又返發 , 條頸位踩踩吓實咗 , 好用力先可轉動

車頭 , 但三兩吓就攪掂左 , 到我嗰部就出事喇 ~ ~ ~ ~ ~ ! 我上次問老闆點解剎車會咁响 , 佢話

原裝膠係差D 架 , 咁我換咗新 brake pad 之後仲响過部貨車 , 佢都抓到成地頭皮 , 話可能個 

brake pad 品質差 , 但都唔一定關事 , 咁我唯有同佢買對 GUB 嘅 brake pad , 換咗之後都係

好响 , 佢都好無奈 , 又話我對軨可能花咗 , 可以試吓用 800號水磨沙紙磨吓佢先 , 唔得就要換

軨 , 吓!? 換軨好貴喎 ! 老闆娘就介紹咗對刀軨比我 ,  2000個大洋裝埋 , 唉 ~~~~當時個心都

實埋 , 老闆叫我試吓磨咗先啦 , 唔使咁急換 ! 都啱嘅 ! 我仲問定原裝 P8軨幾錢 , 800個大洋

攪掂 , 咁都冇咁傷 ,至於個咪錶 , 老闆又抓到一地頭皮都攪唔掂 , 只好幫我問代理有冇得修理 , 

留電話通知我 , 煩完佢一輪 , 錢當然要比啦 , 花咗89個大洋都解决唔到問題 , 唯有食完飯去

五金舖買沙紙返去磨吓先 , 我折咗對軨入廁所磨咗一大輪 , 準備落街試車時友人打電話比我

叫我幫佢買個有彈弓嘅坐位 , 啱晒 , 一開始都有 D响 , 但越來越細聲 , 最後只有大力剎車先有

聲 , 好了 ! 起碼唔使換軨 , 睇黎D黑氣開始過喇 , 但返到屋企老闆娘打比我 , 叫我拎個咪錶比

佢地 , 過兩日代理送貨黎順便交比佢喎 ! 我妖呀!!! 一早唔講 ? 落咗去兩次都唔講 ? 又返左屋

企先講 !! 皇后話明日幫我拎比佢 , 希望可以換番個新啦 !




成 set 拆晒出黎喇......

新入手代步車

早幾日停車埸個靚姐幫我買咗部牛肺代步車 , 因為佢個鄰居專收政府剪返黎果D單車 , 然後轉

賣比人 , 但可能啊姐比條友坤咗啦 ! 部車好殘 , 條軚又裂晒 , 又無咗九成 brake , 前後彈弓又癈

埋 , 又轉唔到波 .......阿姐都好唔好意思 , 算啦 , $150 踩得到都算係咁啦 ! 因為自己懶過狗所

以咪買架牛肺代吓步 , 起碼唔會比人偷先啦 ! 哈哈....

遠睇都幾似部單車架 !

騎乘記錄 4

 地點                                                                科學園

	日期	4-Apr-2012 夜
DST	記錄單趟騎乘里程	21.1km
RTM	騎乘時間不包含停止休息時間	1h 21m
AVG	平均時速	20 km
MAX	最高車速	38.5 km
ALM	响鈴,提醒補充水份及休息	-
ODO	總里程	89 km
CAL	消耗卡洛里	1726

今日有假放 , 午飯後落街攪下部戰車 , 因為後 brake 剎車時勁响 , 上網問過D 師兄話可能對

brake pad 走咗位 , 有個話可能磨蝕咗 , 我 tune 過之後就冇咗聲 , 但到黃昏出車無耐又响

過.............唉 ~~~~早知換咗對 brake pad 就唔使煩啦 !  之後又 set 吓我早幾日買返黎嘅袋步

車 , 因為seat 位唔高 , brake 又唔夠 , 軚又冇氣........唉 , 下篇會再講 ! 今晚七點約埋三妹兩

公婆一齊踩 , 到左黃昏差不多六點我地就出發 , 但單車徑上仍然有成千上萬個 joe joe , 只好

死忍 , 但 D joe joe 真係黑人憎到冇朋友 , 踩得勁慢都唔緊要 , 人多慢D我明白 , 但突然勁Dup

車停晒响度 , S 型咁踩 , 又停晒係度吹水...........妖 !!! 攪到皇后部車撞埋我車尾 , 好彩人車都

冇事 , 我忍唔住勁插佢地問佢地想點 ? 佢地只識講唔好意思 , 有個仲踩對頭車 , 我鈴佢佢唔

cut 返入去 , 想我讓開 , 但我已經着晒火 , 於是特登唔讓 , 用我右邊隻金屬牛角對住佢隻右手

準備撞埋去 ( 呢下都幾毒 ) ! 條粉皮見我咁狼就馬上cut 返埋左線 , 佢幾乎同佢D 老友炒埋一

碟 , 當時心都凉晒 , 如果佢唔閃 , 佢隻右手手背一定會斷骨 , 其實我都唔想咁狼 , 我知佢要係

班 fd 面前威 , 但攪着我算佢唔好彩啦 !! 去到雙橋等埋三妹同等D怪獸走得七七八八我地先入

科學園 , 今次去朗厨坊同皇后分享豬手一隻 , 四個人吹吓水之後散 , 我同皇后由科學園起步

到划艇會只係用咗五分鐘 , 嘩 ! 今次快咗好多 , 最高速度去到 38.5 km/h , 可能早兩晚先操完

車 , 所以腳力好咗啦 !  

騎乘記錄 3

      地點                                                                科學園

	日期	31-Mar-12 夜
DST	記錄單趟騎乘里程	23km
RTM	騎乘時間不包含停止休息時間	1h 23m
AVG	平均時速	20 km
MAX	最高車速	29.3 km
ALM	响鈴,提醒補充水份及休息	-
ODO	總里程	68 km
CAL	消耗卡洛里	1828

今日早收工 , 加上明日有假放 , 所以又可以去操下車喇 , 上兩次最高時速係 28.2 km , 今次最高

係 29.3km ! 快左 ! 卡路里個數字都多咗 ( 唔知準唔準 ) , 踩完返到大圍先買外賣返屋企食 , 踩

完車真係好爽 ! 今晚又可以訓餐飽 !

焗豬扒飯 + 香草蒜茸焗豬寸骨

呢排非常忙 , 因為展覽又開始喇 , 又係揾錢嘅時侯 !! 今日唔使 OT 所以皇后特登為我準備左焗

豬扒飯及香草蒜茸焗豬寸骨 , 由於上次焗得比較乾 , 今次皇后做得非常好 , 先講個飯 , 豬扒一D

都唔韌 , 飯底炒完唔油 , 加埋D茄汁好juice ! 豬寸骨醃得好入味 , 焗完唔會好似上次咁乾 ,

今次仲加埋一碗肉汁用黎加上骨面 , 一食落去好有BBQ風味 , 肉嫩多汁 , 好味呀 ! 皇后仲分左

三份一焗飯給Carol , 佢都話好好食 , 重后都好開心呢!

Airfryer 雞中翼

個Airfryer真係好好用 , 炸雞翼又脆又可減油 ! 

騎乘記錄 2

                    地點                                                                科學園

	日期	22-Mar-12 夜
DST	記錄單趟騎乘里程	21km
RTM	騎乘時間不包含停止休息時間	1h 19m
AVG	平均時速	20 km
MAX	最高車速	28.2 km
ALM	响鈴,提醒補充水份及休息	-
ODO	總里程	45 km
CAL	消耗卡洛里	1245

今晚偉仔突然 whats app我問幾時出車 , 摘日不如撞日 , 我同皇后商量左十秒鐘就决定應約 !

8:30pm 出車去禾輋 join 埋偉仔 , 原來佢早過我地到 , 但佢太耐冇踩所以兩條軚都冇氣 , 我即

時幫佢打番氣 , 但佢部車個波腳有問題 , 會自動跳波 , set左一輪都唔得 , 可能係我唔識攪啦

, 唯有照去啦 ! 到步照舊坐下吹下水 , 見有小小毛毛雨就起錨走人 , 今次係第二次操車 , 希望
可以再抽多D時間操多D啦 !

第一次成功淘到宝!

上回講到怒爆登記後就開始第一次淘宝喇 , 我用阿里旺旺向賣家發左一輪問題之後 , 連我自己

都覺得煩呢! 哈哈......第一次嘛 ! 我先去 7 仔買左五舊水淘點 , 入左Acc.之後只有三百九十幾人

仔 , ( 好赤~~~ ) , 成功拍下物品後叫賣家用順風運到香港我指定的 7 仔代收先 , 我星期五晚 6

點幾下拍 , 星期六 收到順風 sms話3 點後就有得拎 ! 真係好快 , 但運費就要 $37港元 , 但冇所

謂啦 , 因為香港買唔到 ! 第一次淘野都幾好玩啊!

學人玩淘宝

有日上網睇到一個單車尾燈 , 可以做到同汽車一樣剎車着燈的功能 , 仲要係無線 ! 其實係用感

應的原理啊 ! 但可惜暫時在香港買唔到 , 只有在淘宝先有呢......但我又唔識用喎 , 咪叫朋友幫

忙 , 佢一口答應左 , 因他細佬用開淘宝 , 之後話其實好容易用 , 我又心思思想試下, 始終成日煩

往人唔係咁好! 我開始在淘宝登記好成功 , 好順利啊! 但原來又要去淘點登記 , 咁又登啦 , 但唔

知點解登極都唔得 , 一陣又話乜乜未激活 , 一陣又話身份証係 15-18 位數字 , 一陣又話手提係

11 , 13 , 16......字頭.......嘩 !好想死呀 !#$%^&*.......想問人又怕太夜煩住人 , 只好關掉所有視

窗 , 但條氣又唔順 , 冇理由人地得我唔得架 !! 皇后見我出晒煙 , 咁佢又試下登記 , 點知連個名

己經 kick 住左 ,連佢提供嘅名都話有人用左 , 有冇攪錯 !!? 到手提電話又話冇呢個號碼..........

吼 !!! 個電話用緊架喎! 再上網睇一陣又試過 , 之後又得喎 ! 吼 !!!!攪乜呀 ?? 做D野同頭先一

樣 , 發生乜事 ? 吼.........真係想死 ! 原來咁多人話唔識攪 , 所以就有一D人專門幫人代購賺錢

呢 ! 而家總算攪掂 , 等我遲D去 OK 買淘點返黎試下玩先 ! 唉 ~~到時又唔知有乜問題發生

了...........哈哈.......

蜜椒焗豬寸骨

早前買左幾舊豬寸骨 , 經過解凍及醃左幾日 , 今日皇后帶病焗左比我食 , 真係辛苦晒佢 ! 講番D

豬寸骨 , 好入味 , 肉好淋 , 好好食! 我覺得如果有番D汁就完美喇 ! 

終於可以踩車喇

今日約埋皇后個三妹及妹夫出夜車 , 我地先踩去河畔食左飯先 , 邊食邊吹水 , 然後出發去科學

園 ( 又係科學園?) 係呀! D fd都話我地冇D新意 , 但我覺得呢度真係好正喎 , 路程又啱我地踩 ,

12km , 來回 24km , ok喎 ! 又唔使踩好耐 , hea埋都係 3-4粒鐘 ,沿途又有公厠同自動售賣機 ,

夜晚D 師兄又守秩序 ! 因為夜晚冇晒 D租租攪攪震 , 條路暢通左同安全左 , 我又非常鐘意去到

碼頭吹下海風 ( 因為我鐘意海同釣魚) 至於馬鞍山嗰邊就麻麻喇 , 條單車徑凹凹凸凸 , 旁邊的樹

根生到出黎 , 攪到條路爆晒 , 加上路窄人多 , 冇錯 ! 係 " 人 " 多! 唔知點解D人係要在單車徑散

步 , 跑步 , 放狗同拍拖........所以我地好小去嗰邊 , 另外一個原因係我地志在操下車做下運動

, 就算次次去同一個地方都冇所謂啦 !




Ready 好喇 !!

新 Topic

話說早排有個 " 多做運動 " 嘅計劃 ,但因為工作太忙的關係 ( 耤口 ) , 所以未能開始.......還記得

早前買左個單車咪錶啊 ! 目的就係用黎記下時間 , 里程及速度 , 睇下自己有冇進步先!昨日見無

雨落便馬上去實現呢個計劃 , 仲要開多個新 Topic去記錄一下 !! 好了! 第一次的記錄 :

	日期	10-Mar-12 夜車
DST	記錄單趟騎乘里程	24km
RTM	騎乘時間不包含停止休息時間	1:45 h
AVG	平均時速	20 km
MAX	最高車速	28.2 km
ALM	响鈴,提醒補充水份及休息	-
ODO	總里程	24 km
CAL	消耗卡洛里	1385

  

青紅蘿蔔煲豬(月展)

我地第一次用壓力煲 , 好緊張啊.......... ! 先用大火煲滾 , 然後轉細火煲一粒鐘 , 終於完成第一

道靚湯 , 好甜啊 , 下次要試下煲個半鐘 , 可能仲好味呀!